vridhi excotica
star kirano
ori homes
vridhi excotica
star kirano
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟି ବନ୍ଦ କରି ବ୍ୟାଟିଂ କର, ପଡିଆରେ ଜନି ବେୟରଷ୍ଟୋଙ୍କ- ବିରାଟ କୋହଲି ମୁହାଁମୁହିଁ, ଭିଡିଓ ଭାଇରାଲ
  • ||
  • ମହାରାଷ୍ଟ୍ର ରାଜନୀତି : ଆଜି ସଂଖ୍ୟା ଗରିଷ୍ଠତାର ପ୍ରମାଣ ଦେବେ ଏକନାଥ, ସେପଟେ ଅଡୁଆରେ ଠାକରେ ଗୋଷ୍ଠୀ
  • ||
  • ୨୪ ଘଣ୍ଟାରେ ଲଘୁଚାପ ବଳୟ, ଏହି ସବୁ ଜିଲ୍ଲାରେ ପ୍ରବଳ ବର୍ଷା ସମ୍ଭାବନା
  • ||
  • ରୋହିତ ଶର୍ମା ଫିଟ୍, ସୁସ୍ଥ ହେଲା ପରେ କରୁଛନ୍ତି ପ୍ରାକ୍ଟିସ୍
  • ||
  • ଖାଲି ଶତକ ନୁହେଁ, ବଡ ସ୍କୋର କରିବାରେ ମଧ୍ୟ ବିରାଟ ବିଫଳ : ଏଜବେଷ୍ଟନ୍ ଟେଷ୍ଟରେ ବି ଫ୍ଲପ୍ ରନ୍ ମେସିନ୍
  • ||

ଭାରତ-ଋଷ ମଧ୍ୟରେ AK-47 203 ରାଇଫଲ୍‌ର ଫାଇନାଲ୍ ଡିଲ୍ : ଗୋଟିଏ ମିନିଟରେ ୬୦୦ ଗୁଳି

4/09/2020 at 10:59 AM

ନୂଆଦିଲ୍ଲୀ ୦୪/୦୯ : ଭାରତ ଓ ଋଷ ମଧ୍ୟରେ ଏକେ-୪୭ (AK-47 203)ରାଇଫଲକୁ ନେଇ ଚୁକ୍ତି ଫାଇନାଲ ହୋଇଛି | ବର୍ତ୍ତମାନ ଭାରତରେ ରାଇଫଲ ପ୍ରସ୍ତୁତ କରାଯିବ | ଏକେ-୪୭ ୨୦୩ କୁ ଏକେ-୪୭ ରାଇଫଲର ସବୁଠାରୁ ଆଡ଼ଭାନ୍ସ ଭର୍ସନ କୁହାଯାଏ | ବର୍ତ୍ତମାନ ଏହା ଇଣ୍ଡିଆନ ସ୍ମଲ ଆର୍ମଡ଼ ସିଷ୍ଟମ ଅସଲ୍ଟ ରାଇଫଲର ସ୍ଥାନ ନେବ | ଏହି ସଉଦାରେ ଏସସିଓ (ସାଂଘାଇ କର୍ପୋରେସନ ଅର୍ଗାନାଇଜେସନ) ସମିଟ ଅନୁଯାୟୀ ସହମତି ହୋଇଛି | ରକ୍ଷାମନ୍ତ୍ରୀ ରାଜନାଥ ସିଂହ ଏହି ସମିଟରେ ଯୋଗ ଦେବାକୁ ଋଷରେ ଅଛନ୍ତି | ଏହାର ବିଶେଷତ୍ୱ ହେଲା ଏହା ପୁରୁଣା ମଡେଲ ଠାରୁ ଅଧିକ ପ୍ରଭାବଶାଳୀ | ଏହି ରାଇଫଲ ହିମାଳୟ ଭଳି ଉଚ୍ଚତମ ସ୍ଥାନ ପାଇଁ ସର୍ବୋତ୍ତମ |

ଚୀନ ଲଦାଖରୁ ପୂର୍ବାଞ୍ଚଳ ରାଜ୍ୟ ସୀମା ଯାଏଁ ଉତ୍ତେଜନା ଲାଗି ରହିଛି | ବର୍ତ୍ତମାନ ପରିସ୍ଥିତିରେ ଭାରତୀୟ ସେନା ଓ ଚୀନ ସେନା ମଧ୍ୟରେ ହୋଇଥିବା ହିଂସା ଘଟଣାକୁ ଦୃଷ୍ଟିରେ ରଖି ଏହି ଡିଲ ଏକ ମହତ୍ଵପୁର୍ଣ ମଉକାରେ କରାଯାଇଛି | ଭାରତୀୟ ସେ ସେନାରେ ୧୯୯୬ ମସିହାରୁ INSAS ବ୍ୟବହାର କରାଯାଉଛି ଏବଂ ସେଥିରେ ହିମାଳୟ ପର୍ବତ ଉଚ୍ଚତାରେ ଯେମିଙ୍ଗ ଓ ମ୍ୟାଗେଜିନ କରେଙ୍କ ଭଳି ସମସ୍ୟା ସୃଷ୍ଟି ହେବାକୁ ଲାଗିଛି | 

ଋଷର ସରକାରୀ ଗଣମାଧ୍ୟମ ଅନୁଯାୟୀ, ଭାରତୀୟ ସେନାକୁ ପାଖାପାଖି ୭ ଲକ୍ଷରୁ ଅଧିକ ଏକେ-୨୭ ୨୦୩ ରାଇଫଲ ଆବଶ୍ୟକ | ଏଥିରୁ ୧ ଲକ୍ଷ ରାଇଫଲ ଆମଦାନୀ କରାଯିବ ଏବଂ ବାକିତକ ଦେଶରେ ପ୍ରସ୍ତୁତ କରାଯିବ |

