scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ସ୍କୁଲ୍‌ ଯିବା ବୟସରେ ଆରମ୍ଭ କଲେ ବ୍ୟବସାୟ, ୧୭ବର୍ଷ ବୟସରେ ହେଲେ କୋଟିକୋଟି ଟଙ୍କାର ମାଲିକ

27/11/2023 at 2:14 PM

ନୂଆଦିଲ୍ଲୀ ୨୭।୧୧: ଯେତେବେଳେ ପିଲାମାନଙ୍କର ସ୍କୁଲ୍‌ ଯିବାର ବୟସ ହୋଇଥାଏ ସେତେବେଳେ ସେ ଆରମ୍ଭ କରିଥିଲେ ବ୍ୟବସାୟ । ନିଜର ପରିଶ୍ରମ ବଳରେ ସେ ଏପରି କିଛି କରିଛନ୍ତି ଯାହାକୁ ଦେଖି ଲୋକମାନେ ହୋଇଯାଇଛନ୍ତି ଆଶ୍ଚର୍ଯ୍ୟ । କମ୍‌ ବୟସରେ ସେ ପାଲଟିଛନ୍ତି ୧୦୦କୋଟି କମ୍ପାନୀର ମାଲିକ ।

 ଏ ହେଉଛନ୍ତି ତିଲକ୍‌ ମେହତା । ସେ ଏବେ ପେପର୍‌ ଏନ୍‌ ପାର୍ସଲର ଫାଉଣ୍ଡର ଅଟନ୍ତି । ଏହି କମ୍ପାନୀ ଏକ ଅନ୍‌ଲାଇନ୍‌ ପ୍ଲାଟଫର୍ମ । ଯାହା ଡୋର ଷ୍ଟେପ୍‌ ସର୍ଭିସ୍‌ ଦେଇଥାଏ । ଅର୍ଥାତ୍ ଏହି କମ୍ପାନୀ ୨୪ ଘଣ୍ଟା ମଧ୍ୟରେ ଆପଣଙ୍କ ପାଖରେ ପାର୍ସଲ୍‌ ପହଞ୍ଚାଇଥାଏ । କମ୍ପାନୀ ପାଖରେ ଏକ ବଡ ଟିମ୍‌ ମଧ୍ୟ ରହିଛି । କମ୍ପାନୀ ମୋବାଇଲ୍‌ ଆପ ଜରିଆରେ ଲୋକଙ୍କୁ ଡୋର୍‌ଷ୍ଟେପ୍‌ର ସର୍ଭିସ୍‌ ଦେଇଥାଏ ।  ଖାସ୍‌ କଥା ହେଉଛି କମ୍ପାନୀର କର୍ମଚାରୀ ଦିନକୁ ହଜାର ହଜାର ପାର୍ସଲ ଡେଲିଭରି କରିଥାନ୍ତି । ଆଉ ଏଥିପାଇଁ ନେଇଥାନ୍ତି ମାତ୍ର ୪୦ରୁ ୧୮୦ ଟଙ୍କା ।

 ମୁମ୍ବାଇର ଏକ ମଧ୍ୟବିତ୍ତ ପରିବାରରେ ତାଙ୍କର ଜନ୍ମ  । ତାଙ୍କୁ ଯେତେବେଳେ ୧୩ ବର୍ଷ ବୟସ ହୋଇଥିଲା ସେତେବେଳେ ସେ କିଛି କାମ ତାଙ୍କ ମାମୁଁଙ୍କ ଘରକୁ ଯାଇଥିଲି । କିନ୍ତୁ ସେଠାରେ ତାଙ୍କର ସ୍କୁଲ ବହି ଭୁଲି ଯାଇଥିଲେ । ଆଉ ତା ପରଦିନ ହିଁ ତାଙ୍କର ଥିଲା ପରୀକ୍ଷା । ସେ ତାଙ୍କ ପିତାଙ୍କୁ ପଚାରିଥିଲେ କି କୌଣସି କୋରିଅର କମ୍ପାନୀ ଅଛି, ଯିଏକି ଗୋଟିଏ ଦିନରେ ତାଙ୍କ ବହି ପହଞ୍ଚାଇ ପାରିବ । କିନ୍ତୁ ସେମାନଙ୍କୁ ମିଳିନଥିଲା ଏପରି କୌଣସି କମ୍ପାନୀ ।

