ନୂଆପଡା ୨୨।୩: ନୂଆପଡାରେ ପୁଣି ବାଘ ଆତଙ୍କ । ସୁନାବେଡା ଅଭୟାରଣ୍ୟ ଜଲମଡେଇ ଗାଁରେ ବାଘ ଆତଙ୍କ ଦେଖିବାକୁ ମିଳିଛି ।

ନୂଆପଡା ଜିଲ୍ଲା ସୁନାବେଡା ଅଭୟାରଣ୍ୟ ଜଲମଡେଇ ଗାଁର ରାମସିଂ ବାରିକଙ୍କ ବାଛୁରୀକୁ ବାଘ ମାରିଥିବା ଅଭିଯୋଗ ହୋଇଛି । ଗାଁରେ କୋମନା ବନ୍ୟପ୍ରାଣୀ ବିଭାଗ ପହଞ୍ଚି ଅନୁଧ୍ୟାନ ଆରମ୍ଭ କରିଛି । ତେବେ ସ୍ଥାନୀୟ ଅଞ୍ଚଳରେ ୧୦ ଗୋଟି ଟ୍ରାପ୍ କ୍ୟାମେରା ଲଗାଇ ବାଘର ଗତିବିଧି ବନ ବିଭାଗ ଅନୁଧ୍ୟାନ କରୁଛି ।  

ଉଲ୍ଲେଖଯୋଗ୍ୟ ଯେ, ଦୁଇ ଦିନ ତଳେ ସନମତି ନାମକ ଜଣେ ୮୦ବର୍ଷ ବୟସ୍କ ବୃଦ୍ଧାଙ୍କୁ ଘରୁ ଟେକିନେଇ ଖାଇଥିଲା କଲରାପତରିଆ ବାଘ । ସେହିଦିନଠାରୁ ଗାଁରେ ଲାଗି ରହିଛି ବାଘ ଆତଙ୍କ ।