ନୂଆଦିଲ୍ଲୀ ୨୪/୦୬: ଟ୍ୱିଟରକୁ ନେଇ ଆଜିକାଲି ବହୁତ ଆଲୋଚନା ହେଉଛି । ନିକଟରେ ଅଭିନେତ୍ରୀ କଙ୍ଗନା ରଣାୱତଙ୍କ ଏକ ପୋଷ୍ଟକୁ ନେଇ ବିବାଦ ଲାଗି ରହିଥିଲା ଏବଂ ତାଙ୍କ ଟ୍ୱିଟର ଆକାଉଣ୍ଟକୁ ସ୍ଥଗିତ ରଖାଯାଇଥିଲା। ଏହା ପରେ, କଙ୍ଗନା ‘କୁ’ ଆପରେ ଖୁବ୍ ସକ୍ରିୟ ହୋଇଗଲେ । ବର୍ତ୍ତମାନ ବାହୁବଲୀ ଅଭିନେତ୍ରୀ ଅନୁଷ୍କା ଶେଟ୍ଟୀ ‘କୁ’ ଜଏନ୍ କରିଛନ୍ତି, ଯାହା ସେ ସୋସିଆଲ ମିଡିଆରେ ଥିବା ଅନ୍ୟ ଆକାଉଣ୍ଟ ମାଧ୍ୟମରେ ସୂଚନା ଦେଇଛନ୍ତି।
wp:html/wp:html
ଇନଷ୍ଟାଗ୍ରାମରେ ଅନୁଷ୍କା ତାଙ୍କ ‘କୁ’ ଆକାଉଣ୍ଟର ଏକ ଫଟୋ ସେୟାର କରି ଲେଖିଛନ୍ତି- 'ଆଶା କରେ ଆପଣ ସମସ୍ତେ ଭଲ ଏବଂ ସୁରକ୍ଷିତ ଅଛନ୍ତି। ମୋର ଅଫିସିଆଲ୍ ‘କୁ’ ଆକାଉଣ୍ଟକୁ ଅନୁସରଣ କରନ୍ତୁ, ଯେଉଁଠାରେ କିଛି ମଜାଦାର ଅପଡେଟ୍ ଆସୁଛି । ଧନ୍ୟବାଦ'। ଏହା ସହିତ ଅନୁଷ୍କା ତାଙ୍କ ‘କୁ’ ଆକାଉଣ୍ଟ ବିଷୟରେ ମଧ୍ୟ ସୂଚନା ଦେଇଛନ୍ତି।
କଙ୍ଗନାଙ୍କୁ ତାଙ୍କର କିଛି ବିବାଦୀୟ ଟ୍ୱିଟ୍ ହେତୁ ଟ୍ୱିଟରରୁ ସବୁଦିନ ପାଇଁ ବହିଷ୍କାର କରାଯାଇଥିଲା। କଙ୍ଗନା ବର୍ତ୍ତମାନ ଇନଷ୍ଟାଗ୍ରାମ ଏବଂ ‘କୁ’ ମାଧ୍ୟମରେ ତାଙ୍କ ଫ୍ୟାନ୍ସ ଏବଂ ଅନୁସରଣକାରୀଙ୍କ ସହ କଥାବାର୍ତ୍ତା କରୁଛନ୍ତି, ଯେଉଁମାନେ ଏହି ପ୍ଲାଟଫର୍ମରେ ତାଙ୍କୁ ଅନୁସରଣ କରୁଛନ୍ତି । ଅନୁଷ୍କା ତେଲୁଗୁ ସିନେମାର ଜଣେ ଜଣାଶୁଣା ଅଭିନେତ୍ରୀ ଏବଂ ଅନେକ ସଫଳ ଫିଲ୍ମର ଅଂଶ ହୋଇଆସିଛନ୍ତି । ୨୦୧୫ ରେ 'ବାହୁବଲୀ - ଦି ବିଗନିଙ୍ଗ୍' ରିଲିଜ୍ ହେବାପରେ ସେ ହିନ୍ଦୀ ଦର୍ଶକଙ୍କ ମଧ୍ୟରେ ଏକ ବଡ ମାନ୍ୟତା ପାଇଥିଲେ ।
