ମୁମ୍ବାଇ : ଏମିତିରେ କୁହାଯାଏ ପ୍ରେମ ଏକ ମିଠା ଅନୁଭୂତି । ଯାହା ଜୀବନକୁ ଖୁସିରେ ଭରିଦିଏ । କିନ୍ତୁ ବଲିଉଡର କିଛି ଏପରି ସେଲିବ୍ରିଟି ଅଛନ୍ତି ଯେଉଁମାନଙ୍କ ପ୍ରେମ ମିଠା ନୁହେଁ ବରଂ ଖଟ୍ଟା ଏବଂ ତିକ୍ତତାରେ ଭରି ରହିଥିଲା ।

ସଲମାନ ଖାନ-ଐଶ୍ବର୍ଯ୍ୟା ରାୟ :

ପ୍ରତ୍ୟେକ ସମ୍ପର୍କ ପରି ସଲମାନ ଓ ଐଶ୍ବର୍ଯ୍ୟାଙ୍କ ପ୍ରେମ ମଧ୍ୟ ବହୁତ ସୁନ୍ଦର ଭାବେ ଆରମ୍ଭ ହୋଇଥିଲା । କିନ୍ତୁ ଏହି ସମ୍ପର୍କ ଦୁହିଁଙ୍କ ପାଇଁ ଏପରି କଷ୍ଟଦାୟକ ଭାବେ ଶେଷ ହେବ କେହି ବି ଚିନ୍ତା କରିନଥିଲେ । ଐଶଙ୍କ ପ୍ରେମରେ ସଲ୍ଲୁ ଦିଓ୍ବାନା ହୋଇଯାଇଥିଲେ । ବୋଧହୁଏ ଏହା ହିଁ ଉଭୟଙ୍କ ସମ୍ପର୍କ ଭାଙ୍ଗିବାର କାରଣ ରହିଥିଲା। ଦୁହିଁଙ୍କ ପ୍ରେମ ସଂପର୍କ ଭାଙ୍ଗିବା ପରେ ଖୁବ୍ କାନ୍ଦିଛନ୍ତି ସଲମାନ ଖାନ ଏବଂ ଐଶ୍ଵର୍ଯ୍ୟା ରାୟ।

ଅକ୍ଷୟ କୁମାର- ଶିଳ୍ପା ସେଟ୍ଟୀ :

ଅକ୍ଷୟ କୁମାର ଏବଂ ଶିଳ୍ପା ସେଟ୍ଟୀଙ୍କ ସମ୍ପର୍କ କାହାକୁ ଅଛପା ନାହିଁ । କିନ୍ତୁ କୁହାଯାଏ ଯେ ଶିଳ୍ପାଙ୍କ ପଛରେ ପଡିଥିବା ଅକ୍ଷୟ ପରବର୍ତ୍ତୀ ସମୟରେ ତାଙ୍କ ସାଙ୍ଗ ଟ୍ବିଙ୍କିଲ ଖନ୍ନାଙ୍କ ସହ ନିକଟତର ହୋଇଥିଲେ । ପୁଣି ଅକ୍ଷୟ ଏବଂ ଟ୍ଵିଙ୍କିଲ ବିବାହ ବନ୍ଧନରେ ବାନ୍ଧି ହୋଇ ଯାଇଥିଲେ। ଆଉ ଶିଳ୍ପାଙ୍କୁ କେବଳ ମିଳିଥିଲା ଧୋକ୍କା ଏବଂ କଷ୍ଟ ।

ଦୀପିକା ପାଦୁକୋନ-ରଣବୀର କପୁର  :

ଦୀପିକା ପାଦୁକୋନ ଏବଂ ରଣବୀର କପୁର ନିଜ କ୍ୟାରିୟରର ଆରମ୍ଭରେ ଏକାଠି ଅନେକ ଫିଲ୍ମ କରିଥିଲେ । ଏହି ସମୟରେ ଉଭୟ ପରସ୍ପରର ପ୍ରେମରେ ପଡିଯାଇଥିଲେ ।  କିନ୍ତୁ ଯେତେବେଳେ ହୃଦୟ ଭାଙ୍ଗିଗଲା, ସବୁକିଛି ଓଲଟ ପାଲଟ ହୋଇ ଯାଇଥିଲା। କୁହାଯାଏ ଯେ ରଣବୀରଙ୍କ ଦ୍ୱାରା ପ୍ରତାରିତ ହେବା ପରେ ଅନେକ ଦିନ ଧରି ଡିପ୍ରେସନରେ ରହିଥିଲେ ଦୀପିକା ।

ରଣବୀର କପୁର-କ୍ୟାଟ୍ରିନା କୈଫ :

ରଣବୀରଙ୍କ ପ୍ରେମରେ ପ୍ରତାରିତ ହୋଇ ଯେଉଁ କଷ୍ଟ ପାଇଥିଲେ ଦୀପିକା ପାଇଥିଲେ, ସେହି କଷ୍ଟ ଦେଇ ମଧ୍ୟ ଗତି କରିଥିଲେ କ୍ୟାଟ୍ରିନା ।  ସେହି ସମୟରେ ମଧ୍ୟ ଉଭୟଙ୍କ ବିବାହ ନେଇ ଚର୍ଚ୍ଚା ହୋଇଥିଲା । କିନ୍ତୁ ଯେତେବେଳେ ଏହି ସମ୍ପର୍କ ଭାଙ୍ଗିଲା,କ୍ୟାଟ୍ରିନାଙ୍କ ହୃଦୟରେ ଲୁଚି ରହିଥିବା ଯନ୍ତ୍ରଣା ମଧ୍ୟ ସାମ୍ନାକୁ ଆସିଥିଲା ।

ହ୍ରିତିକ ରୋଶନ-ସୁଜାନ ଖାନ:

ହ୍ରିତିକ ଓ ସୁଜାନଙ୍କ ପ୍ରେମ କାହାଣୀ କୌଣସି ଫିଲ୍ମ କାହାଣୀଠାରୁ କମ୍ ନୁହେଁ । ଜଣେ ରାଜକୁମାର ଏବଂ ରାଜକୁମାରୀ ଦୁହେଁ ଦୁହିଁଙ୍କୁ ଭେଟିଲେ ଏବଂ ପରସ୍ପରର ପ୍ରେମରେ ପଡ଼ିଗଲେ । ଆଉ ବିବାହ କରିବାକୁ ମଧ୍ୟ ଅଧିକ ସମୟ ଲାଗିଲା ନାହିଁ । କିନ୍ତୁ ୧୪ ବର୍ଷ ପରେ ଉଭୟଙ୍କ ବିବାହ ବିଚ୍ଛେଦ ଘଟିଛି। କୁହାଯାଏ କି ସୁଜାନ ହ୍ରିତିକଙ୍କ ଅନ୍ୟ ଅଭିନେତ୍ରୀଙ୍କ ସହ ସମ୍ପର୍କକୁ ସହ୍ୟ କରି ପାରିନଥିଲେ । ତେଣୁ ଦୁହିଁଙ୍କ ସମ୍ପର୍କରେ ପଡିଥିଲା ପୂର୍ଣ୍ଣଛେଦ ।