ଲମତାପୁଟ ୦୯/୦୩: ୫୦ ଘଣ୍ଟା ପରେ କାର୍ଯ୍ୟ କ୍ଷମ ହେଲା ମାଛକୁଣ୍ଡ ଜଳବିଦ୍ୟୁତ ପ୍ରକଳ୍ପ । ଯୁଦ୍ଧକାଳୀନ ଭିତ୍ତିରେ ମରାମତି ହେଲା ୩ ନମ୍ବର ପାଇପ ଲାଇନର ଓ୍ୱାଟରଫ୍ଲାଇ ୱାଲ୍ବବ । ସୋମବାର ଦିନ କିଛି କାଠ ଗଣ୍ଡି ଏବଂ କାଠ ଝାଟି ୩ ନମ୍ବର ପାଇପ ଲାଇନ ମାଧ୍ୟମରେ ଯାଇ ୱାଲ୍ବବରେ ଜମି ରହିଥିଲେ । ଫଳରେ ଯାନ୍ତ୍ରୀକ ତ୍ରୁଟି ଯୋଗୁଁ ପ୍ରକଳ୍ପ ବନ୍ଦ କରାଯାଇଥିଲା ।

ପ୍ରକଳ୍ପ ଅଧିକାରୀ ଏବଂ କର୍ମ ଚାରି ଦିନ ରାତି ଏକ କରି କାଠ ଗଣ୍ଡି ଏବଂ କାଠ ଝାଟି କାଢିବା ପରେ ଓ୍ୱାଟରପ୍ଲାଇ ୱାଲ୍ବବକୁ ମରାମତି କରାଯାଇଥିଲା । ଗତ ମାସ ୨୫ତାରିଖରେ ଟି. ପି. ଡ୍ୟାମର ଗେଟ ଭାଙ୍ଗି ଯିବାରୁ କିଛି ଗଛ ପାଇପ ଲାଇନ ଦେଇ ଭିତରକୁ ପଶି ଯାଇଥିଲା । ଫଳରେ ଦୁଇଟି ଟରଭାଇନା ଚାଲିଥିବା ବେଳେ ଅନ୍ୟ ଟରଭାଇନ ଗୁଡିକ ବନ୍ଦ ରହିଥିଲା । ଫଳରେ କେବଳ ୫୭ ମେଗାୱାଟ ବିଦ୍ୟୁତ ଉତ୍ପାଦନ ହୋଇପାରିଥିଲା ।

ମରାମତି କରିବା ପରେ ପୁଣି ଥରେ ୧,୨,୩ ଏବଂ ୫ ନମ୍ବର ଟରଭାଇନ କାର୍ଯ୍ୟକ୍ଷମ ହୋଇପାରିଛି । ଏବେ ଘଣ୍ଟା ପ୍ରତି ୭୩ ମେଗାୱାଟ୍ ବିଦ୍ୟୁତ ଉତ୍ପାଦନ ଆରମ୍ଭ ହୋଇ ପାରିଛି । କିଛି ଦିନ ପ୍ରକଳ୍ପ ବନ୍ଦ ରହିବା ଯୋଗୁଁ ଘଣ୍ଟା ପ୍ରତି ୭୨ ମେଗାୱାଟ ବିଦ୍ୟୁତ କ୍ଷତି ସହୁଥିଲେ ଉଭୟ ଓଡିଶା ଆନ୍ଧ୍ରପ୍ରଦେଶ । ପ୍ରକଳ୍ପ ଆରମ୍ଭ ହେବା ୬୮ ବର୍ଷ ବିତିଯାଇଥିବା ବେଳେ ପ୍ରକଳ୍ପର ବହୁ ଯନ୍ତ୍ରାକ୍ସ ଗୁଡିକର ସମୟ ସୀମା ସରିଯାଇଛି । ତେଣୁ ପ୍ରକଳ୍ପରେ ବାରମ୍ବାର ତ୍ରୁଟି ଦେଖା ଦେଲାଣି ତେଣୁ ନୁଆଁ ଯନ୍ତ୍ରାକ୍ସ ଲଗାଇବା ଜରୁରୀ ହୋଇ ପଡ଼ିଛି ।