scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ପରକୀୟା ପ୍ରୀତି ଅପରାଧ ନୁହେଁ କହିଲେ ସୁପ୍ରିମକୋର୍ଟ

27/09/2018 at 1:10 PM

୨୭/୯ : ମହିଳାଙ୍କ ପ୍ରତି ଅସମ୍ମାନ ଆଚରଣ ଅସାମ୍ବିଧାନିକ ବୋଲି କହିଛନ୍ତି ସୁପ୍ରିମକୋର୍ଟ | ମହିଳାଙ୍କ ସମ୍ମାନ ସର୍ବୋପରି ବୋଲି କହିଛନ୍ତି ସୁପ୍ରିମକୋର୍ଟ | ସ୍ତ୍ରୀଙ୍କ ମାଲିକ ତାଙ୍କ ସ୍ୱାମୀ ନୁହଁନ୍ତି | ଆଇପିସିର ୪୯୭ ଧାରା ମହିଳାଙ୍କ ସମ୍ମାନର ବିରୋଧାଚରଣ କରୁଛି, ମହିଳା ଏବଂ ପୁରୁଷଙ୍କ ସମାନ ଅଧିକାର ରହିଛି ବୋଲି ସୁପ୍ରିମକୋର୍ଟର ମୁଖ୍ୟ ବିଚାରପତି ଜଷ୍ଟିସ ଦୀପକ ମିଶ୍ରଙ୍କ ଅଧ୍ୟକ୍ଷତାରେ ଗଠିତ ୫ଜଣିଆ ଖଣ୍ଡପୀଠ ଆଇପିସି ର ଧାରା ୪୯୭ର ବୈଧତା ଉପରେ ଶୁଣାଣି କରି ଏହି ରାୟ ଦେଇଛନ୍ତି | ଫଳରେ ୧୫୮ ବର୍ଷ ପୁରୁଣା ଆଇନ ରଦ୍ଦ ହୋଇଛି। ପରକୀୟା ପ୍ରୀତି ଅପରାଧ ନୁହେଁ | ତେବେ ଏହା ଛାଡପତ୍ର ଦେବା ପାଇଁ ଏକ ଆଧାର ହୋଇପାରେ ବୋଲି କହିଛନ୍ତି ସୁପ୍ରିମକୋର୍ଟ |

ପୂର୍ବରୁ ପରକୀୟା ପ୍ରୀତିରେ ସଂପୃକ୍ତ ପୁରୁଷକୁ ଅପରାଧୀ ବୋଲି ବିବେଚନା କରାଯାଉଥିଲା | କୌଣସି ବିବାହିତା ମହିଳାଙ୍କ ସହ ପରକୀୟା ସମ୍ପର୍କ ରଖିଥିବା ପୁରୁଷଙ୍କୁ ପୂର୍ବ ଆଇନ ଅନୁସାରେ ୫ ବର୍ଷ ଜେଲ ଦଣ୍ଡ କିମ୍ବା ଜୋରିମାନା ବିଧି ରହିଥିଲା | ଆଇନ ଅନୁସାରେ ମହିଳାଙ୍କୁ କୌଣସି ଭାବେ ଅପରାଧୀ ବିବେଚନା କରାଯାଉନଥିଲା |

ତେବେ ଯଦି ପରକୀୟା ପ୍ରୀତି ଯୋଗୁଁ ଦମ୍ପତ୍ତିଙ୍କ ମଧ୍ୟରୁ କେହି ଯଦି ଆତ୍ମହତ୍ୟା କରନ୍ତି ତାହେଲେ ଏନେଇ ଅପରାଧିକ ମାମଲା ରୁଜ୍ଜୁ ହେବ | ସୂଚନାଯୋଗ୍ୟ ଯେ, ପରକୀୟା ପ୍ରୀତି କେମିତି ଅପରାଧ ନୁହେଁ ବୋଲି ପୂର୍ବରୁ କେନ୍ଦ୍ର ସରକାର ପକ୍ଷ ରଖିଥିଲେ । କେନ୍ଦ୍ର କହିଥିଲା ଯେ, ପାରିବାରିକ ଶାନ୍ତି ବଜାୟ ରଖିବା ପାଇଁ ଦଣ୍ଡବିଧାନ ରହିବା ଉଚିତ | । ଏ ସମ୍ପର୍କରେ ମଧ୍ୟ ଅଦାଲତ ସ୍ପଷ୍ଟ କରିଛନ୍ତି । ମୁଖ୍ୟ ବିଚାରପତି କହିଛନ୍ତି ଯେ, ପରକୀୟା ପ୍ରିତି ଦାମ୍ପତ୍ୟ ଜୀବନରେ ଅଶାନ୍ତିର କାରଣ ଅପେକ୍ଷା ଗୋଟେ ଦୁଃଖଦ ଜୀବନର ପରିଣତି ହୋଇପାରେ ।

   Related Posts