ନୂଆଦିଲ୍ଲୀ ୨୩।୦୨: ଗତ ୩ ବର୍ଷରେ କରୋନା ଭୟ ଲୋକଙ୍କ ମନରେ ରହିଥିବା ବେଳେ ଏବେ ଆଉ ଏକ ଭୂତାଣୁ ଦେଶରେ ନଜର ଆସିଛି । ଏହି ଭୂତାଣୁ ଗତ କିଛି ଦିନ ହେବ ପଶ୍ଚିମ ବଙ୍ଗଳାରେ ଆତଙ୍କ ସୃଷ୍ଟି କରିଛି । ଏହି ଭାଇରସର ନାଁ ହେଉଛି ‘ଏଡେନୋଭାଇରସ୍’ ।  ପଶ୍ଚିମ ବଙ୍ଗଳାରେ ଏହି ଭାଇରସର ଅନେକ ମାମଲା ସାମ୍ନାକୁ ଆସିଛି । ଯାହା ପରେ ଆର୍ଲଟ ମୋଡକୁ ଆସିଛି ପ୍ରଶାସନ ।

ଆମେରିକାର ରୋଗ ନିୟନ୍ତ୍ରଣ ଏବଂ ନିରାକରଣ କେନ୍ଦ୍ର ଅନୁଯାୟୀ ‘ଏଡେନୋଭାଇରସ୍’ ଶ୍ୱାସକ୍ରିୟା, ସାମାନ୍ୟ ଥଣ୍ଡା କିମ୍ବା ଫ୍ଲୁ ଭଳି ରୋଗ ସୃଷ୍ଟି କରିଥାଏ । ‘ଏଡେନୋଭାଇରସ୍’ର କାରଣରେ ଇନଫ୍ଲୁଏନଞ୍ଜା, ପାରାଏନଫ୍ଲଏନଜା, ରାଇନୋଭାଇରସ୍ ଏବଂ ନିମୋକୋକି ଅନ୍ତର୍ଭୁକ୍ତ ।

ଲକ୍ଷଣ

‘ଏଡେନୋଭାଇରସ୍’ର ସବୁଠାରୁ ସାଧାରଣ ଲକ୍ଷଣ ୩ଦିନରୁ ଅଧିକ ଜ୍ୱର, କାଶ, ଗଳା ଯନ୍ତ୍ରଣା, ନାକରୁ ବୋହିବା, ଝାଡ଼ା, ବାନ୍ତିର ଲକ୍ଷଣ ଦେଖିବାକୁ ମିଳିଥାଏ । ଏହି ଭାଇରସରେ ଛୋଟ ପିଲା, ପୁରୁଣା ଶ୍ବାସ ରୋଗୀ ଏବଂ ଅନ୍ୟାନ୍ୟ ଗୁରୁତର ରୋଗରେ ଆକ୍ରାନ୍ତ ବ୍ୟକ୍ତିଙ୍କୁ ଏହି ଭାଇରସର ଅଧିକ ବିପଦ ରହିଛି ।

ଚିକିତ୍ସା

ଯଦିଓ ‘ଏଡେନୋଭାଇରସ୍’ ଫ୍ଲୁ ପାଇଁ କୌଣସି ଉପଶମ ନାହିଁ । ସାମାନ୍ୟ ଲକ୍ଷଣଗୁଡିକରେ ଘରେ ORS, ସୁସ୍ଥ ଖାଦ୍ୟ ଏବଂ ଉଚିତ୍ ଚିକିତ୍ସା କରାଯାଇପାରିବ । ଯଦି ଜ୍ୱର ୩ରୁ ୫ ଦିନରୁ ଅଧିକ ସମୟ ଧରି  ରୁହେ, କିମ୍ବା ଶ୍ବାସକ୍ରିୟାରେ କଷ୍ଟ ଅନୁଭବ କରନ୍ତି,ଭୋକ ନଲାଗିବା ଏବଂ ଦିନକୁ ପାଞ୍ଚଥରରୁ କମ୍ ପରିସ୍ରା ହୁଏ, ତେବେ ଡାକ୍ତରଖାନା ଯାଇ ଯାଞ୍ଚ କରନ୍ତୁ  ।

ପ୍ରତିରୋଧ

ଏହି ଭାଇରସର ପ୍ରତିରୋଧ ପାଇଁ ମାସ୍କ ପିନ୍ଧିବା, ହାତର ସ୍ୱଚ୍ଛତା ବଜାୟ ରଖିବା ଏବଂ କୋଭିଡ -19 ପରି ଅନ୍ୟାନ୍ୟ ପଦକ୍ଷେପ ଗ୍ରହଣ କରିବା ଆବଶ୍ୟକ  ।