ମୁମ୍ବାଇ୨୧।୦୩ : 'ପଠାନ୍' ଓ 'ତୁ ଝୁଟି ମେ ମକାର' ପରେ ଏବେ ସମସ୍ତଙ୍କ ନଜର ଅଜୟ ଦେବଗନଙ୍କ ବହୁ ପ୍ରତୀକ୍ଷିତ ଫିଲ୍ମ 'ଭୋଲା' ଉପରେ ରହିଛି । ମାର୍ଚ୍ଚ ୩୦ରେ ଏହା ପ୍ରେକ୍ଷାଳୟରେ ରିଲିଜ୍ ହେବାକୁ ଯାଉଛି । ରବିବାର ଠାରୁ ଆରମ୍ଭ ହୋଇଛି 'ଭୋଲା'ର ପ୍ରି-ବୁକିଂ । ଅଜୟ, ତବୁଙ୍କ ସହ ଏକ ଭିଡିଓ ସେୟାର କରି ଏ ବିଷୟରେ ସୂଚନା ଦେଇଥିଲେ । ଯାହା ପରେ ଅଜୟ ଦେବଗନଙ୍କ ଫିଲ୍ମ 'ଭୋଲା'ର ଟିକେଟର ଆଡଭାନ୍ସ ବୁକିଂ ଧଡାଧଡ ଆରମ୍ଭ ହୋଇଛି ।
ମିଡିଆ ରିପୋର୍ଟ ଅନୁଯାୟୀ, ଅଜୟ ଦେବଗନଙ୍କ ଫିଲ୍ମର ଆଡଭାନ୍ସ ବୁକିଂ ଆରମ୍ଭ ହେବାର ୨-୩ ଘଣ୍ଟା ମଧ୍ୟରେ ସାରା ଦେଶରେ IMAX ଏବଂ 4DX ସଂସ୍କରଣ ସହିତ ୧୨୦୦ରୁ ଅଧିକ ଟିକେଟ୍ ବିକ୍ରି ହୋଇଥିଲା । ଫିଲ୍ମଟି ୭ ଲକ୍ଷରୁ ଅଧିକ ଆୟ କରିଛି । ଅନ୍ୟପଟେ ଫିଲ୍ମ ରିଲିଜ୍ ହେବାକୁ ଆଉ କିଛି ଦିନ ବାକି ରହିଥିବା ବେଳେ ଆଗକୁ ଆଡଭାନ୍ସ ବୁକିଂ ବଢିବା ନେଇ ଆଶା କରାଯାଇଛି ।
wp:html/wp:html
ଅଜୟ ଦେବଗନଙ୍କ ଫିଲ୍ମ 'ଭୋଲା' ହେଉଛି ୨୦୧୯ ତାମିଲ ଫିଲ୍ମ 'କୈଥୀ'ର ଅଫିସିଆଲ୍ ରିମେକ୍ । ଅରିଜିନାଲ୍ ଫିଲ୍ମକୁ ଲୋକେଶ କନଗରାଜ ନିର୍ଦ୍ଦେଶନା ଦେଇଥିବା ବେଳେ ଏଥିରେ ମୁଖ୍ୟ ଭୂମିକାରେ ଅଭିନୟ କରିଥିଲେ କାର୍ଥି । ଅନ୍ୟପକ୍ଷେ, 'ଭୋଲା'ର କାହାଣୀ ବିଷୟରେ କହିବାକୁ ଗଲେ ଏହି ଫିଲ୍ମରେ ଜଣେ ବ୍ୟକ୍ତିଙ୍କ କାହାଣୀ ଦର୍ଶାଯାଇଛି ଯିଏ ୧୦ ବର୍ଷ ଜେଲରେ ରହିବା ପରେ ତାଙ୍କ ଝିଅକୁ ଭେଟିଛନ୍ତି । ଏଥିପାଇଁ ତାଙ୍କୁ ଅନେକ ସମସ୍ୟାର ସାମ୍ନା କରିବାକୁ ପଡିବ । ଏହି ଫିଲ୍ମରେ ଅଜୟଙ୍କ ବ୍ୟତୀତ ମକରନ୍ଦ ଦେଶପାଣ୍ଡେ, ଦୀପକ ଡୋବ୍ରିଆଲ ଏବଂ ଗଜରାଜ ରାଓଙ୍କ ସହ ଅନେକ ଭେଟେରାନ ଷ୍ଟାର ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକାରେ ଅଭିନୟ କରୁଥିବା ଦେଖିବାକୁ ମିଳିବେ ।
