ଜେରୁଜେଲମ, ୧୩/୨: ଦିନରେ ସାମ୍ବାଦିକ, ରାତିରେ ହମାସ୍ ଆତଙ୍କୀ । କତାରର ଏକ ପ୍ରମୁଖ ଗଣମାଧ୍ୟମ ସଂସ୍ଥାର ରିପୋର୍ଟର ଆତଙ୍କୀବାଦୀ । ଦିନରେ ଗାଜାରେ ରିପୋର୍ଟିଂ କରୁଛନ୍ତି ଆଉ ରାତିରେ ହମାସ୍ର କମାଣ୍ଡର କାର୍ଯ୍ୟ ତୁଲାଉଛନ୍ତି। ଅଲ୍-ଜଜିରା ସାମ୍ବାଦିକଙ୍କ ବିରୋଧରେ ଏଭଳି ଗମ୍ଭୀର ଅଭିଯୋଗ ଲଗାଇଛି ଆଇଡିଏଫ୍ । ଗାଜାରୁ ରିପୋର୍ଟିଂ କରୁଥିବା ମହମ୍ମଦ ୱାଶାହ ହମାସ ଆତଙ୍କବାଦୀ ଗୋଷ୍ଠୀର ଏକ ଶୀର୍ଷ କମାଣ୍ଡର ବୋଲି ଆଇଡିଏଫ୍ର ଇସ୍ରାଏଲୀ ଆରବିକ୍ ମୁଖପାତ୍ର ଲ୍ୟୁଟନାଣ୍ଟ ଆଭିଚାୟ ଅଦ୍ରାଇ ଏକ୍ସରେ ପୋଷ୍ଟ କରିଛନ୍ତି ।
wp:html/wp:htmlA laptop that belonged to Muhammad Washah, an @AlJazeera journalist, was recovered by IDF in the northern Gaza Strip. It has pics proving he also serves as a senior Hamas military operative in the anti-tank missile array and in late 2022 he moved to work on R&D of aerial weapons… https://t.co/U2q1mqOWXz
— افيخاي ادرعي (@AvichayAdraee) February 11, 2024
ମହମ୍ମଦ ୱାଶାହଙ୍କ ଏକ ଲାପ୍ଟପ୍ ଉତ୍ତର ଗାଜା ଷ୍ଟ୍ରିପ୍ରୁ ମିଳିଥିବା ସେ ଦାବି କରିଛନ୍ତି । ଦିନରେ ସେ ସାମ୍ବାଦିକତା କରୁଥିବାବେଳେ ରାତିରେ ହମାସ୍ ଆତଙ୍କାବାଦୀ ସଂଗଠନ ପାଇଁ କାମ କରୁଛନ୍ତି । ଅଦ୍ରାଇଙ୍କ କହିବା ଅନୁସାରେ, ୱାଶାହ ହମାସ୍ ମିଲିଟାରୀର ଜଣେ ବରିଷ୍ଠ ଅପରେଟର ଭାବେ କାମ କରୁଥିବାର କେତେକ ଫଟୋ ଉକ୍ତ ଲାପ୍ଟପ୍ରେ ରହିଛି । ଫଟୋରେ ୩୨ ବର୍ଷୀୟ ୱାଶାହଙ୍କୁ ବିଭିନ୍ନ ଅସ୍ତ୍ରଶସ୍ତ୍ର ଧରିଥିବାର ଦେଖିବାକୁ ମିଳିଛି । ସେଥିରେ ରକେଟ-ଚାଳିତ ଗ୍ରେନେଡ ଡିଭାଇସ୍, ଅସ୍ତ୍ର ପରିବହନକାରୀ ଡ୍ରୋନ ରହିଛି । ସେହିଭଳି ଅସ୍ତ୍ରଶସ୍ତ୍ରରେ ୨୦୨୩ ଅକ୍ଟୋବର ୭ରେ ଇସ୍ରାଏଲରେ ହମାସ୍ ଆତଙ୍କବାଦୀ ଆକ୍ରମଣ କରିଥିଲେ । ସେହିପରି ଆଉ କେତେକ ଫଟୋରେ ୱାଶାହଙ୍କୁ ପାଲେଷ୍ଟିନୀୟ ଗୋଷ୍ଠୀଙ୍କ ଆକାଶମାର୍ଗରୁ ଆକ୍ରମଣ ପାଇଁ ବ୍ୟବହୃତ ଅସ୍ତ୍ରଶସ୍ତ୍ର ବିକାଶ ସମ୍ବନ୍ଧିତ ଗତିବିଧିରେ ଜଡ଼ିତ ଥିବା ଦେଖିବାକୁ ମିଳିଛି ।
wp:embed {"url":"https://www.prameyanews7.com/delhi-on-high-alert-ahead-of-farmers-march-today-borders-fortified-traffic-curbs/","type":"wp-embed","providerNameSlug":"prameya-news-7"}ୱାଶାହ ଗାଜାର ଜଣେ ବାସିନ୍ଦା ହୋଇଥିବାବେଳେ କିଛି ମାସ ତଳେ ସେ ଅଲ୍ଜଜିରାରେ ଯୋଗ ଦେଇଥିଲେ । ତେବେ ଅଲ୍ଜଜିରା ସାମ୍ବାଦିକଙ୍କ ବିରୋଧରେ ଆଇଡିଏଫ୍ର ଏପରି ଅଭିଯୋଗ ପ୍ରଥମ ନୁହେଁ । ପୂର୍ବରୁ ମଧ୍ୟ ଏହି ଗଣମାଧ୍ୟମ ସଂସ୍ଥାର କେତେକ କର୍ମଚାରୀଙ୍କ ବିରୋଧରେ ଆଇଡିଏଫ୍ ସମାନ ଅଭିଯୋଗ ଆଣିଛି ।