Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୩ କିଲୋ ଗଞ୍ଜେଇ ସହିତ ବୋଲେରୋ ଜବତ; ୨ ଚୋରା ଚାଲାଣକାରୀ ଗିରଫ
  • ||
  • ଦେଶରେ କମିଲା କରୋନା ଗ୍ରାଫ୍, ୨୪ ଘଣ୍ଟାରେ ବାହାରିଲେ ୮୮୧୩ କରୋନା ପଜିଟିଭ୍
  • ||
  • ନିୟନ୍ତ୍ରଣ ହରାଇ ଘରେ ପଶିଗଲା ଟ୍ରକ୍ : ସ୍ୱାମୀ-ସ୍ତ୍ରୀଙ୍କ ସମେତ ୪ ମୃତ
  • ||
  • ଭାରତକୁ ବଡ ଝଟ୍‌କା ଦେଲା ଫିଫା : ଏଆଇଏଫଏଫକୁ କଲା ସସପେଣ୍ଡ୍, ମହିଳା ବିଶ୍ୱକପ ଆୟୋଜନ ଅଧିକାର ବି ଛଡାଇ ନେଲା
  • ||
  • ଭାରତ-ପାକିସ୍ତାନ ମ୍ୟାଚ୍ ପାଇଁ ଉତ୍ସାହିତ ପ୍ରଶଂସକ : ଟିକେଟ୍ ବୁକିଂ ବେଳେ କ୍ରାଶ୍ ହୋଇଗଲା ଓ୍ୱେବସାଇଟ୍
  • ||
  • ମଙ୍ଗଳବାର ବିହାର କ୍ୟାବିନେଟର ସଂପ୍ରସାରଣ, ଶପଥ ନେବେ ୩୧ ମନ୍ତ୍ରୀ
  • ||

ବଲିଉଡ୍ ବନାମ ସାଉଥ୍ ପ୍ରସଙ୍ଗରେ ମୁହଁ ଖୋଲିଲେ ଖିଲାଡି ଷ୍ଟାର୍ ଅକ୍ଷୟ କୁମାର, କହିଲେ- ଲୋକ କ’ଣ କହୁଛନ୍ତି ସେଥିରେ ମୋର ମତଲବ ନାହିଁ

20/05/2022 at 9:49 PM

ମୁମ୍ବାଇ ୨୦।୫: ଅକ୍ଷୟ କୁମାର ସେହି ବଲିଉଡ୍ ସୁପରଷ୍ଟାରମାନଙ୍କ ମଧ୍ୟରୁ ଜଣେ ଯାହାର ବର୍ଷକରେ ୫ରୁ ୬ଟି ଫିଲ୍ମ ରିଲିଜ ହୋଇଥାଏ । ଖୁବ୍ ଶୀଘ୍ର ତାଙ୍କର ଅଭିନୀତି ଫିଲ୍ମ ‘ପୃଥ୍ବୀରାଜ’ ରିଲିଜ ହେବାକୁ ଯାଉଛି । ଏହି ଫିଲ୍ମକୁ ନେଇ ମଧ୍ୟ ଖୁବ୍ ଚର୍ଚ୍ଚା ହେଉଛି । ଅକ୍ଷୟ କୁମାର ସବୁବେଳେ ବିବାଦରୁ ନିଜକୁ ଦୂରେଇ ରଖନ୍ତି ଏବଂ ବିବାଦୀୟ ମନ୍ତବ୍ୟ ମଧ୍ୟ ଦିଅନ୍ତି ନାହିଁ । କିନ୍ତୁ ଯେତେବେଳେ ତାଙ୍କୁ ବଲିଉଡ୍ ବନାମ ସାଉଥ୍‌କୁ ନେଇ ତାଙ୍କୁ ପ୍ରତିକ୍ରିୟା ପଚରା ଯାଇଥିଲା ସେତେବେଳେ ସେ ଚୁପ୍ ରହିବା ପରିବର୍ତ୍ତେ ସେ ତାଙ୍କ ମନ କଥା କହିଛନ୍ତି ।

