ମୁମ୍ଵାଇ ୧୨।୦୩: ସାରା ଦୁନିଆରେ ଏହି ଆୱାର୍ଡକୁ ନେଇ କେବଳ ତାରାମାନଙ୍କ ମଧ୍ୟରେ ନୁହେଁ, ପ୍ରଶଂସକଙ୍କ ମଧ୍ୟରେ କ୍ରେଜ୍ ଅଛି । ସବୁ ଆୱର୍ଡ ଫଙ୍କସନ୍ ରେ ଗୋଟିଏ ଜିନିଷ ସର୍ବଦା ସମାନ ରହିଥାଏ ଏବଂ ତାହା ହେଉଛି ରେଡ୍ କାର୍ପେଟ୍ । ରେଡ୍ କାର୍ପେଟ ଗୁଡିକ ଆୱାର୍ଡ ଶୋ’ରେ ବର୍ଷ ବର୍ଷ ଧରି ବ୍ୟବହୃତ ହୋଇଆସୁଛି।  ଯାହା ଇଭେଣ୍ଟରେ ଶୋ ବଢାଇଥାଏ ଏବଂ ସେଲିବ୍ରିଟିମାନେ ସେମାନଙ୍କର ଅନନ୍ୟ ଚେହେରା ସହିତ ରେଡ୍ କାର୍ପେଟକୁ ଚମକାଇଥାନ୍ତି । ତଥାପି, ସମୟ ସହିତ ଜିନିଷଗୁଡ଼ିକ ବଦଳୁଛି । ବର୍ତ୍ତମାନ ଅନେକ ଆୱାର୍ଡରେ, ଲାଲ ବ୍ୟତୀତ ବିଭିନ୍ନ ରଙ୍ଗର କାର୍ପେଟ ବିସ୍ତାର କରାଯାଉଛି। ବର୍ତ୍ତମାନ ‘ଓସ୍କାର ଆୱାର୍ଡ’ ମଧ୍ୟ ଏହି ତାଲିକାରେ ସାମିଲ ହୋଇଛି ।

୧୯୬୧ ମସିହାରୁ ‘ଓସ୍କାର ଆୱାର୍ଡ’ରେ ରେଡ୍ କାର୍ପେଟ୍ ବ୍ୟବହାର କରାଯାଉଛି । ୩୩ ତମ ଏକାଡେମୀ ଆୱାର୍ଡ ପରଠାରୁ, ପ୍ରତ୍ୟେକ ସେଲିବ୍ରିଟି ସେମାନଙ୍କର ରେଡ୍ କାର୍ପେଟ୍ ଲୁକ୍ ସହିତ ଲାଇମଲାଇଟ୍ କୁ ଆସନ୍ତି। କିନ୍ତୁ ଏଥର ୬୨ ବର୍ଷ ପୁରୁଣା ପରମ୍ପରାକୁ ପରିବର୍ତ୍ତନ କରାଯାଇଛି । ଦି ନ୍ୟୁୟର୍କ ଟାଇମ୍ସର ଖବର ଅନୁଯାୟୀ, ଏଥର ରେଡ୍ ରଙ୍ଗର କାର୍ପେଟ୍ ଆୱାର୍ଡ କାର୍ଯ୍ୟରେ ଦେଖାଯିବ ନାହିଁ। ଓସ୍କାର ଆୟୋଜନ କରୁଥିବା ଏକାଡେମୀ ଅଫ୍ ମୋସନ୍ ପିକ୍ଚର୍ସ ୯୫ ତମ ଓସ୍କାର ଆୱାର୍ଡ ପାଇଁ ସାମ୍ପେନ୍ ରଙ୍ଗର କାର୍ପେଟକ ରଖାଯାଇଛି। ଏଥର ସେଲିବ୍ରିଟିମାନେ ରେଡ କାର୍ପେଟରେ ନୁହେଁ, ବରଂ ସାମ୍ପେନ୍ ରଙ୍ଗୀନ କାର୍ପେଟରେ ନିଜର ଲୁକ୍ ଜଲୱା ଦେଖାଇବେ।

୯୫ତମ ଏକାଡେମୀ ଆୱାର୍ଡ, ବିଶ୍ୱର ଅନ୍ୟତମ ସମ୍ମାନଜନକ ପୁରସ୍କାର କାର୍ଯ୍ୟ କାଲିଫର୍ନିଆର ଡଲବି ଥିଏଟରରେ ଅନୁଷ୍ଠିତ ହେବ । ପୁରସ୍କାର କାର୍ଯ୍ୟ ୧୨ ମାର୍ଚ୍ଚ ୨୦୨୩ ରେ ଆମେରିକାରେ ପ୍ରସାରିତ ହେବ, ଏବଂ ଭାରତରେ ଆପଣ ଏହାକୁ ୧୩ ମାର୍ଚ୍ଚ ୨୦୨୩ ରେ ସକାଳ ୫.୩୦ ରେ ଦେଖିପାରିବେ। ଆପଣ ଡିସ୍ନି ପ୍ଲସ୍ ହଟଷ୍ଟାର୍ ରେ ଏହି ପୁରସ୍କାର କାର୍ଯ୍ୟକୁ ଉପଭୋଗ କରିପାରିବେ ।