ମୁମ୍ଵାଇ ୨୧।୦୯: ଦେଶର ଅନ୍ୟତମ ତଥା ସବୁଠୁ ଡିମାଣ୍ଡିଂ ଆକ୍ଟର ଅଲ୍ଲୁ ଅର୍ଜୁନ । ନିକଟରେ ଫିଲ୍ମ ‘ପୁଷ୍ପା: ଦ ରାଇଜ୍‌’ ପାଇଁ ଜାତୀୟ ଚଳଚ୍ଚିତ୍ର ସମ୍ମାନ ପକ୍ଷରୁ ତାଙ୍କୁ ଶ୍ରେଷ୍ଠ ଅଭିନେତା ଦ୍ୱାରା ସମ୍ମାନିତ କରାଯାଇଛି । ହେଲେ ଏବେ ଲାଟେଷ୍ଟ ଖବର ହେଉଛି ଲଣ୍ଡନର ମାଡାମ୍‌ ତୁସାଦ ମ୍ୟୁଜିୟମ୍‌ରେ ଖୁବ୍‌ଶୀଘ୍ର ଅଲ୍ଲୁଙ୍କ ମହମ ପ୍ରତିମା ସ୍ଥାନ ପାଇବ । ଅଲ୍ଲୁ ସାଉଥ୍‌ର ୪ର୍ଥ ସୁପର୍‌ଷ୍ଟାର ହେବେ। ଯାହାଙ୍କ ମହମ ପ୍ରତିମା ତୁସାଦରେ ସ୍ଥାନ ପାଇବ । ଏ ନେଇ ପ୍ରସ୍ତୁତି ଜୋରଦାର ହୋଇଛି।

ତାଙ୍କ ପୂର୍ବରୁ ପ୍ରଭାସ, ମହେଶ ବାବୁ ଓ କାଜଲ ଅଗ୍ରୱାଲଙ୍କ ମହମ ପ୍ରତିମା ମ୍ୟୁଜିୟମ୍‌ରେ ସ୍ଥାନ ପାଇଛି । ପ୍ରଭାସ ପ୍ରଥମ ପାନ୍‌ ଇଣ୍ଡିଆ ଷ୍ଟାର୍‌ ଥିଲେ, ଯାହାଙ୍କ ପ୍ରତିମା ମାଡାମ୍‌ ତୁସାଦରେ ରଖାଯାଇଥିଲା। ଖୁବ୍‌ଶୀଘ୍ର ଫିଲ୍ମ ‘ପୁଷ୍ପା-୨’ର ସୁଟିଂରୁ ବ୍ରେକ୍‌ ନେଇ ଆଗାମି ଦୁଇ ଦିନ ମଧ୍ୟରେ ଅଲ୍ଲୁ ଲଣ୍ଡନ ଯିବେ । ସେଠାରେ ମହମ ପ୍ରତିମା ନିର୍ମାଣ ଲାଗି ତାଙ୍କର ମାପ ନିଆଯିବ ।

୨୦୨୪ ମସିହାରେ ତାଙ୍କ ପ୍ରତିମାର ଅନାବରଣ ହେବ । ମାଡାମ୍‌ ତୁସାଦ ମହମ ସଂଗ୍ରହାଳୟରେ ପୂର୍ବରୁ ଅମିତାଭ ବଚ୍ଚନ, ଐଶ୍ୱର୍ଯ୍ୟା ରାୟ, ଶାହରୁଖ ଖାନ୍‌, ଋତ୍ୱିକ ରୋଶନ୍‌, ପ୍ରିୟଙ୍କା ଚୋପ୍ରା, ସଲମାନ ଖାନ୍‌, ଦୀପିକା ପାଦୁକୋନ, କରୀନା କପୁରଙ୍କ ସମେତ ଅନେକ କଳାକାରଙ୍କ ପ୍ରତିମା ରହିଛି । ଏବେ ଅଲ୍ଲୁ ସେମାନଙ୍କ ସହିତ ଯୋଗ ଦେବେ ।