ସୁପର୍ ଡାନ୍ସର୍ ଚାପ୍ଟର୍ ୪ରୁ ଆଉଟ୍ ହେଲେ ଶିଳ୍ପା : ତାଙ୍କ ସ୍ଥାନରେ ନଜର ଆସିବେ ଏହି ଅଭିନେତ୍ରୀ

Published By : Prameya-News7 Bureau | July 21, 2021 IST

ମୁମ୍ବାଇ ୨୧/୦୭ : ସୁପର ଡାନ୍ସର୍ ଚାପ୍ଟର୍ ୪ ର ଆଗାମୀ ଏପିସୋଡରେ ଶିଳ୍ପା ଶେଟ୍ଟୀଙ୍କୁ ଦେଖିବାକୁ ମିଳିବ ନାହିଁ । ପର୍ଣ୍ଣ ଆପ୍ ମାମଲାରେ ରାଜ କୁନ୍ଦ୍ରାଙ୍କୁ ଗିରଫ କରାଯିବା ପରେ ସେ ଡ୍ୟାନ୍ସ ରିଆଲିଟି ଶୋ ପାଇଁ ସୁଟିଂ କରିନାହାଁନ୍ତି । ଶିଳ୍ପା ଶେଟ୍ଟୀଙ୍କ ସ୍ଥାନରେ ଆଗାମୀ ଏପିସୋଡରେ କରିସ୍ମା କପୁର ଅତିଥି ବିଚାରପତି ଭାବରେ ନଜର ଆସିବେ। ଶିଳ୍ପାଙ୍କୁ ମଧ୍ୟ ଏକାଠି ସୁଟିଂ କରିବାର ଥିଲା କିନ୍ତୁ ଶେଷ ମୁହୂର୍ତ୍ତରେ ସେ ଫିଲ୍ମ ସିଟିରେ ପହଞ୍ଚି ନଥିଲେ।

ଶିଳ୍ପା ଶେଟ୍ଟୀ ଏବଂ ତାଙ୍କ ସ୍ୱାମୀ ରାଜ କୁନ୍ଦ୍ରା ବର୍ତ୍ତମାନ ଚର୍ଚ୍ଚାରେ । ରାଜ କୁନ୍ଦ୍ରାଙ୍କ ଉପରେ ଅଶ୍ଳୀଳ ଭିଡିଓ ତିଆରି କରି ତାହାକୁ ଆପରେ ଟେଲିକଷ୍ଟ କରୁଥିବାର ଅଭିଯୋଗ ହୋଇଛି। ଏହି ଅଭିଯୋଗରେ ତାଙ୍କୁ ସୋମବାର ଗିରଫ କରାଯାଇଛି । ମଙ୍ଗଳବାର ଦିନ ସୁପର ଡାନ୍ସର୍ ଚାପ୍ଟର୍ ୪ ର ସୁଟିଂ ହେବାର ଥିଲା । କିନ୍ତୁ ଶିଳ୍ପା ଶୁଟ୍ ପାଇଁ ଆସି ନଥିଲେ। ସୂଚନା ଅନୁଯାୟୀ, କରିସ୍ମା କପୁରଙ୍କୁ ସ୍ୱତନ୍ତ୍ର ଏପିସୋଡରେ ସେଲେବ୍ ଜଜ୍ ଭାବରେ ଦେଖିବାକୁ ମିଳିବ । ଏହି ଏପିସୋଡ୍ ଗୀତା କପୁର, ଅନୁରାଗ ବସୁ ଏବଂ କରିସ୍ମା କପୁରଙ୍କ ସହ ସୁଟିଂ କରାଯାଇଛି ।

ଶିଳ୍ପା ସୂଚନା ଦେଇଥିଲେ ଯେ ତାଙ୍କର କିଛି ବ୍ୟକ୍ତିଗତ ଜରୁରୀକାଳୀନ ପରିସ୍ଥିତି ରହିଛି, ଯେଉଁଥିପାଇଁ ସେ ସୁଟିଂ କରି ପାରିବେ ନାହିଁ। କୋର୍ଟ ରାଜ କୁନ୍ଦ୍ରଙ୍କୁ ଗିରଫ କରି ଜୁଲାଇ ୨୩ ପର୍ଯ୍ୟନ୍ତ ପୋଲିସ ରିମାଣ୍ଡରେ ପଠାଇଛନ୍ତି। ରାଜ କୁନ୍ଦ୍ରାଙ୍କ ବିରୋଧରେ ସେମାନଙ୍କର ଯଥେଷ୍ଟ ପ୍ରମାଣ ଅଛି ବୋଲି ପୋଲିସ କହିଛି। ଅନ୍ୟପକ୍ଷରେ, ଶିଳ୍ପା ଶେଟ୍ଟୀ ଏସବୁ ଘଟଣାରେ ସମ୍ପୃକ୍ତ ଅଛନ୍ତି କି ନାହିଁ ତାଙ୍କ ବିରୋଧରେ କୌଣସି ପ୍ରମାଣ ମିଳିନାହିଁ ବୋଲି କହିଛି । ବର୍ତ୍ତମାନ ତଦନ୍ତ ଜାରି ରହିଛି।

News7 Is Now On WhatsApp Join And Get Latest News Updates Delivered To You Via WhatsApp

Rath Yatra

Copyright © 2024 - Summa Real Media Private Limited. All Rights Reserved.