ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଠମଲ୍ଲିକ: ଦନ୍ତା ହାତୀର ମୃତଦେହ ଠାବ, ଶରୀରରେ ରହିଛି ଅନେକ କ୍ଷତଚିହ୍ନ
  • ||
  • ସମ୍ୱଲପୁର: ଜଳିଗଲା ଘରୋଇ ବସ୍ ନାଗରାଜ୍, ଅଳ୍ପକେ ବର୍ତ୍ତିଗଲେ କଣ୍ଡକ୍ଟର
  • ||
  • ବୌଦ୍ଧ: ନାଳରୁ ବ୍ୟାଙ୍କ୍ କର୍ମଚାରୀଙ୍କ ମୃତଦେହ ଉଦ୍ଧାର, ପାଖରେ ପଡିଛି ବାଇକ ଓ ମଦବୋତଲ
  • ||
  • ଭୁବନେଶ୍ୱର: ବରିଷ୍ଠ ଅଭିନେତ୍ରୀଙ୍କ ବିୟୋଗରେ ମୁଖ୍ୟମନ୍ତ୍ରୀଙ୍କ ଶୋକ
  • ||
  • ଭଦ୍ରକ: ଭୟାବହ ଅଗ୍ନିକାଣ୍ଡରେ ଜଳିଗଲା ୧୫ ବଖରା, ୨ ଗୋ-ମାତା ଜୀବନ୍ତ ଦଗ୍ଧ
  • ||
  • କଟକ: ବରିଷ୍ଠ ଅଭିନେତ୍ରୀ ଝରଣା ଦାସଙ୍କ ପରଲୋକ, ୮୨ ବର୍ଷ ବୟସରେ ଦେହାନ୍ତ
  • ||

ଚେନ୍ନାଇ ପାର୍କରୁ ବିଶ୍ବର ଦ୍ବିତୀୟ ବୃହତ୍ତ ଆଲ୍‌ଡାବ୍ରା କଇଁଛ ଗାଏବ, ଅନ୍ତର୍ଜାତୀୟ ବଜାରରେ ଦାମ ୧୦ ଲକ୍ଷ ଟଙ୍କା

25/12/2020 at 7:16 PM

ଚେନ୍ନାଇ ୨୫/୧୨: ୧୦ ଲକ୍ଷ ଟଙ୍କିଆ ଆଲଡାବ୍ରା କଇଁଛ ଗାଏବ। ବିଶ୍ବର ଦ୍ବିତୀୟ ବୃହତ୍ତ ତଥା ଓଜନିଆ କଇଁଛ ମହାବଳିପୁରମ କ୍ରୋକ୍‌ଡାଇଲ୍‌ ପାର୍କରୁ ଗାଏବ ହୋଇଯିବା ପରେ ତଦନ୍ତ ଆରମ୍ଭ ହୋଇଛି। ଚେନ୍ନାଇରୁ ୫୬ କିଲୋମିଟର ଦୂରରେ ଅବସ୍ଥିତ ମହାବଳିପୁରମ ପାର୍କରୁ ଆଲଡାବ୍ରା କଇଁଛକୁ କେହି ଚୋରି କରିନେଇଥିବା ସନ୍ଦେହ କରାଯାଉଛି। ତେବେ ଏନଡିଟିଭିରେ ପ୍ରକାଶିତ ଖବରରୁ ଏନେଇ ଜଣପଡ଼ିଛି।

କଇଁଛଟିର ଓଜନ ୮୦-୧୦୦ କେଜି ମଧ୍ୟରେ ହେବ। ଏହାର ଦାମ ଅନ୍ତର୍ଜାତୀୟ ବଜାରରେ ୧୦ ଲକ୍ଷ ଟଙ୍କା। ତେବେ କଇଁଛଟି ପୂର୍ବରୁ ଗାଏବ ହୋଇଥିଲେ ବି ଏହି ଖବରକୁ ଏବେ ସାର୍ବଜନୀନ କରାଯାଇଛି। ଏହି ମାମଲାରେ ପୋଲିସ ତଦନ୍ତ ଆରମ୍ଭ କରିଛି। କଇଁଛ ଚୋରି ପଛରେ ପାର୍କର ଷ୍ଟାଫଙ୍କ ହାତ ଥିବା ପୋଲିସ ସନ୍ଦେହ କରୁଥିବା ବେଳେ ସେମାନଙ୍କୁ ତଦନ୍ତ ପରିସରଭୁକ୍ତ କରାଯିବ ବୋଲି ଜଣାପଡ଼ିଛି।

ନଭେମ୍ବର ୧୧ କିମ୍ବା ୧୨ ତାରିଖରେ କଇଁଛଟି ଚୋରି ହୋଇଥିବା ବେଳେ ଏହାକୁ ଔଷଧୀୟ ଦ୍ରବ୍ୟ ତିଆରି କରିବାକୁ ନିଆଯାଇଥିବା ନେଇ ସନ୍ଦେହ ଉପୁଜିଛି। ବିଶାଳ କଇଁଛ ଥିବା ଏନ୍‌କ୍ଲୋଜରରେ ସିସିଟିଭି ନଥିଲା। କିନ୍ତୁ ବାହାରେ ଲାଗିଥିବା ସିସିଟିଭି ଫୁଟେଜ୍‌ ଆଧାରରେ ଚୋରକୁ ଖୋଜିବାକୁ ପୋଲିସ ଚେଷ୍ଟା କରୁଛି।

ଆଲଡାବ୍ରା କଇଁଛ ବିଶ୍ବର ସର୍ବବୃହତ୍ତ ସ୍ଥଳଭାଗରେ ବିଚରଣ କରୁଥିବା କଇଁଛ। ସେମାନଙ୍କ ଓଜନ ୫୫୦ ପାଉଣ୍ଡ ହୋଇପାରୁଥିବା ବେଳେ ସେମାନଙ୍କ ବୟସ ସୀମା ୧୫୦ ବର୍ଷ। ଭାରତୀୟ ମହାସାଗରରେ ଥିବା ଆଲଡାବ୍ରା ଦୀପପୁଞ୍ଜରେ ଏଭଳି କଇଁଛ ଦେଖିବାକୁ ମିଳେ।

   Related Posts