ନୀଳଗିରି: ବାଲେଶ୍ୱର ଜିଲ୍ଲା ରେମୁଣା ଗୋଲେଇ ଠାରେ ଥିବା ଏମ୍ସ ସେଟଲାଇଟ ହସ୍ପିଟାଲର ଭାଗ୍ୟ ବଦଳିବ । ଦୀର୍ଘ ବର୍ଷ ଧରି ଏହା ସମ୍ପୂର୍ଣ୍ଣ କାର୍ଯ୍ୟକ୍ଷମ ହୋଇନଥିବା ବେଳେ ଏହାର ସୁଧାର ଆସିବାକୁ ଅଂଟା ଭିଡିଛନ୍ତି ସାଂସଦ ପ୍ରତାପ ଷଡ଼ଙ୍ଗୀ । କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରୀ ମନସୁଖ ମଣ୍ଡଭିୟଙ୍କୁ ଭେଟି ଏହା ଉପରେ ସେ ଦାବିପତ୍ର ପ୍ରଦାନ କରିଛନ୍ତି ।

ସୂଚନାଯୋଗ୍ୟ ବାଲେଶ୍ୱରରେ ନିର୍ମିତ ହୋଇଥିବା ଏମ୍ସ ସାଟେଲାଇଟ୍ ସେଣ୍ଟର ସପୂର୍ଣ୍ଣ କାର୍ଯ୍ୟକ୍ଷମ ହୋଇନି । ଡାକ୍ତର ଓ ସମସ୍ତ ବିଭାଗର ପଦବୀ ପୂରଣ ହୋଇନି । ଭୁବନେଶ୍ୱରରୁ ଡାକ୍ତର ଆସି କାର୍ଯ୍ୟ କରୁଛନ୍ତି । ଅଞ୍ଚଳବାସୀ ସମ୍ପୂର୍ଣ୍ଣ ସ୍ୱାସ୍ଥ୍ୟସେବା ପାଇବାରେ ବିଫଳ ହେଉଛନ୍ତି । ଯଥାଶୀଘ୍ର ଏଥିରେ ସୁଧାର ହେବା ସହ ଅଧିକ ଅନୁଦାନ ଦେବାକୁ ବାଲେଶ୍ୱର ସାଂସଦ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରୀଙ୍କୁ ଭେଟି ଦାବି କରିଛନ୍ତି । ଏହାସହ ଏହି ସେଣ୍ଟରକୁ ଶୀଘ୍ର ଉଦଘାଟନ କରିବା ପାଇଁ ଅନୁରୋଧ ଓ ନିମନ୍ତ୍ରଣ କରିଥିବା ସାଂସଦ ସୂଚନା ଦେଇଛନ୍ତି । କେନ୍ଦ୍ରମନ୍ତ୍ରୀ ଖୁବଶୀଘ୍ର ବାଲେଶ୍ୱର ଆସି ଏହାର ଉଦଘାଟନ କରିବେ ବୋଲି ପ୍ରତିଶ୍ରୁତି ଦେଇଥିବା ଜଣାପଡିଛି ।