ନୂଆଦିଲ୍ଲୀ: ଏୟାର ଇଣ୍ଡିଆ କର୍ମଚାରୀଙ୍କୁ ଟାଟାର ଉପହାର। ୧୫୦୦୦ ଟଙ୍କା ପର୍ଯ୍ୟନ୍ତ ଦରମା ବୃଦ୍ଧି ସହ ଏପ୍ରିଲ ପହିଲାରୁ ପାଇଲଟଙ୍କ ବାର୍ଷିକ ପ୍ରଦର୍ଶନ ଆଧାରରେ ୧.୮ ଲକ୍ଷ ଟଙ୍କା ପର୍ଯ୍ୟନ୍ତ ବୋନସ ଘୋଷଣା କରାଯାଇଛି। ଏନେଇ ଏକ ବିବୃତ୍ତି ଜାରି ଘୋଷଣା କରିଛି କମ୍ପାନୀ। କମ୍ପାନୀ ବିବୃତ୍ତି ଅନୁଯାୟୀ, ଏୟାରଲାଇନ୍ସର ଫାଷ୍ଟ ଅଫିସରଙ୍କ ଠାରୁ ସିନିୟର କମାଣ୍ଡରଙ୍କ ଦରମାକୁ ୫୦୦୦ ରୁ ୧୫,୦୦୦ ଟଙ୍କା ପର୍ଯ୍ୟନ୍ତ ବୃଦ୍ଧି କରାଯାଇଛି। ତେବେ ଜୁନିୟର ପାଷ୍ଟ ଅଫିସରଙ୍କ ପାଇଁ କୌଣସି ବେତନ ବୃଦ୍ଧି କରାଯାଇ ନାହିଁ।
କମ୍ପାନୀର ଘୋଷଣା ଅନୁସାରେ, ଜୁନିୟର ଫାଷ୍ଟ ଅଫିସର(ଜେଏଫଓ)ଙ୍କ ଠାରୁ ସିନିୟର କମାଣ୍ଡରଙ୍କ ପର୍ଯ୍ୟନ୍ତ ବାର୍ଷିକ ୪୨,୦୦୦ ରୁ ୧.୮ ଲକ୍ଷ ଟଙ୍କା ପର୍ଯ୍ୟନ୍ତ ବୋନସ ଘୋଷଣା କରିଛି ଏୟାର ଇଣ୍ଡିଆ। ଫାଷ୍ଟ ଅଫିସର ଓ କ୍ୟାପଟେନ ବାର୍ଷିକ ୬୦,୦୦୦ ଟଙ୍କା ବୋନସ୍ ପାଇବେ। ସେହିପରି କମାଣ୍ଡରଙ୍କୁ ୧.୩୨ ଲକ୍ଷ ଟଙ୍କା ଓ ସିନିୟର କମାଣ୍ଡରଙ୍କୁ ୧.୮୦ ଲକ୍ଷ ବୋନସ ମିଳିବ। ଯେଉଁ ପାଇଲଟମାନେ ଗ୍ରାଉଣ୍ଡ ଏବଂ ସିମୁଲେଟର ଟ୍ରେନିଂରେ ଅତ୍ୟଧିକ ବିଳମ୍ବର ସମ୍ମୁଖୀନ ହୋଇଛନ୍ତି ସେନଙ୍କ ପାଇଁ କ୍ଷିତପୂରଣ ଘୋଷଣା କରାଯାଇଛି।
ଏନେଇ ଏୟାର ଇଣ୍ଡିଆ କହିଛି, 'ପାଇଲଟ ଯେଉଁମାନେ ଏପ୍ରିଲ ୨୦୨୩ ରୁ ମାର୍ଚ୍ଚ ୨୦୨୪ ପର୍ଯ୍ୟନ୍ତ କମାଣ୍ଡ ଅପଗ୍ରେଡ୍ ଏବଂ କନଭର୍ସନ ଟ୍ରେନିଂ ନେଇଥିଲେ ଏବଂ ଯେଉଁମାନଙ୍କର ପ୍ରଶିକ୍ଷଣରେ ଡିଷ୍ଟିଫିଏବଲ ଅର୍ଗାନାଇଜେସନ କାରଣରୁ ବିଳମ୍ବ ହୋଇଥିଲା ସେମାନଙ୍କୁ ୪୦ ଘଣ୍ଟା ଫ୍ଲାଇଂ ଗ୍ୟାରେଣ୍ଟି ମଧ୍ୟରେ ପ୍ରଶିକ୍ଷଣରେ ବିତାଇଥିବା ସମୟ ପାଇଁ ସେମାନଙ୍କୁ ଅତିରିକ୍ତ କ୍ଷତିପୂରଣ ଦିଆଯିବ। ଏହି ପାଇଲଟମାନଙ୍କୁ ବ୍ୟକ୍ତିଗତ ଭାବେ ଅବଗତ କରାଯିବ ଏବଂ ଜୁନ୍ ମାସର ଫ୍ଲାଇଙ୍ଗ୍ ଭତ୍ତା ସହିତ ଦେୟ ପ୍ରଦାନ କରାଯିବ।