ଋଷର ସ୍ପୁତନିକ ନ୍ୟୁଜ ଅନୁଯାୟୀ, ଭାରତୀୟ ସେନାକୁ ୭.୭ ଲକ୍ଷ ରାଇଫଲ ଆବଶ୍ୟକ | ଭାରତରେ ରାଇଫଲ ନିର୍ମାଣ ଇଣ୍ଡୋ-ଏସିଆ ରାଇଫଲ ପ୍ରାଇଭେଟ ଲିମିଟେଡ଼ (IRRPL) ର ସଂଯୁକ୍ତ ଅପରେସନ ଅନୁସାରେ କରାଯିବ | ଏହା ଅର୍ଡିନେନ୍ସ ଫ୍ୟାକ୍ଟ୍ରି ବୋର୍ଡ (OFB) ଏବଂ କାଲାସ୍ନିକୋବ କଂସର୍ନ ଏବଂ ରୋସୋବୋରୋନଏକ୍ସପର୍ଟ ମଧ୍ୟରେ ହୋଇଥିବା ଡିଲ | ଋଷ ନିର୍ମିତ ଏକେ-୪୭ ୨୦୩ ରାଇଫଲ ଦୁନିଆର ସବୁଠାରୁ ଆଧୁନିକ ଏବଂ ଘାତକ ରାଇଫଲମାନଙ୍କ ମଧ୍ୟରୁ ଗୋଟିଏ | ପ୍ରତ୍ୟେକ ରାଇଫଲର ଦାମ ୧୧୦୦ ଡଲାର | ଏଥିରେ ଟେକ୍ନୋଲୋଜି ଟ୍ରାନ୍ସଫର ଉତ୍ପାଦନ ୟୁନିଟ ସ୍ଥାପିତ କରିବା ମୂଲ୍ୟ ସାମିଲ ରହିଛି | AK-203 ହାଲୁକା ଏବଂ ଛୋଟ ଯେଉଁଥିପାଇଁ ତାକୁ ନେବା ଆଣିବା କରିବା ସହଜସାଧ୍ୟ | ଏଥିରେ ୭.୬୨ ଏମଏମ ଗୁଳି ବ୍ୟବହାର କରାଯାଏ | 

ଆଇଆରପିଏଲରେ ଅର୍ଡିନେନ୍ସ ଫାକ୍ଟ୍ରି ବୋର୍ଡର ୫୦.୫ ପ୍ରତିଶତ ଅଂଶଧନ ରହିବ | ଏଥିରେ ଋଷର କ୍ଲାସିନକୋବ ଗ୍ରୁପର ୪୨ ପ୍ରତିଶତ ଅଂଶଧନ ରହିବ | ଋଷର ସରକାରୀ ଏକ୍ସପର୍ଟ ଏଜେନ୍ସି ରୋସୋବୋରୋନ ଏକ୍ସପର୍ଟ ବାକିଥିବା ୭.୫ ପ୍ରତିଶତ ଅଂଶଧନ ରଖିବ | ୭.୬୨*୩୯ ଏମଏମ ରାଇଫଲକୁ ଉତ୍ତର ପ୍ରଦେଶ ଅମେଠି ସ୍ଥିତ ଅର୍ଡିନେନ୍ସ ଫ୍ୟାକ୍ଟ୍ରିରେ ପ୍ରସ୍ତୁତ କରାଯିବ | ଗତ ବର୍ଷ ପ୍ରଧାନମନ୍ତ୍ରୀ ମୋଦି ଏହି ଫ୍ୟାକ୍ଟ୍ରି ଉଦଘାଟନ କରିଥିଲେ |

ଏହି ରାଇଫଲ ଏକ ମିନିଟରେ ୬୦୦ ଗୁଳି ଅର୍ଥାତ ଏକ ସେକେଣ୍ଡରେ ୧୦ ଗୁଳି ଦାଗି ପାରିବ | ଏହାକୁ ଅଟୋମେଟିକ ଓ ସେମି ଅଟୋମେଟିକ ମୋଡ଼ରେ ବ୍ୟବହାର କରାଯାଇ ପାରିବ | ଏହାର ମାରକ କ୍ଷମତା ୪୦୦ ମିଟର | ସୁରକ୍ଷାବଳଙ୍କୁ ଦିଆଯିବାକୁଥିବା ଏହି ରାଇଫଲ ଲୋଡ଼ ହେବାପରେ ଏହାର ଓଜନ ୪ କିଲୋ ପାଖାପାଖି ହେବ | 

ରକ୍ଷାମନ୍ତ୍ରୀ ରାଜନାଥ ସିଂହ ସାଂଘାଇ ସହଯୋଗ ସଂଗଠନ ବୈଠକରେ ଯୋଗ ଦେବାକୁ ବୁଧବାର ଦିନ ଋଷ ରାଜଧାନୀ ମସ୍କୋ ଯାଇଥିଲେ | ଅଧିକାରୀଙ୍କ ସୂଚନା ଅନୁଯାୟୀ, ରାଜନାଥ ସିଂହ ଋଷ ପକ୍ଷରୁ ଭାରତକୁ ଏସ-୪ଊ ମିସାଇଲ ରକ୍ଷା ପ୍ରଣାଳୀ ସମୟରେ ଯୋଗାଇବା ସୁନିଶ୍ଚିତ କରିବା ପାଇଁ ଅନୁରୋଧ କରିବେ | ଭାରତକୁ ଏସ-୪୦୦ ମିସାଇଲର ପ୍ରଥମ ଖେପ ୨୦୨୧ ଶେଷ ସୁଦ୍ଧା ନିର୍ଧାରିତ ହେବ |

   Related Posts