ନୂଆଦିଲ୍ଲୀ, ୦୫/୦୬: ଭାରତର ସବୁଠାରୁ ବଡ଼ ବିଜୁଳି ଉତ୍ପାଦନକାରୀ କମ୍ପାନୀ ଏନ୍ଟିପିସି ଲିମିଟେଡ୍ ଅଦାନୀ ଏଣ୍ଟରପ୍ରାଇଜେସ୍କୁ କୋଲ୍ ଇମ୍ପୋର୍ଟ କରିବା ପାଇଁ କେତେକ କଣ୍ଟ୍ରାକ୍ଟ ଦେଇଥିବା ଜଣାପଡ଼ିଛି । ପାଖାପାଖି ୬ ହଜାର ୫୮୫ କୋଟି ଟଙ୍କାର ଡିଲ୍ ହୋଇଛି । ଏଥିପାଇଁ ଏନ୍ଟିପିସିକୁ ଗୌତମ ଅଦାନୀ ସମୂହ କମ୍ପାନୀ ୬.୨୫ ମିଲିୟନ୍ ଟନ୍ କୋଇଲା ସପ୍ଲାଇକରିବ ।
ବିଜନେସ୍ ଷ୍ଟାଣ୍ଡାର୍ଡର ରିପୋର୍ଟ ଅନୁସାରେ ଏନ୍ଟିପିସି ୬ ଟି ଭିନ୍ନ ଭିନ୍ନ ଟେଣ୍ଡର ରଖିଥିଲା । କମ୍ପାନୀ ଟେଣ୍ଡର ପାଇଁ ଅହମ୍ମଦାବାଦ ସ୍ଥିତ ଆଦି ଟ୍ରେଡେଲିଙ୍କ୍, ଚେନ୍ନାଇ ସ୍ଥିତ ଚେଟିନାଡ ଲଜିଷ୍ଟିକ୍ସ ଏବଂ ଦିଲ୍ଲୀର ମୋହିତ ମିନେରାଲ୍ସ ଲିମିଟେଡ୍ ସହିତ ଆଦାନୀ ଏଣ୍ଟରପ୍ରାଇଜେସ୍ ବିଡ୍ ଡାକିଥିଲେ । ଏଥିରେ ଆଦାନୀ ଏଣ୍ଟରପ୍ରାଇଜେସ୍ ବିଡ୍ ଜିତିଛି ।
NTPC ରୁ ବିଡ୍ ଜିତିବା ଆଦାନୀ ଏଣ୍ଟରପ୍ରାଇଜେସ୍ ପାଇଁ ଏହା ପ୍ରଥମ ଘଟଣା ନୁହେଁ । ମାର୍ଚ୍ଚ ମାସରେ, ଦେଖାଯାଇଥିବା କୋଇଲା ସଙ୍କଟ ସମୟରେ, NTPC ୫.୭୫ ମେଟ୍ରିକ୍ ଟନ୍ କୋଇଲା ଆମଦାନୀ ପାଇଁ ପାଞ୍ଚଟି ଟେଣ୍ଡର ଜାରି କରିଥିଲା ଏବଂ ଆଦାନୀ ଏଣ୍ଟରପ୍ରାଇଜେସ୍ ସମସ୍ତ ବିଡ୍ ଜିତିଥିଲା । ଯାହାର ପରିମାଣ ୮,୪୨୨ କୋଟି ଟଙ୍କା ଥିଲା ।
ତେବେ NTPC ଅଧିକାରୀମାନେ ପୂର୍ବରୁ କହିଥିଲେ ଯେ ଆମଦାନୀ ହୋଇଥିବା କୋଇଲା ଇଣ୍ଡୋନେସିଆରୁ ଆସିବ ଏବଂ NTPC ଅଷ୍ଟ୍ରେଲିଆରୁ ଆମଦାନୀ କରିବା ଉପରେ ଗୁରୁତ୍ୱ ଦେଉନାହିଁ ।
