ଆସନ୍ତା ୧୬ ତାରିଖ ମଙ୍ଗଳବାର ଗୁରୁପୁର୍ଣ୍ଣିମାରେ ଚନ୍ଦ୍ରଗ୍ରହଣ ହେବ। ଗତ ଜୁଲାଇ ୨ ତାରିଖରେ ସୂର୍ଯ୍ୟ ପରାଗ ହୋଇଥିଲା। ତେବେ ଭାରତରେ ଏହା ଦେଖା ଯାଇନଥିବାରୁ ପରାଗ ପାଳନୀୟ ହୋଇ ନଥିଲା। ତେବେ ଚନ୍ଦ୍ରଗ୍ରହଣ ଭାରତରେ ଦୃଶ୍ୟ ହେଉଛି। ଏଣୁ ଏହା ପାଳନୀୟ ବୋଲି ଜ୍ୟୋତିଷାଚାର୍ଯ୍ୟମାନେ କହିଛନ୍ତି। ୧୬ ଓ ୧୭ ଜୁଲାଇର ଏହି ଚନ୍ଦ୍ରଗ୍ରହଣ ଭାରତ ବ୍ୟତୀତ ୟୁରୋପ, ଅଷ୍ଟ୍ରେଲିଆ, ଆଫ୍ରିକା ଓ ଆମେରିକାରେ ମଧ୍ୟ ଦେଖାଯିବ।
{"id":131541,"width":580,"height":403}![](https://www.prameyanews7.com/wp-content/uploads/2019/07/kitchen.jpg)
ଗୁରୁପୂର୍ଣ୍ଣିମାର ଏହି ଚନ୍ଦ୍ରଗ୍ରହଣ ପ୍ରାୟ ୧୪୯ ବର୍ଷ ପରେ ସଂଘଟିତ ହେଉଛି। ଏହା ପୂର୍ବରୁ ଯେଉଁ ଚନ୍ଦ୍ରଗ୍ରହଣ ହୋଇଥିଲା ସେତେବେଳେ ଚନ୍ଦ୍ର ଶନି ଓ କେତୁଙ୍କ ସହ ଧନୁ ରାଶିରେ ଅବସ୍ଥାନ କରୁଥିଲେ। ସେହିପରି ସୂର୍ଯ୍ୟ ରାହୁ ସହିତ ମିଥୁନ ରାଶିରେ ଥିଲେ। ଭାରତରେ ଗ୍ରହଣ ୩ ଘଣ୍ଟା ପର୍ଯ୍ୟନ୍ତ ଦେଖାଯିବ। ହିନ୍ଦୁ ମାନ୍ୟତା ଅନୁସାରେ ସୂର୍ଯ୍ୟ ପରାଗ ଅଥବା ଚନ୍ଦ୍ରଗ୍ରହଣ ହେଲେ ସୂତକ ହୋଇଥାଏ। ସୂର୍ଯ୍ୟ ପରାଗ ପାଇଁ ୧୨ ଘଣ୍ଟା ପୂର୍ବରୁ ସୂତକ ଧରା ଯାଉଥିବା ବେଳେ ଚନ୍ଦ୍ରଗ୍ରହଣ ପାଇଁ ୯ ଘଣ୍ଟା ପୂର୍ବରୁ ସୂତକ ହୋଇଥାଏ। ଏଣୁ ଆଗାମୀ ଚନ୍ଦ୍ରଗ୍ରହଣ ପାଇଁ ସୂତକ କାଳ ମଧ୍ୟାହ୍ନ ଗୋଟାଏ ୩୦ ମିନିଟରୁ ନିର୍ଦ୍ଧାରଣ କରାଯାଉଛି। ଗୁରୁ ପୂର୍ଣ୍ଣିମା ଦିନ ଚନ୍ଦ୍ରଗ୍ରହଣ ହେଉଥିବାରୁ ଗୁରୁ ପୂଜା ସୂତକ ସମୟ ପୂର୍ବରୁ ଶେଷ କରିବା ଲାଗି କୁହାଯାଇଛି ।
{"id":131542}![](https://www.prameyanews7.com/wp-content/uploads/2019/07/new-10.jpg)
ଗ୍ରହଣ ବେଳେ କିଛି କାର୍ଯ୍ୟ ନିଷିଦ୍ଧ କରାଯାଇଥାଏ। ଯେପରିକି ଦେବ ଉପାସନା, ଖାଦ୍ୟ ରୋଷେଇ ଓ ଖାଇବା ଆଦି ମନା କରାଯାଇଥାଏ। ଏହା ପରେ ବିଜ୍ଞାନ ସମ୍ମତ ମଧ୍ୟ ହୋଇଛି। ଗ୍ରହଣ ଓ ପରାଗ ବେଳେ ବାୟୁ ମଣ୍ଡଳରେ ବ୍ୟକ୍ଟେରିଆ ବ୍ୟାପୀ ଯାଇଥାନ୍ତି। ଏଣୁ ଖାଦ୍ୟ ରୋଷେଇ ଓ ଖାଇବା ଉପରେ କଟକଣା ଥାଏ। ସେହିପରି ଗ୍ରହଣ ସମୟରେ ସମ୍ଭୋଗ ଓ ଶୁଭ କାର୍ଯ୍ୟ ମଧ୍ୟ ନିଷିଦ୍ଧ ହୋଇଥାଏ। ଗ୍ରହଣ କାଳରେ ସମ୍ଭୋଗ ଯୋଗୁ ଯଦି ଗର୍ଭଧାରଣ ହୁଏ ତେବେ ଶିଶୁ ବିକଳାଙ୍ଗ ହେବାର ସମ୍ଭାବନା ଅଧିକ ଥାଏ।