ଅକ୍ଷୟ କୁମାର କହିଛନ୍ତି ଯେ, ଦେଶକୁ ବିଭାଜନ କରିବା ଉଚିତ ନୁହେଁ । ସାଉଥ୍ ଇଣ୍ଡିଆ କି ନର୍ଥ ଇଣ୍ଡିଆ କି ବଲିଉଡ୍ କଥା କୁହନ୍ତୁ ନାହିଁ । ଯଦି କିଛି ଲୋକ କହୁଛନ୍ତି ତେବେ ଆପଣ କୁହନ୍ତୁ ନାହିଁ । ଲୋକମାନେ କ’ଣ କହୁଛନ୍ତି ସେଥିରେ ମୋର କୌଣସି ମତଲବ ନାହିଁ । ମୁଁ ଏହା କହୁଛି ଯେ ଏହା ଭାରତୀୟ ଫିଲ୍ମ ଇଣ୍ଡଷ୍ଟ୍ରି । ବ୍ରିଟିଶମାନେ ମଧ୍ୟ ଏହା କରିଥିଲେ । ସେମାନେ ଭାରତକୁ ବିଭାଜନ କରିଥିଲେ । ଆପଣ ଏହା ଦେଖନ୍ତୁ ଯେ ଆପଣ ଦେଶକୁ କ’ଣ ଦେଇପାରିବେ । କେହି କିଛି ବି କହୁ  ଇଣ୍ଡଷ୍ଟ୍ରି ଗୋଟିଏ । ମୁଁ ଚାହେଁ ସେମାନଙ୍କର ଚାଲୁ, ଆମର ବି ଚାଲୁ । ତେବେ ଯାଇ ଆମେ ଲାଭରେ ରହିବୁ ।

ଅକ୍ଷୟ କୁମାରଙ୍କ ଅଭିନୀତ ଫିଲ୍ମ ‘ପୃଥ୍ବୀରାଜ’ ଜୁନ୍ ୩ରେ ରିଲିଜ ହେବାକୁ ଯାଉଛି । ଯେଉଁ ଫିଲ୍ମରେ ଅକ୍ଷୟ କୁମାର ପ୍ରଥମ ଥର କୌଣସି ରାଜା ଭୂମିକାରେ ନଜର ଆସିବେ । ଏହି ଫିଲ୍ମରେ ସେ ସମ୍ରାଟ ପୃଥ୍ବୀରାଜଙ୍କ ଭୂମିକାରେ ଅଭିନୟ କରିବେ ଏବଂ ତାଙ୍କ ବୀରଗାଥାକୁ ବଖାଣିବେ । ତାଙ୍କ ସହ ଫିଲ୍ମରେ ମାନୁଷୀ ଚିଲରଙ୍କୁ ଦେଖିବାକୁ ମିଳିବ । ଯିଏ ରାଣୀ ସୟୋଂଗୀତାଙ୍କ ଭୂମିକାରେ ଅଭିନୟ କରୁଛନ୍ତି । ଏହି ଫିଲ୍ମ ଉପରେ ଗତ ୧୨ ବର୍ଷ ହେବ କାମ ଚାଲିଛି । ପୂର୍ବରୁ ସନ୍ନି ଦେଓଲ ଏବଂ ଐଶ୍ବର୍ଯ୍ୟା ରାୟଙ୍କୁ ନେଇ ଏହି ଫିଲ୍ମ ନିର୍ମିତ ହେବାର ଥିଲା । କିନ୍ତୁ କିଛି କାରଣରୁ ସେମାନେ ଏହି ଫିଲ୍ମରେ ସେମାନେ ଅଭିନୟ କରିପାରିଲେ ନାହିଁ । ଏବେ ମନୁଷୀ ଚିଲାର ଏବଂ ଅକ୍ଷୟ କୁମାର ଏହି ଫିଲ୍ମରେ ମୁଖ୍ୟ ଭୂମିକାରେ ଅବତୀର୍ଣ୍ଣ ହୋଇଛନ୍ତି ।

   Related Posts