ନୂଆଦିଲ୍ଲୀ: ବୋମା ବିସ୍ଫୋରଣରେ ତାଲିବାନୀ ଗଭର୍ଣ୍ଣର ନିହତ । ଆଫଗାନିସ୍ତାନର ବଲ୍‌ଖରେ ଏହି ବିସ୍ଫୋରଣ ଘଟିଛି। । ଏଥିରେ ବଲ୍‌ଖ ପ୍ରାନ୍ତର ତାଲିବାନୀ ଗଭର୍ଣ୍ଣର ଦାଉଦ ମୁଜାମିଲଙ୍କ ମୃତ୍ୟୁ ହୋଇଛି । ସ୍ଥାନୀୟ ପୋଲିସ କମାଣ୍ଡ ମୁଖପାତ୍ର ମହମ୍ମଦ ଆସିଫ ବଜିରି କହିଛନ୍ତି ଯେ ଏକ ପ୍ରଶାସନିକ ବୈଠକ ସମୟରେ ଏହି ବିସ୍ଫୋରଣ ହୋଇଛି । ଏହି ବିସ୍ଫୋରଣ ପାଇଁ କୌଣସି ସଂଗଠନ ନିଜକୁ ଦାୟୀ କରି ନାହିଁ ।

ସୂଚନା ଅନୁସାରେ ଦାଉଦ ମୁଜାମିଲଙ୍କ ସହ ଅନ୍ୟ ଦୁଇ ଜଣ ବିସ୍ଫୋରଣରେ ପ୍ରାଣ ହରାଇଛନ୍ତି । ବିସ୍ଫୋରଣ ଗୁରୁବାର ସକାଳ ହୋଇଥିଲା । ତେବେ ଏହା କେଉଁ ପ୍ରକାର ବିସ୍ଫୋରଣ ତାହା ବର୍ତ୍ତମାନ ସୁଦ୍ଧା ସ୍ପଷ୍ଟ ହୋଇ ନାହିଁ । ସ୍ଥାନୀୟ ଗଣମାଧ୍ୟମର ସୂଚନା ଅନୁସାରେ ତାଲିବାନୀ ନେତାଙ୍କୁ ଟାର୍ଗେଟ କରି ଏକ ଷଡଯନ୍ତ୍ର ଭାବେ ଏହି ବିସ୍ଫୋରଣ କରାଯାଇଛି । ଏପରି ବିସ୍ଫୋରଣରେ ପ୍ରାଣ ହରାଇବାରେ ମୁଜମିଲ ହେଉଛନ୍ତି ଦ୍ୱିତୀୟ ଶୀର୍ଷ ଅଧିକାରୀ ।

ଏହା ପୂର୍ବରୁ ଆଫଗାନିସ୍ତାନର ରାଜଧାନୀ କାବୁଲରେ ବିଦେଶ ମନ୍ତ୍ରାଳୟ ବିଲ୍ଡିଂ ବାହାରେ ଆତ୍ମଘାତୀ ଆକ୍ରମଣ ହୋଇଥିଲା । ଏଥିରେ ଅତି କମରେ 20 ଜଣଙ୍କ ମୃତ୍ୟୁ ହୋଇଛି । ଆକ୍ରମଣରେ ଶହ ଶହ ଲୋକେ ଆହତ ହୋଇଥିଲେ । ଏହାଛଡା କାବୁଲର ସୈନ୍ୟ ଠିକଣାରେ ମଧ୍ୟ ଏକ ବିସ୍ଫୋରଣ ହୋଇଥିଲା ।