ମୁମ୍ବାଇ ୩୦/୧୧: ଅଡୁଆରେ ବଲିଉଡ ଅଭିନେତା ଶରଦ କପୁର । କାମ ବାହାନାରେ ଡାକି ଅଶ୍ଳୀଳ ବ୍ୟବହାର କରିଥିବା ନେଇ ଯୁବତୀ ଆଣିଲେ ସଂଗୀନ ଅଭିଯୋଗ । ଯୁବତୀଙ୍କ ଅଭିଯୋଗ ଆଧାରରେ ପୋଲିସ ମାମଲା ରୁଜୁ କରି ତଦନ୍ତ ଆରମ୍ଭ କରିଛି । ପୀଡିତା କହିଛନ୍ତି ଫେସବୁକ ଜରିଆରେ ଶରଦ କପୁରଙ୍କ ସହ ଯୋଗାଯୋଗ ହୋଇଥିଲା । ଏହା ପରେ ଭିଡିଓ କଲ୍ରେ କଥାବାର୍ତ୍ତା ବଢିଥିଲା । ଶରତ ତାଙ୍କୁ କହିଥିଲେ ଦେଖା କରିବାକୁ ଚାହୁଁଛନ୍ତି । ଆଉ ଅଫିସ ଠିକଣା ଦେଇ ଆସିବାକୁ କହିଥିଲେ । ସେଠାକୁ ଯିବା ପରେ ସେଇଟା ଅଫିସ ନୁହେଁ ଘର ବୋଲି ଜାଣିପାରିଲି । ଘରେ ଯେତେବେଳେ ପହଞ୍ଚିଲି ଶରଦ ରୋଷେଇ ଘରୁ ବେଡରୁମ୍କୁ ଯାଇଥିଲେ । ଆଉ ମୋତେ ଡାକିଥିଲେ । ମୁଁ ଯିବା ପରେ ମୋ ସହ ଦୁଷ୍କର୍ମ ଉଦ୍ୟମ କରିଥିଲେ । ମୁଁ ଏହାକୁ ବିରୋଧ କରିବା ସହ ତାଙ୍କୁ ଧକ୍କା ଦେଇ ପଳାଇ ଆସିଥିବା କହିଛନ୍ତି ଯୁବତୀ ।ପୋଲିସ ଅଭିