ମୁମ୍ବାଇ ୯/୯: ୧୪ ବର୍ଷ ପରେ ପୁଣି କମାଲ କରିବ ଅକ୍ଷୟ-ପ୍ରିୟଦର୍ଶନ ଯୋଡି । ନିଜ କମେଡି ଅବତାରକୁ ରିଟର୍ଣ୍ଣ କରୁଛନ୍ତି ବଲିଉଡ ଷ୍ଟାର ଅକ୍ଷୟ କୁମାର । ସୋମବାର ଜନ୍ମଦିନ ଅବସରରେ ଫ୍ୟାନଙ୍କୁ ଗିଫ୍ଟ ସ୍ବରୁପ ନୂଆ ଫିଲ୍ମ ‘ଭୂତ ବଙ୍ଗଲା’ର ପ୍ରଥମ ଲୁକ୍ ସେୟାର କରିଛନ୍ତି ଅକ୍ଷୟ । ଫିଲ୍ମର ନିର୍ଦ୍ଦେଶନା ଦାୟିତ୍ବରେ ଅଛନ୍ତି ପ୍ରିୟଦର୍ଶନ । ଯିଏ ଅକ୍ଷୟଙ୍କୁ କମେଡି ମାଧ୍ୟମରେ ଲୋକପ୍ରିୟ କରାଇଥିଲେ ।
ଉଭୟ ଏକାଠି ଫିଲ୍ମ ହେରାଫେରି, ଭାଗମ୍ ଭାଗ୍ ଭଳି ଜବରଦସ୍ତ କମେଡି ଫିଲ୍ମ ଦର୍ଶକଙ୍କୁ ଭେଟି ଦେଇଛନ୍ତି । ଗଣେଶ ପୂଜାରେ ଫିଲ୍ମର ସାମାନ୍ୟ ଝଲକ ସେୟାର କରିଥିଲେ ଅକ୍ଷୟ । ସୋମବାର ଫିଲ୍ମର ନାଁ ଘୋଷଣା କରିଛନ୍ତି ଅକ୍ଷୟ । ଅକ୍ଷୟଙ୍କ ନୂଆ ଫିଲ୍ମକୁ ନେଇ ବେଶ ଏକସାଇଟେଡ୍ ଅଛନ୍ତି ଫ୍ୟାନ । ଆସନ୍ତା ବର୍ଷ ଫିଲ୍ମ ରିଲିଜ କରିବାକୁ ଟାର୍ଗେଟ ରହିଛି ।
