oroinfra
maganna
anutap
FileReOpen
TASTEtheBEST
EVOS_WebBanner_728X90
oroinfra
ChampionMaganna_WebBanner_728X90
Anutap_WebBanner_728X90
FileReOpen_WebBanner_728X90
TASTEtheBEST_WebBanner_728X90
EVOS_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଉପର ତଳ ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୬୭ କୋଭିଡ୍ ପଜିଟିଭ୍
  • ||
  • ଭୁବନେଶ୍ୱର: ମଣ୍ଡପରେ ପୂଜା ପାଉଛନ୍ତି ଦୁର୍ଗତିନାଶିନୀ, ପୀଠରେ ମହାନବମୀ ପୂଜା
  • ||
  • ଭୁବନେଶ୍ୱର : ସୋମବାରଠୁ ପ୍ରବଳ ବର୍ଷା, ୮ ପରେ ପୁଣି ଏକ ଘୂର୍ଣ୍ଣିବଳୟ
  • ||
  • ବରଗଡ଼ : ପଦ୍ମପୁର ବିଧାୟକଙ୍କ ପରଲୋକ, ୬୪ ବର୍ଷରେ ଆଖିବୁଜିଲେ ବିଜୟ ରଞ୍ଜନ ସିଂ ବରିହା
  • ||

ପଞ୍ଚାୟତ ପରେ ପୌର ନିର୍ବାଚନ ପାଇଁ ଫିଟିଲା ବାଟ, ୫୦% ଭିତରେ ରହିବ ସଂରକ୍ଷଣ ବ୍ୟବସ୍ଥା

12/10/2021 at 9:04 PM

ଭୁବନେଶ୍ଵର ୧୨।୧୦: ପୌର ନିର୍ବାଚନ ପାଇଁ ଫିଟିଲା ବାଟ । ନୂଆ ପୌର ନିର୍ବାଚନ ଆଇନରେ ସଂଶୋଧନକୁ ରାଜ୍ୟପାଳ ଅନୁମୋଦନ ଦେଲା ପରେ ଆଇନ ବିଭାଗ ପକ୍ଷରୁ ଗେଜେଟ୍ ବିଜ୍ଞପ୍ତି ଜାରି ହୋଇଛି। ସଂଶୋଧିତ ଆଇନ ଅନୁଯାୟୀ  ଏଣିକି ପଞ୍ଚାୟତ ନିର୍ବାଚନ ପରି ପୌର ନିର୍ବାଚନରେ ମଧ୍ୟ ସଂରକ୍ଷଣ  ସର୍ବାଧିକ ୫୦% ଭିତରେ ସୀମିତ ରଖାଯିବ। ନୂଆ ସଂରକ୍ଷଣ  ଆଇନ ଅନୁସାରେ ଏବେ ପଞ୍ଚାୟତ ନିର୍ବାଚନ ଲାଗି  ପ୍ରସ୍ତୁତି ଚାଲିଥିବା ବେଳେ ପୌର ନିର୍ବାଚନ  ଆଇନ  ବିଜ୍ଞପ୍ତି ପ୍ରକାଶ ପାଇବାକୁ ନେଇ ତେଜିଛି ରାଜ୍ୟ ରାଜନୀତି ।

ପଞ୍ଚାୟତ ପରେ ପୌର ନିର୍ବାଚନ ବାଟ ଫିଟିଲା । ପୌର ଭୋଟରେ ଆସନ ସଂରକ୍ଷଣ ନେଇ ଜାରି ହେଲା ବିଜ୍ଞପ୍ତି । ପୌର ଭୋଟରେ  ସଂରକ୍ଷଣ ସୀମା ସର୍ବାଧିକ  ୫୦ ପ୍ରତିଶତ ଭିତରେ ରହିବ ବୋଲି ବିଜ୍ଞପ୍ତିରେ ସ୍ପଷ୍ଟ ହୋଇଛି । ପଛୁଆ ବର୍ଗଙ୍କ ପାଇଁ କାଉନସିଲର, କର୍ପୋରେଟର ପଦବୀରେ ୨୭ ପ୍ରତିଶତ  ସଂରକ୍ଷଣ ରହିବ । ସେହିପରି ମହାନଗର ନିଗମ ମେୟର ଓ ପୌର ସଂସ୍ଥାର ଅଧ୍ୟକ୍ଷ ପଦବି ପାଇଁ ମଧ୍ୟ ୨୭ ପ୍ରତିଶତ ସଂରକ୍ଷଣ ରଖାଯିବ ବୋଲି ବିଜ୍ଞପ୍ତିରେ କୁହାଯାଇଛି । ସେପଟେ  ନଗର ଉନ୍ନୟନ ମନ୍ତ୍ରୀ କହିଛନ୍ତି ପଞ୍ଚାୟତ ନିର୍ବାଚନ ସଂରକ୍ଷଣ ପ୍ରକ୍ରିୟା ସରିବା ପରେ ପୌର ନିର୍ବାଚନ ଲାଗି ସରକାର ପ୍ରକ୍ରିୟା କରିବେ ।

