ଢେଙ୍କାନାଳ, ୨୯/୧୦: ଢେଙ୍କାନାଳ ସଦର ଥାନା ଅନ୍ତର୍ଗତ କାଇମାଟି ପଂଚାୟତର କୁକୁଡାଝର ନିକଟରେ ଜଣେ ଯୁବକଙ୍କୁ ମରଣାନ୍ତକ ଆକ୍ରମଣ ହୋଇଛି । ତାଙ୍କୁ ଗୁରୁତର ଅବସ୍ଥାରେ ଢେଙ୍କାନାଳ ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ତାଙ୍କ ମୁଣ୍ଡ ଓ ହାତରେ ଗଭୀର କ୍ଷତ ହୋଇଥିବା ଜଣାପଡିଛି । ଗୁରୁତର ଯୁବକ ଜଣଙ୍କ ସଦର ଥାନା ଅନ୍ତର୍ଗତ କାଇମାଟି ପଂଚାୟତର ଗହମଖୁଣ୍ଟି ଗ୍ରାମର ସୂର୍ଯ୍ୟକାନ୍ତ ଖିଲାର ବୋଲି ଜଣାପଡିଛି । ଗତ ପଂଚାୟତ ନିର୍ଵାଚନରେ ସୂର୍ଯ୍ୟକାନ୍ତଙ୍କ ଦାଦା ସରପଞ୍ଚ ଭାବେ ପ୍ରତିଦ୍ବନ୍ଦିତା କରିଥିବାବେଳେ ସେ ପ୍ରମୁଖ ଭୁମିକା ନେଇଥିଲେ ।
ଫଳରେ ଗତ ପଂଚାୟତ ନିର୍ବାଚନର ଆକ୍ରୋଶର ଶିକାର ହୋଇଥିବା ଗୁରୁତର ସୂର୍ଯ୍ୟକାନ୍ତ ପ୍ରକାଶ କରିଛନ୍ତି । ଏପରିକି ସୁଯ୍ୟକାନ୍ତଙ୍କର ଜଣେ ସାଙ୍ଗକୁ କୁକୁଡାଝର ଛକରେ ଆକ୍ରମଣ କରିବାରୁ ସୁଯ୍ୟକାନ୍ତ ପ୍ରତିବାଦ କରିଥିଲେ । ଫଳରେ ସୂର୍ଯ୍ୟକାନ୍ତଙ୍କୁ କାଇମାଟି ସରପଞ୍ଚ, ସରପଞ୍ଚଙ୍କ ସମ୍ପର୍କୀୟ ଓ ସମର୍ଥକମାନେ ସଂଘବଦ୍ଧ ଭାବେ ମରଣାନ୍ତକ ଆକ୍ରମଣ କରିଥିବା ଅଭିଯୋଗ ଉଠାଇଛନ୍ତି ।
