ନୂଆଦିଲ୍ଲୀ ୧୬/୦୯: ଆଲବର୍ଟ ଆଇନଷ୍ଟାଇନ୍ । ସାରା ଦୁନିଆକୁ ଏମିତି କଛି ଦେଇଛନ୍ତି ଯେଉଁଥିପାଇଁ ପୁରା ବିଶ୍ୱବାସୀ ଋଣୀ । ଏବେବେ ବି ବିଶ୍ୱବାସୀ ତାଙ୍କୁ ହୃଦୟରୁ ଜଣାଉଛନ୍ତି କୃତଜ୍ଞତା । ଲୋକେ ତାଙ୍କୁ କେବଳ ଜଣେ ମହାନ ବୈଜ୍ଞାନିକ ଭାବରେ ନୁହେଁ ବରଂ ମାନବିକତା ପ୍ରତି ତାଙ୍କର ଅବଦାନ ପାଇଁ ମଧ୍ୟ ମନେ କରନ୍ତି । ଆଜ୍ଞା ହଁ, ଆମେ କହୁଛୁ ଆଇନଷ୍ଟାଇନ ଆଲବର୍ଟଙ୍କ କଥା ।
ନିକଟରେ, ଏମିତି କଛି ଅବିଶ୍ୱସନୀୟ ଘଟଣା ଦେଖିବାକୁ ମିଳିଛି । ଯେଉଁଠି ତାଙ୍କର ଏକ ଐତିହାସିକ ଚିଠି ନିଲାମ ହୋଇଛି । ଯେଉଁଥିରେ ଆଲବର୍ଟ ଆଇନଷ୍ଟାଇନ ଦସ୍ତଖତ କରିଥିଲେ । ଶେଷରେ ଏହି ଚିଠିକୁ ୩.୯ନିୟୁତ ଡଲାରରେ ବିକ୍ରି କରାଯାଇଛି । ୧୯୩୯ ମସିହାରେ ଆମେରିକାର ରାଷ୍ଟ୍ରପତି ଫ୍ରାଙ୍କଲିନ୍ ଡି ରୁଜଭେଲ୍ଟଙ୍କୁ ଏହି ଚିଠି ଲେଖାଯାଇଥିଲା । ଏହି ଚିଠିରେ ପରମାଣୁ ଅସ୍ତ୍ରଶସ୍ତ୍ରର ସମ୍ଭାବନା ବିଷୟରେ ଆଇନଷ୍ଟାଇନ ଚେତାବନୀ ଦେଇଥିଲେ ।
ଆମେରିକା ଏହାକୁ ଅଧ୍ୟୟନ କରିବାକୁ ପରାମର୍ଶ ଦିଆଯାଇଥିଲା । ଏହି ଚିଠି ଦ୍ୱିତୀୟ ବିଶ୍ୱଯୁଦ୍ଧ ସମୟରେ ପରମାଣୁ ବୋମା ତିଆରି ପାଇଁ ବାଟ ଖୋଲିଥିଲା । ଆଲବର୍ଟ ଆଇନଷ୍ଟାଇନଙ୍କ ଏକ ଚିଠିକୁ ନେଇ ସୋସିଆଲ ମିଡିଆରେ ଆଲୋଚନା ହେଉଛି। ଯାହା ଉପରେ ସେ ଏକ ଭବିଷ୍ୟବାଣୀ କରିଥିଲେ । ପରମାଣୁ ଅସ୍ତ୍ର ପାଇଁ ତାଙ୍କର ଭବିଷ୍ୟବାଣୀ ଥିଲା । ଭବିଷ୍ୟତରେ ବିଶ୍ୱ ପାଇଁ ଏହା କେତେ ବିପଜ୍ଜନକ ବୋଲି ଆଇନଷ୍ଟାଇନ ଏହା କହିଥିଲେ ।
ଏହି ଚିଠିଟି ନ୍ୟୁୟର୍କର ଫ୍ରାଙ୍କଲିନ୍ ଡି ରୁଜଭେଲ୍ଟ ଲାଇବ୍ରେରୀ ସଂଗ୍ରହର ଏକ ଅଂଶ । ଯେଉଁଥିରେ ଆଇନଷ୍ଟାଇନ ଆଣବିକ ଅସ୍ତ୍ରରେ ଜର୍ମାନୀ କାମ କରିବାର ସମ୍ଭାବନା ପ୍ରକାଶ କରିଥିଲେ। ଆଣବିକ ପଦାର୍ଥ ବିଜ୍ଞାନର ସାମ୍ପ୍ରତିକ ଅଗ୍ରଗତିକୁ ଆଲୋକିତ କରି ସେ କହିଛନ୍ତି ଯେ ୟୁରାନିୟମକୁ ଏକ ନୂତନ ତଥା ଗୁରୁତ୍ୱପୂର୍ଣ୍ଣ ଶକ୍ତି ଉତ୍ସରେ ପରିଣତ କରାଯାଇପାରିବ। ଏହି ଶକ୍ତି ଅତି ଶକ୍ତିଶାଳୀ ବୋମା ତିଆରିରେ ବ୍ୟବହାର କରାଯାଇପାରିବ ବୋଲି ସେ ଚେତାବନୀ ଦେଇଛନ୍ତି ।
ଏହି ଚିଠି ଆମେରିକା ସରକାରଙ୍କୁ ପରମାଣୁ ବିଭାଜନ ଉପରେ ଗବେଷଣାକୁ ତ୍ୱରାନ୍ୱିତ କରିବାକୁ ମନସ୍ଥ କରିଛି, ଫଳସ୍ୱରୂପ ମ୍ୟାନହଟନ ପ୍ରକଳ୍ପ। ଏହି ପ୍ରକଳ୍ପ ବିଶ୍ୱକୁ ପରମାଣୁ ବୋମା ଦେଇଥିଲା । ରିପୋର୍ଟ ଅନୁଯାୟୀ, ନିଲାମରେ ବିକ୍ରି ହୋଇଥିବା ଏହି ଚିଠିଟି କେବଳ ଜଣଙ୍କ ହାତରେ ଥିଲା । ଏହା ମାଇକ୍ରୋସଫ୍ଟର ସହ-ପ୍ରତିଷ୍ଠାତା ପଲ୍ ଆଲେନ୍ଙ୍କ ସଂଗ୍ରହର ଏକ ଅଂଶ ଥିଲା ।
୨୦୦୨ରେ ଯିଏ ଏହାକୁ ୨.୧ମିଲିୟନ୍ ଡଲାରରେ କିଣିଥିଲେ । ଏହା ପୂର୍ବରୁ ଏହା ପ୍ରକାଶକ ମଲକମ୍ ଫୋର୍ବସ୍ଙ୍କର ଥିଲା, ଯିଏ ଏହାକୁ ପଦାର୍ଥ ବିଜ୍ଞାନୀ ଲିଓ ସିଜିଲାର୍ଡଙ୍କ ସମ୍ପତ୍ତିରୁ କିଣିଥିଲେ । କହିବାକୁ ଗଲେ ଆମେରିକାର ଆଣବିକ କାର୍ଯ୍ୟକ୍ରମକୁ ଆଗେଇ ନେବାରେ ଆଇନଷ୍ଟାଇନ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ । ପରେ ସେ ଏହାକୁ ତାଙ୍କର 'ସବୁଠାରୁ ବଡ ଭୁଲ' ବୋଲି କହିଥିଲେ।
