ନୂଆଦିଲ୍ଲୀ ୧୭/୧୨: ଅଲୁ ଅର୍ଜୁନ ଏବଂ ରଶ୍ମିକା ମନ୍ଦନାଙ୍କ ଅଭିନୀତ ଫିଲ୍ମ ‘ପୁଷ୍ପା’କୁ ସାରା ଦେଶର ଲୋକେ ଅପେକ୍ଷା କରିଥିଲେ। ଆଜି ସେହି ଦିନ ପହଞ୍ଚିଛି, କାରଣ ଡିସେମ୍ବର ୧୭ ରେ ଏହି ଫିଲ୍ମ ରିଲିଜ୍ ହୋଇଛି। ଏହି ଫିଲ୍ମକୁ ଦେଖିବା ପାଇଁ ଆଡଭାନ୍ସ ଟିକେଟ୍ ବୁକ୍ କରାଯାଇଥିଲା। ଯଦିଓ 'ପୁଷ୍ପା' 'ରିଲିଜ୍ ପୂର୍ବରୁ ଟ୍ରେଲର ମାଧ୍ୟମରେ ଦର୍ଶକଙ୍କ ଠାରୁ ଅପାର ପ୍ରେମ ଲାଭ କରୁଛି, କିନ୍ତୁ କର୍ଣ୍ଣାଟକରେ ଏହାକୁ ତୀବ୍ର ବିରୋଧ କରାଯାଉଛି। ଏଥିସହିତ #’Pushpa’: Why is Twitter raging ଏବଂ #FahadhFaasil ହ୍ୟାସଟ୍ୟାଗ୍ ସକାଳୁ ଟ୍ୱିଟରରେ ଟ୍ରେଣ୍ଡ କରୁଛି।
{"width":674,"height":674}
ବାସ୍ତବରେ ତେଲୁଗୁ, ତାମିଲ, ହିନ୍ଦୀ, କନ୍ନଡ ଏବଂ ମାଲାୟାଲମ୍ ଭାଷାରେ ବହୁଭାଷୀ ଫିଲ୍ମ ପୁଷ୍ପା ରିଲିଜ୍ ହୋଇଛି। କିନ୍ତୁ କନ୍ନଡ ଭର୍ସନ ପାଇଁ ପରଦାର ଅଭାବ ରାଜ୍ୟରେ ଦର୍ଶକଙ୍କୁ ନିରାଶ କରିଛି। ଯେଉଁଥିପାଇଁ ଅଲୁ-ରଶ୍ମିକାଙ୍କ ଫ୍ୟାନ୍ସ କ୍ରୋଧିତ ଅଛନ୍ତି ଏବଂ ଏହାକୁ ବହିଷ୍କାର କରୁଛନ୍ତି। ପୁଷ୍ପାର ତେଲୁଗୁ ଭର୍ସନ କର୍ଣ୍ଣାଟକରେ ଅଧିକ ସ୍କ୍ରିନ୍ ପାଇଛି, ଯେଉଁଥିପାଇଁ ସେଠାରେ ଥିବା ଲୋକଙ୍କ ମଧ୍ୟରେ ନିରାଶା ଦେଖାଦେଇଛି କାରଣ ସେମାନେ ନିଜ ରାଜ୍ୟରେ ଫିଲ୍ମର କନ୍ନଡ ଭର୍ସନର ଶୋ’ ଅଧିକ ଚାହୁଁଛନ୍ତି। ଏହା ନହେବାରୁ ସେମାନେ ସୋସିଆଲ ମିଡିଆ ମାଧ୍ୟମରେ ଏହାକୁ ବୟକଟ କରିବାକୁ ଦାବି କରୁଛନ୍ତି।
