ଯାଜପୁର ୧୮/୧୦: ଆଜି କାର୍ତ୍ତିକ ମାସ ଆରମ୍ଭ । ମାସ ଆରମ୍ଭ ପୂର୍ବରୁ ପରିବା ଦର ଆକାଶ ଛୁଆଁ ହେବାରେ ଲାଗିଛି । ସବୁ ପରିବା ୮୦ ରୁ ଖସି ୧୦୦ ଛୁଇଁଲାଣି ତ ଆଉ କିଏ ୧୦୦ ଟପି ଗଲାଣି । ଏହାର ପ୍ରଭାବ ପରିବା ବଜାରରୁ ହାଣ୍ଡି ଶାଳ ଉପରେ ପଡିଛି ।
ଗ୍ରାହକ ଟିଏ ଯେଉଁ ପରିବା ରୁ କିଲେ ବା ଦୁଇ କିଲୋ ନେଉଥିଲେ ଏବେ ସେଥିରୁ ଅଢେଇଶ ଗ୍ରାମ ନେବା ପାଇଁ ମଧ୍ୟ ବାରମ୍ବାର ଚିନ୍ତା କରିବାକୁ ପଡୁଛି । ୫୦୦ ଟଙ୍କାରେ ବ୍ୟାଗ ଫୁଲ ହୋଇ ଆଉ ପରିବା ବଳୁଥିବା ବେଳେ ଏବେ ହଜାର ଟଙ୍କାରେ ବି ପରିବା ବ୍ୟାଗ ଫୁଲ ହେବା ସମ୍ଭବ ହେଉନାହିଁ । ଯାହାକୁ ନେଇ ଏବେ ସବୁ ବର୍ଗର ଗ୍ରାହକ ଚିନ୍ତାରେ ପଡିଥିବାର ଦେଖିବାକୁ ମିଳିଛି ।