 ଆଉ ଏହିଠାରୁ ହିଁ ଆସିଥିଲା ବିଜନେସ୍‌ର ଆଇଡିଆ । ସେ ୨୪ ଘଣ୍ଟାରେ କ୍ୟୁରିୟର ପହଞ୍ଚାଇବାର ଏକ କ୍ୟୁରିୟର କମ୍ପାନୀ ଆରମ୍ଭ କରିବାକୁ ତାଙ୍କ ପିତାଙ୍କୁ କହିଥିଲେ । ପିତା ତାଙ୍କୁ ବିଜନେସ୍‌ ଷ୍ଟାର୍ଟ କରିବା ପାଇଁ ଦେଇଥିଲେ ପ୍ରାରମ୍ଭିକ ଟଙ୍କା । ଏହାପରେ ତିଲକଙ୍କ ସାଥ୍ ଦେଇଥିଲେ ତାଙ୍କ ମାମୁଁ ଘନଶ୍ୟାମ ପାରେଖ । ସେ ଜଣେ ବ୍ୟାଙ୍କ୍‌ କର୍ମଚାରୀ । କିନ୍ତୁ ସେ ବିଜନେସ୍‌ ପାଇଁ ଚାକିରୀ ଛାଡି ଆରମ୍ଭ କରିଥିଲେ ବ୍ୟବସାୟ । ସେ ଏକାଠି ପେପର ଏନ ପାର୍ସଲ ନାମକ ଏକ କ୍ୟୁରିଅର୍ ସେବା ଆରମ୍ଭ କରିଥିଲେ ।

ପେପର ଏନ୍‌ ପାର୍ସଲ ଲଞ୍ଚ କରିବା ପୂର୍ବରୁ ତିଲକ ପ୍ରାୟ ୮ ମାସ ଯାଏଁ ମୁମ୍ବାଇରେ କ୍ୟୁରିଅର କମ୍ପାନୀ ଉପରେ ରିସର୍ଚ୍ଚ କରିଥିଲେ । ଆଉ ସେ ଜାଣିବାକୁ ପାଇଥିଲେ ଯେ କେବଳ ଡବାବାଲାଙ୍କ ବ୍ୟତୀତ ମୁମ୍ବାଇର ଅନ୍ୟ କୌଣସି କମ୍ପାନୀ ଏପରି ଦ୍ରୁତ ସେବା ଯୋଗାଉ ନାହିଁ। କମ୍ପାନୀ ଆରମ୍ଭର କିଛି ଦିନପରେ ତାଙ୍କ ସହ ଯୋଡି ହୋଇଥିଲେ ୩୦୦ରୁ ଅଧିକ ଡବାବାଲା ।

ତେବେ ୨୦୦୬ ମସିହାରେ ଗୁଜୁରାଟରେ ଜନ୍ମ ହୋଇଥିବା ତିଲକଙ୍କ ପିତା ବିଶାଲ ମେହେଟ୍ଟା ଏକ ଲଜିଷ୍ଟିକ୍ କମ୍ପାନୀ ସହିତ ଜଡିତ । ତାଙ୍କ ମା କାଜଲ ମେହେଟ୍ଟା ଜଣେ ଗୃହିଣୀ । ତାଙ୍କର ଏକ ଭଉଣୀ ମଧ୍ୟ ଅଛନ୍ତି। ତିଲକ ତାଙ୍କ ପାଠପଢା ସହିତ ବ୍ୟବସାୟ ମଧ୍ୟ କରିଥାନ୍ତି । ତାଙ୍କ କମ୍ପାନୀ ଏବେ ୨୦୦ ଲୋକଙ୍କୁ ଯୋଗାଉଛି ରୋଜଗାର । ଏହି ଅଳ୍ପ ବୟସ୍କ ଯୁବକ ଏବେ ଅନ୍ୟମାନଙ୍କ ପାଇଁ ପାଲଟିଛି ଉଦାହରଣ ।

You Can Read:

   Related Posts