ନୀଳଗିରି ୦୫/୦୬: ବିଦ୍ୟୁତ ତାର ଛିଣ୍ଡି ଜଳିଗଲା ଛତୁ ଫାର୍ମ ହାଉସ । ଏଭଳି ଘଟଣା ବାଲେଶ୍ଵର ଜିଲ୍ଲା ନୀଳଗିରି ବ୍ଲକ ଅଧିନ ପୀଠହତା ଗ୍ରାମରେ ଘଟିଛି । ଏହି ଗ୍ରାମର ଅନ୍ତର୍ଯ୍ୟାମୀ ମହାକୁଡ଼ଙ୍କ ଛତୁ ଚାଷ ହୋଇଯାଇଛି । ସୂଚନାଥାଉକି, ଫାର୍ମହାଉସ ଉପରେ ବିଦ୍ୟୁତ ତାର ଓହଳି ଯାଇଥିଲା ।
ବର୍ଷା ପବନରେ ତାର ଦୁଇଟି ଯୋଡି ନିଆଁ ବାହାରିଥିଲା । ତାର ମଧ୍ୟ ଛିଣ୍ଡି ଯାଇଥିଲା । ଫଳରେ ଘରଟି ନିଆଁରେ ସମ୍ପୁର୍ଣ୍ଣ ଜଳି ଯାଇଥିଲା । ଲକ୍ଷାଧିକ ଟଙ୍କାର ଛତୁ ଓ ମଞ୍ଜି ନଷ୍ଟ ହୋଇଥିବା ଜଣାପଡିଛି । ମୟୁରଭଞ୍ଜ ଜିଲ୍ଲା ଅଗ୍ନିଶମ ବିଭାଗ ଯାଇ ନିଆଁକୁ ଆୟତ୍ତ କରିବା ବେଳକୁ ବର୍ଷା ଘଡଘଡି ହେବାରୁ ଜଣେ କର୍ମଚାରୀଙ୍କୁ ବଜ୍ରାଘାତ ହୋଇଥିଲା ।
ନିଆଁ ଅଧା ଲିଭାଇ ତାଙ୍କୁ ଉଦଳା ହସ୍ପିଟାଲକୁ ବିଭାଗ ତରଫରୁ ନିଆଯାଇଥିଲା । ବିଦ୍ୟୁତ ବିଭାଗର ଏଭଳି ଖାମଖିଆଲ ନୀତି ପାଇଁ ଆଜି ଏଭଳି ଅଘଟଣ ହୋଇଥିବା ବେଳେ ପ୍ରଶାସନ ତରଫରୁ ତଦନ୍ତ କରି କାର୍ଯ୍ୟାନୁଷ୍ଠାନ ନେବା ସହ କ୍ଷତିପୂରଣ ଦେବାକୁ ପରିବାର ଲୋକେ ଦାବି କରିଛନ୍ତି।
