ଚଣ୍ଡିଖୋଲ, ୨୬|୦୮: ଯାଜପୁର ଜିଲ୍ଲା ବୈରି ଥାନା ଅନ୍ତର୍ଗତ କାଇମାଟିଆ ଗ୍ରାମରେ ଅଗ୍ନିକାଣ୍ଡ । ଜଳି ଗଲା ୪ ବଖରା ଚାଳ ଘର, ପିନ୍ଧିବା ବସ୍ତ୍ର । ଏହାସହ ଲକ୍ଷାଧିକ ଟଙ୍କାର ଧାନ,ଚାଉଳ ଓ ସମସ୍ତ ଆସବାବ ପତ୍ର ଜଳି ଆଖି ପିଛୁଳାକେ ପାଉଁଶ ହୋଇଯାଇଛି।
ସୂଚନାନୁସାରେ, କାଈମାଟିଆ ଗ୍ରାମର ବାବନ ସାହୁଙ୍କ ଘରେ ରାତ୍ରି ପ୍ରାୟ ୧୦ ପରେ ହଠାତ ବିଦୁତ ସର୍ଟ ସର୍କିଟ ହୋଇ ନିଆଁ ଲାଗି ଯାଇଥିଲା । ଗାଁ ଲୋକମାନେ ନିଆଁକୁ ଲିଭାଇବାକୁ ଚେଷ୍ଟା କରିଥିବା କରିଥିଲେ । କିନ୍ତୁ ସେତେବେଳକୁ ଘରର ଲକ୍ଷାଧିକ ଟଙ୍କାର ଜିନିଷ ଓ ଆସବାବପତ୍ର ସମ୍ପୂର୍ଣ୍ଣ ଜଳି ଯାଇଥିଲା । ତେବେ ଖବର ପାଇ ଚଣ୍ଡିଖୋଲ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚିବା ବେଳକୁ ୪ ବଖରା ଚାଳ ଘର ସମେତ ସମସ୍ତ ଜିନିଷ ପୋଡ଼ି ନଷ୍ଟ ହୋଇ ଯାଇଥିଲା ।
