ନୂଆଦିଲ୍ଲୀ: ଭାରତୀୟଙ୍କୁ ଦୀପାବଳିର ଶୁଭେଚ୍ଛା ଜଣାଇବା ସହ ଓମ୍ ଜୟ ଜଗଦିଶ ଆରତୀ ଗାଇଛନ୍ତି ଆମେରିକୀୟ ଗାୟକ ମେରୀ ମିଲବେନ୍। ତାଙ୍କ କଣ୍ଠରେ ଆଦୃତ ଏହି ସୁନ୍ଦର ଭଜନ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। Xରେ ସେୟାର କରି ମିଲବେନ କହିଛନ୍ତି ଯେ, ବର୍ଷର ମୋର ପ୍ରିୟ ସମୟ ଦିୱାଲି ପହଞ୍ଚିଛି। ଭାରତ ପାଇଁ ନଭେମ୍ବର ୧୨ରେ ଦୀପାବଳି ପାଳନ କରି ଖୁସି। ସମଗ୍ର ବିଶ୍ୱରେ ଭାରତୀୟ ସମ୍ପ୍ରଦାୟକୁ ଦୀପାବଳିର ଶୁଭେଚ୍ଛା। ଆପଣଙ୍କ ଭିତରେ ଥିବା ଆଲୋକକୁ ଆଲୋକିତ କର ଏବଂ ଜଗତକୁ ଆଲୋକିତ କର।
ଭିଡିଓରେ ମିଲବେନ୍ କମଳା-ଗୋଲାପୀ ଲେହେଙ୍ଗାରେ ନଜର ଆସିଛନ୍ତି। ସେ କହିଛନ୍ତି ଯେ ଭାରତ ଏକ ଏପରି ରାଷ୍ଟ୍ର ଯେଉଁଠି ଶତାବ୍ଦୀ ଧରି ବିଭିନ୍ନ ସଂସ୍କୃତି, ଭାଷା ଏବଂ ପରମ୍ପରା ଆଜି ମୁକ୍ତ ଭାବେ ଏକଜୁଟ ହୋଇପାରିଛୁ।
ମେରି ମିଲବେନ୍ କହିଛନ୍ତି ଯେ ଆପଣଙ୍କ ପିତୃପୁରୁଷ, ଯିଏ ଏପରି ଏକ ଦେଶ ବିଷୟରେ ସ୍ୱପ୍ନ ଦେଖିଥିଲେ ଯେଉଁଠାରେ ପ୍ରତ୍ୟେକ ନାଗରିକ ଶାନ୍ତିରେ ନିଶ୍ୱାସ ନେଇ ପ୍ରଗତି ପଥରେ ଯାଇପାରିବ। ତାହା ବର୍ତ୍ତମାନ ତୁମର ଉତ୍ତରାଧିକାରୀ ହୋଇପାରିଛି। ଭାରତୀୟମାନଙ୍କୁ ବିବିଧତାରେ ଏକତା ଆଣିବାକୁ ଓ ଏକତାର ଶକ୍ତି ପାଳନ କରିବା ତଥା ସେମାନଙ୍କର ସାମର୍ଥ୍ୟ ପ୍ରଦର୍ଶନ କରିବାକୁ ଆହ୍ୱାନ ଦେଇଥିଲେ ଆନ୍ତର୍ଜାତୀୟ ଗାୟିକା ମିଲବେନ୍।
wp:html/wp:htmlDuring 2020, a year when so much darkness covered our world, it was the light of God and the spirit of Diwali 🪔 that guided our paths to greater measures of hope and peace.
— Mary Millben (@MaryMillben) November 11, 2023
In the heart of Sedona, Arizona joined by an award-winning production team, #Diwali came alive in my… pic.twitter.com/NXhgHIOvpG
ନିକଟରେ ମେରି ମିଲବେନ ବିହାର ମୁଖ୍ୟମନ୍ତ୍ରୀ ନୀତୀଶ କୁମାରଙ୍କୁ ନିନ୍ଦା କରିଥିଲେ ଏବଂ ତାଙ୍କ ଇସ୍ତଫା ଦାବି କରାଯାଇଥିଲା। ସେ କହିଥିଲେ ଯେ ଯଦି ସେ ଜଣେ ଭାରତୀୟ ନାଗରିକ ହୋଇଥାନ୍ତେ ତେବେ ସେ ବିହାର ଯାଇ ମୁଖ୍ୟମନ୍ତ୍ରୀ ପଦ ପାଇଁ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିଥାନ୍ତେ।
38 ବର୍ଷିୟ ମେରି ମିଲବେନ୍ ମଧ୍ୟ ଜାତୀୟ ସଂଗୀତ 'ଜନ ଗଣ ମନ ...' ଗାଇ ଭାରତରେ ବେଶ୍ ଲୋକପ୍ରିୟ ହୋଇଥିଲେ। ଚଳିତ ବର୍ଷ ମିଲବେନ ପ୍ରଧାନମନ୍ତ୍ରୀ ମୋଦୀଙ୍କ ନେତୃତ୍ୱରେ ନବମ ଆନ୍ତର୍ଜାତୀୟ ଯୋଗ ଦିବସରେ ଜୁନ୍ 21 ରେ ମିଳିତ ଜାତିସଂଘ ମୁଖ୍ୟାଳୟର 'ଉତ୍ତର ଲନ୍'ରେ ଅଂଶଗ୍ରହଣ କରିଥିଲେ।