Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଶିମିଳିପାଳ ଉପରମୁଣ୍ଡରେ ପ୍ରବଳ ବର୍ଷା, ଖୋଲିଲା କାଳ ଡ୍ୟାମ୍ ଗେଟ୍
  • ||
  • ପାଣି ଘେରରେ ଚାନ୍ଦବାଲି ବ୍ଲକର ୨୦ ଗାଁ, ଦୁର୍ବଳ ନଦୀବନ୍ଧ ପାଇଁ ଚିନ୍ତାରେ ଲୋକେ
  • ||
  • ଦେଶରେ ଉପର ତଳ କରୋନା ଗ୍ରାଫ୍, ୨୪ ଘଣ୍ଟାରେ ବାହାରିଲେ ୧୪୦୯୨ କରୋନା ପଜିଟିଭ୍
  • ||
  • ଆଉ ନାହାନ୍ତି ବିଶିଷ୍ଠ ଶିଳ୍ପପତି ତଥା ଭାରତର ୱାରେନ୍ ବଫେଟ୍‌ ରାକେଶ ଝୁନଝୁନୱାଲା: ୬୨ ବର୍ଷ ବୟସରେ ମୁମ୍ବାଇରେ ପରଲୋକ
  • ||
  • ମହାନଦୀ ଫୁଲୁଛି : ବୌଦ୍ଧରେ ବନ୍ୟା ସ୍ଥିତି, ହରଭଙ୍ଗା ବ୍ଲକ୍‌ର ୫୫ ଗାଁ ପ୍ରଭାବିତ
  • ||
  • କୁଲଗାମରେ ଆତଙ୍କବାଦୀଙ୍କ ଗ୍ରେନେଡ୍ ମାଡ, ଜଣେ ପୋଲିସ କର୍ମୀ ସହିଦ
  • ||
  • ଏସିଆ କପ୍ ପାଇଁ କୋହଲି ପ୍ରସ୍ତୁତ : ଇନଡୋର୍ ଷ୍ଟାଡିୟମରେ କଲେ ଜୋରଦାର ଅଭ୍ୟାସ
  • ||

ବ୍ୟବସାୟୀଙ୍କୁ ଲୁଟିବା ପରେ ଜୀବନ୍ତ ଜଳେଇଦେଲେ ଦୁର୍ବୁର୍ତ୍ତ; ପ୍ରମାଣ ନଷ୍ଟ କରିବା ପାଇଁ କଲେ ବିସ୍ଫୋରଣ

27/11/2018 at 2:06 PM

ଜବଲପୁର ୨୭/୧୧ : ମଧ୍ୟପ୍ରଦେଶ ଜବଲପୁର ଜିଲ୍ଲାରେ ସାହାପୁରାରେ ଜଣେ ବ୍ୟବସାୟୀଙ୍କ ଘରେ ଲୁଟିବା ପରେ ତାଙ୍କୁ ଜୀବନ୍ତ ଜଳେଇ ଦେଇଛନ୍ତି ଦୁର୍ବୁର୍ତ୍ତ | ଘଟଣା ଘଟିଛି ରବିବାର ଦିନ ରାତିରେ | ମୃତ ବ୍ୟବସାୟୀ ଜଣକ ହେଲେ ୪୫ ବର୍ଷ ବୟସ୍କ ମଙ୍ଗଳ ଜୈନ | ପୋଲିସ ସୂଚନା ଅନୁଯାୟୀ ଦୁର୍ବୁର୍ତ୍ତମାନେ ପ୍ରଥମେ ବ୍ୟବସାୟୀଙ୍କୁ ବାନ୍ଧି ପିଟାପିଟି କରିଥିଲେ | ଏହାପରେ ପାଖାପାଖି ଅଢେଇ କିଲୋ ସୁନା ଏବଂ ନଗଦ ୫୦ ଲକ୍ଷ ଟଙ୍କା ଲୁଟିବା ପରେ ବ୍ୟବସାୟୀଙ୍କୁ ଜୀବନ୍ତ ନିଆଁ ଲଗେଇ ଦେଇଥିଲେ |