ରାଜ୍ୟରେ ୫ଟି ମହାନଗର ନିଗମ, ୪୮ଟି ପୌରପାଳିକା ଓ ୬୧ ଟି ବିଜ୍ଞପିତ ଅଞ୍ଚଳ ପରିଷଦ କୁ ମିଶାଇ ୧୧୪ଟି ଅର୍ବାନ ବଡି ରହିଛି । ସେଥିରୁ  ଢେଙ୍କାନାଳର ହିନ୍ଦୋଳ ଓ ବରଗଡର ଅତାବିରା ପୌରାଞ୍ଚଳକୁ ଛାଡିଦେଲେ ବାକି ୧୧୨ଟି ପୌରାଞ୍ଚଳରେ ନିର୍ବାଚନ ଅବଧି ସରିଛି । ୨୦୧୮ରେ ୯୧ଟି କାର୍ଯ୍ୟକାଳ ସରିଥିବାବେଳେ ପରକୁ ପର ଆଉ ସବୁ ନିର୍ବାଚନ ଅବଧି ବି ପୁରିଲାଣି । ପାଖା ପାଖି ୩ ବର୍ଷ ହେବ ପୌର ପରିଷଦ ଗୁଡିକ ଖାଲି ପଡିଥିବାରୁ ଏହାକୁ ନେଇ ସରକାରଙ୍କୁ ସମାଲୋଚନା କରୁଥିଲେ ବିରୋଧୀ । ସରକାର ଜାଣି ଶୁଣି ନିର୍ବାଚନ କରୁ ନାହାନ୍ତି ବୋଲି ଆରୋପ ଆଣୁଥିଲେ । ବିଶେଷକରି ସରକାର ପଞ୍ଚାୟତ ନିର୍ବାଚନ ଠିକ ସମୟରେ କରିବାକୁ ଇଶାରା ଦେବା ପରେ ବିରୋଧୀଙ୍କ ସ୍ଵର ତ୍ରୀବ୍ର ହୋଇଥିଲା । ପଞ୍ଚାୟତ ନିର୍ବାଚନ ସହ ପୌର ନିର୍ବାଚନ କରିବାକୁ ଦାବି କରି ବିରୋଧୀ କୋର୍ଟକୁ ଯାଇଥିଲେ । ଆଉ ଏବେ ପୌର ନିର୍ବାଚନ ଲାଗି ବାଟ ଖୋଲିଥିବାରୁ ବିରୋଧୀ କହିଛନ୍ତି କେବଳ ବିଜ୍ଞପ୍ତି ପ୍ରକାଶ କରି ନୁହେଁ ପଞ୍ଚାୟତ ପରେ ପରେ କିପରି ପୌର ଭୋଟ ହେବ ସେନେଇ  ସରକାର ତୁରନ୍ତ ପ୍ରକ୍ରିୟା କରନ୍ତୁ ବୋଲି କହିଛନ୍ତି । ଯାହାର ଜବାବ ରଖିଛି ବିଜେଡି ।

ପୂର୍ବରୁ ପୌର ନିର୍ବାଚନରେ ସଂରକ୍ଷଣ ସୀମା ୫୦ ପ୍ରତିଶତରୁ ଅଧିକ ଥିବାରୁ  ମାମଲା କୋର୍ଟରେ ପହଁଚିଥିଲା । ସଂରକ୍ଷଣ ୫୦ ପ୍ରତିଶତରେ ସୀମିତ ରଖିବାକୁ    ହାଇକୋର୍ଟ  ନିର୍ଦେଶ ଦେଇଥିଲେ । ଏହାପରେ ରାୟକୁ ଚ୍ୟାଲେଞ୍ଜ କରି  ସୁପ୍ରିମକୋର୍ଟ ଯାଇଥିଲେ ସରକାର । ହେଲେ ସୁପ୍ରମକୋର୍ଟବି ହାଇକୋର୍ଟଙ୍କ ରାୟକୁ କାଏମ ରଖିଲେ ।   ଏହାପରେ ସରକାର ଗତ ବିଧାନସଭାରେ ପୌର ନିର୍ବାଚନ ଆଇନ ସଂଶୋଧ  ବିଲ ବିଧାନସଭାରେ ପାରିତ କରିଥିଲେ । ସେପଟେ ୨୦୧୮ ମସିହାରୁ ପର୍ଯ୍ୟାୟକ୍ରମେ ରାଜ୍ୟର ପୌରାଞ୍ଚଳରେ ନିର୍ବାଚିତ ପରିଷଦର କାର୍ଯ୍ୟକାଳ ଶେଷ ହୋଇଛି।  କିନ୍ତୁ ନିର୍ବାଚନ ହେଉ ନ ଥିବାରୁ ସବୁଠି ପ୍ରଶାସକ ନିଯୁକ୍ତି ଦିଆଯାଇଛି।

   Related Posts