କଟକ: ନା ଥିଲା କଂଗ୍ରେସର ବ୍ୟାନର ପୋଷ୍ଟର ନା ଥିଲେ କଂଗ୍ରେର ନେତୃବୃନ୍ଦ। ହେଲେ ବାରବାଟୀ କଟକ ବିଧାୟକ ମହମ୍ମଦ ମୋକିମଙ୍କ ଦ୍ବାରା ଅନୁଷ୍ଠିତ ହୋଇଥିଲା ବିରାଟ ବନ୍ଧୁ ମିଳନ । ଦରଘାବଜାର ପୁରୁଣା ଜେଲ ପଡ଼ିଆରେ ଅନୁଷ୍ଠିତ ହୋଇଛି ମୋକିମଙ୍କ ବିଶାଳ ସମ୍ମିଳନୀ । ତେବେ ଏହି ବନ୍ଧୁ ମିଳନ ବାରବାଟୀ କଟକ ବିଧାୟକ ମହମ୍ମଦ ମୋକିମଙ୍କ ଏକ ଶକ୍ତି ପ୍ରଦର୍ଶନ ବୋଲି ଚର୍ଚ୍ଚା ହେଉଛି।

ଏହି ବନ୍ଧୁ ମିଳନରେ କଟକ ସହରରରୁ ସାମିଲ ହୋଇଥିଲେ ହଜାର ହଜାର ଲୋକ । ତେବେ କଂଗ୍ରେସ ଦଳରେ ବିବାଦ ଥିବାରୁ ଦଳ ଛାଡିବା ନେଇ ଚର୍ଚ୍ଚା ଜୋର ଧରିଛି। ତେବେ ସିଧାସଳଖ ଦଳ ପରିବର୍ତ୍ତନ କଥାକୁ ନ ଏଡ଼ାଇ କଟକବାସୀ ଯାହା ଚାହିଁବେ ସେଇଆ ହେବ ବୋଲି କହିଛନ୍ତି ବାରବାଟୀ  କଟକ ବିଧାୟକ ମହମ୍ମଦ ମୋକିମ ।