ବାଲେଶ୍ୱର ୨୪।୦୮: ଏଡ୍ସ ରୋଗରେ ମୃତ୍ୟୁବରଣ କରିଥିବାରୁ, ଶବକୁ ଗାଁରେ ପୂରାଇ ଦଲେନି ଗ୍ରାମବାସୀ । ବାଲେଶ୍ବରର କିଛି ସ୍ବେଚ୍ଛାସେବୀ ସହର ଭିତରେ କଲେ ଶବ ସତ୍କାର । ସେପଟେ ଏବେ ବାପା ଆଖି ବୁଜିଥିବା ବେଳେ, ମାଆ ମଧ୍ୟ ବର୍ଷକ ତଳୁ ଆରପାରିରେ । ଏବେ ୩ ପିଲା ଅନାଥ ହୋଇଯାଇଛନ୍ତି ।
{"id":319260,"sizeSlug":"large"}ଶବକୁ ଶ୍ମଶାନ ମନା । ବାଲେଶ୍ବର ନୀଳଗିରି ଡମ୍ବୁରୁ ଘାଟୀ ଗାଁ ମଶାଣିକୁ ଶବ ପୂରାଇ ଦେଲେନି ଲୋକେ । କାରଣ ପ୍ରାଣ ହରାଇଥିବା ଏ ବ୍ୟକ୍ତି ଥିଲେ ଏଡ୍ସରେ ଆକ୍ରାନ୍ତ । ଗାଁ ଲୋକେ, ପଡ଼ୋଶୀ ସିନା ମଣିଷ ପଣିଆ ଭୁଲିଗଲେ । ହେଲେ ସହାୟତା ପାଇଁ ଆଗେଇ ଆସିଲେ କିଛି ସ୍ବେଚ୍ଛାସେବୀ । ବାଲେଶ୍ବର ସହରର ଆଇଟିଆଇ ପାଖ ମଶାଣିରେ ହେଲା ଅନ୍ତିମ ସଂସ୍କାର । ୮ ବର୍ଷର ନାବାଳକ ପୁଅ ଦେଲା ମୁଖାଗ୍ନି ।
{"id":319261,"sizeSlug":"large"}ମୃତ ବ୍ୟକ୍ତିଙ୍କ ୩ ଜଣ ପିଲା ବାପାଙ୍କୁ ଗତ ୧୫ ତାରିଖରେ ଆଣି ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ । ଶନିବାର ରାତିରେ ଆଖି ବୁଜିଦେଲେ ସେ । ଏବେ ଏଇ ୩ ଛୋଟ ଭାଇ-ଭଉଣୀଙ୍କ ଦେଖାଶୁଣା ପାଇଁ କେହି ନାହାଁନ୍ତି । କାରଣ ବର୍ଷକ ତଳେ ମାଆ ମଧ୍ୟ ଏଡ୍ସରେ ପ୍ରାଣ ହରାଇଛନ୍ତି ।