ମୁମ୍ଵାଇ ୨୯।୧୨: ଟିଭି ଅଭିନେତ୍ରୀ ଏରିକା ଫର୍ଣ୍ଣାଣ୍ଡିଜ୍ । ପ୍ରଶଂସକଙ୍କ ପାଇଁ ଉଭୟ ଖରାପ ଏବଂ ଖୁସି ଖବର ଅଛି । ଭଲ ଖବର ହେଉଛି ଯେ ଅଭିନେତ୍ରୀ ବର୍ତ୍ତମାନ ଏକ ଅନ୍ତର୍ଜାତୀୟ ତାରକା ହେବାକୁ ପ୍ରସ୍ତୁତ ହେଉଛନ୍ତି। ଅନ୍ୟପଟେ ଅଭିନେତ୍ରୀ ଭାରତ ଛାଡି ଦୁବାଇ ଯିବାକୁ ନିଷ୍ପତ୍ତି ନେଇଛନ୍ତି। ଏରିକା ଫର୍ଣ୍ଣାଣ୍ଡିସ୍ ନିଜେ ଏକ ଭିଡିଓ ମାଧ୍ୟମରେ ତାଙ୍କ ପ୍ରଶଂସକଙ୍କ ସହ ସେୟାର କରିଛନ୍ତି।
wp:html/wp:html
ନିକଟରେ ଏରିକା ଫର୍ଣ୍ଣାଣ୍ଡିସ୍ ସୋସିଆଲ ମିଡିଆରେ ଏକ ଭିଡିଓ ସେୟାର କରିଛନ୍ତି। ଭିଡିଓରେ ଅଭିନେତ୍ରୀଙ୍କର ଦୁଇଟି ଘର ଥିବା କୁହାଯାଉଛି। ଯେତେବେଳେ ତାଙ୍କର କାମ ଥିଲା, ସେ ଭାରତରେ ରହୁଥିଲେ, ଏବେ ତାଙ୍କର କାମ ନାହିଁ, ସେ ଦୁବାଇରେ ରହୁଛନ୍ତି। ଅଭିନେତ୍ରୀ କହିଛନ୍ତି, “ମୁଁ ଭାବୁଛି ସମସ୍ତଙ୍କ ଜୀବନରେ ଏକ ଟର୍ଣ୍ଣି ପଏଣ୍ଟ ଆସେ। ଯେତେବେଳେ ସେମାନେ ନୂଆ ଜିନିଷ ଅନ୍ୱେଷଣ କରିବାକୁ, ଏକ ଆରାମଦାୟକ ଜୋନ୍ ଖୋଜିବାକୁ ଏବଂ ନିଜ ଜଗତ ସୃଷ୍ଟି କରିବାକୁ ଚାହାଁନ୍ତି । ମୁଁ ଜାଣେ ନାହିଁ ମୁଁ ଭାରତକୁ ଫେରିବି କି ଅନ୍ୟ ଦେଶକୁ ଯିବି, କିନ୍ତୁ ବର୍ତ୍ତମାନ ଦୁବାଇ ମୋର ଘର। " ଏହା ମଧ୍ୟ କହିଛନ୍ତି ଯେ ତାଙ୍କ ପରିବାରରେ କେହି ଅଭିନୟ ଲାଇନ୍ରୁ ନୁହଁନ୍ତି। କିନ୍ତୁ ଅଭିନେତ୍ରୀ ମଡେଲିଂ ପ୍ରତି ରୁଚି ରଖିଥିଲେ। ପରେ ସେ ଅଭିନୟ ଜଗତକୁ ମଧ୍ୟ ଆସିଥିଲେ।
ଏରିକା ଅନେକ ଟିଭି ସୋ ଏବଂ ସାଉଥ୍ ଫିଲ୍ମରେ ଅଭିନୟ କରିଛନ୍ତି । ୨୦୧୦ ରେ ଏକ ମଡେଲ୍ ଭାବରେ କ୍ୟାରିଅର୍ ଆରମ୍ଭ କରିଥିଲେ । ଅନେକ ଦକ୍ଷିଣ ଚଳଚ୍ଚିତ୍ରରେ ମଧ୍ୟ ନିଜର ଦମ୍ ଦେଖାଇଛନ୍ତି । ପରେ ଟେଲି ସିରିଏଲ 'କୁଚ୍ ରଙ୍ଗ ପ୍ୟାର୍ କେ ଏସେ ଭୀ'ରୁ ଲୋକପ୍ରିୟତା ପାଇଥିଲେ। ଏହା ବ୍ୟତୀତ 'କସୋଟି ଜୀନ୍ଦେଗୀ କି’ ଅଭିନୟ କରିଥିଲେ।
