ରାଇରଙ୍ଗପୁର, ୨୦|୦୮: ସ୍ତ୍ରୀ ହତ୍ୟାକାରୀକୁ ଆଜୀବନ କାରାଦଣ୍ଡ । ରାଇରଙ୍ଗପୁର-ମୟୁରଭଞ୍ଜ ଜିଲ୍ଲା ତିରିଙ୍ଗ ଥାନା ମାଘୁଆ ଗ୍ରାମରେ ୨୦୧୬ ମସିହାରେ ଘଟିଥିବା ଏକ ମାମଲାରେ କୋର୍ଟ ରାୟ ଶୁଣାଇଛନ୍ତି । ଅଭିଯୁକ୍ତ ସ୍ୱାମୀକୁ କୋର୍ଟ ଦୋଷୀ ସାବ୍ୟସ୍ତ କରିବା ସହ ଦଣ୍ଡ ଶୁଣାଇଛନ୍ତି ।
ସୂଚନାନୁସାରେ, ସ୍ୱାମୀ ଏକ୍ସପ୍ରେସ ସିଂ ପତ୍ନୀ ଗୌରୀ ସିଂଙ୍କ ଚରିତ୍ରକୁ ସନ୍ଦେହ କରି ରାତିରେ ଶୋଇଥିବା ବେଳେ ବେକରେ ଶାଢ଼ୀ ଗୁଡାଇ ହତ୍ୟା କରିଥିଲା। ଅଭିଯୁକ୍ତ ପତ୍ନୀକୁ ହତ୍ୟା ପରେ ଆତ୍ମହତ୍ୟା ରୂପ ଦେବାକୁ ଚେଷ୍ଟା କରି ବିଫଳ ହୋଇଥିଲା ।
ଶୁକ୍ରବାର ରାଇରଙ୍ଗପୁର ଅତିରିକ୍ତ ଜିଲ୍ଲା ଦୌରାଜଜ୍ ଅନୁପ ରଞ୍ଜନ ପଟ୍ଟନାୟକ ୨୪ ଜଣ ସାକ୍ଷୀ ତଥା ପାରିପାର୍ଶ୍ବିକ ପ୍ରମାଣକୁ ନେଇ ଦଣ୍ଡ ଶୁଣାଇଥିଲେ । କୋର୍ଟ ଅଭିଯୁକ୍ତ ସ୍ୱାମୀକୁ ଆଜୀବନ କାରାଦଣ୍ଡରେ ଦଣ୍ଡିତ କରିବା ସହିତ ୧୦ହଜାର ଟଙ୍କା ଜରିମାନା ଅନାଦେୟ ଛଅ ମାସ କାରାଦଣ୍ଡରେ ଦଣ୍ଡିତ କରିଛନ୍ତି।