ତେବେ ଲୁଟକୁ ଦୁର୍ଘଟଣାର ରୂପ ଦେବା ପାଇଁ ଦୁର୍ବୁର୍ତ୍ତମାନେ ଏଭଳି କରିଥିଲେ | କିନ୍ତୁ ସିସିଟିଭି ଫୁଟେଜରୁ ସତ ସାମ୍ନାକୁ ଆସିଥିଲା | ବ୍ୟବସାୟୀଙ୍କ ଘରୁ ନିଆଁ ଏବଂ ଧୂଆଁ ବାହାରୁଥିବା ଦେଖି ପଡୋଶୀ ପୋଲିସକୁ ଖବର ଦେଇଥିଲେ | ଖବର ପାଇ ପୋଲିସ ସଂଗେସଂଗେ ଘଟଣାସ୍ଥଳରେ ପହଞ୍ଚିଥିଲା | ପୋଲିସ ଆସି ଦେଖିଥିଲା ୩ ମହଲା କୋଠାର ସବୁଠୁ ଉପର କୋଠାରେ ବ୍ୟବସାୟୀଙ୍କ ମୃତଦେହ ପଡିଛି | ତାଙ୍କ ପାଖରେ ଏକ ପେଟିରେ ୧୦୦, ୨୦୦ ଏବଂ ୫୦୦ ଟଙ୍କିଆ ଅଧା ପୋଡା କେତେଗୁଡ଼ାଏ ନୋଟ ପଡିଥିଲା | ସେହି ପେଟିରେ କିଛି ସୁନା ଗହଣା ମଧ୍ୟ ଥିଲା | ତେବେ ପୋଲିସ ଅନୁମାନ କରିଥିଲା ଯେ, ଟଙ୍କା ଏବଂ ଗହଣା ଅଧିକ ହୋଇଯିବାରୁ ଦୁର୍ବୁର୍ତ୍ତ ବୋଧେ ନେଇପାରିଲେ ନାହିଁ | ଘଟଣା ଘଟିବାବେଳେ ବ୍ୟବସାୟୀ ଜଣକ ଘରେ ଏକ ଥିଲେ | ପରିବାରଲୋକେ ଇନ୍ଦୋର ଯାଇଥିଲେ |

ଘଟଣାର ଯାଞ୍ଚ ବେଳେ ବ୍ୟବସାୟୀଙ୍କ ଘରେ ପୋଲିସ କେତେଗୁଡ଼ାଏ ସିସିଟିଭି ଲାଗିଥିବା ଦେଖିଥିଲା | କିନ୍ତୁ ଘରେ ନିଆଁ ଲାଗିଥିବା ଯୋଗୁଁ ସମସ୍ତ ସିସିଟିଭି ଜଳି ଯାଇଥିଲା | ବ୍ୟବସାୟୀଙ୍କ ମୃତଦେହ ପାଖରେ ଏକ ଅଧା ଗ୍ୟାସ ସିଲିଣ୍ଡର ମଧ୍ୟ ପଡିଥିବାର ପୋଲିସ ପାଇଥିଲା | ଘଟଣା ପରେ ଦୁର୍ବୁର୍ତ୍ତ ରୋଷେଇ ଘରୁ ଗ୍ୟାସ ସିଲିଣ୍ଡର ଆଣି ବ୍ୟବସାୟୀଙ୍କ ଶୋଇବା ଘରେ ବିସ୍ଫୋରଣ କରି ସମସ୍ତ ପ୍ରମାଣ ନଷ୍ଟ କରିବା ପାଇଁ ଚେଷ୍ଟା କରିଥିବା ପୋଲିସ ଅନୁମାନ କରିଥିଲା |

ବ୍ୟବସାୟୀଙ୍କ ଘର ପାଖରେ ଥିବା ଦୋକାନରେ ମଧ୍ୟ ସିସିଟିଭି ଲାଗିଥିଲା | ସେହି ସିସିଟିଭି ଫୁଟେଜ ଯାଞ୍ଚ କରି ପୋଲିସ ଦେଖିଥିଲା ଯେ, ଦୁଇ ଜଣ ଦୁର୍ବୁର୍ତ୍ତ ବ୍ୟବସାୟୀଙ୍କ ଘର ସଟରର ତାଲା ଭାଙ୍ଗି ଘର ଭିତରକୁ ପଶିଥିଲେ ଏବଂ ପ୍ରାୟ ଘଣ୍ଟେ ପରେ ବାହାରିଥିଲେ | ସାହାପୁରା ପୋଲିସ ଏହାକୁ ଲୁଟ ପରେ ହତ୍ୟା ଘଟଣା ବୋଲି କହିଛି | ତେବେ ସେହି ସିସିଟିଭି ଫୁଟେଜକୁ ଆଧାର କରି ପୋଲିସ ଅଭିଯୁକ୍ତଙ୍କୁ ଖୋଜାଖୋଜି କରୁଛି |

   Related Posts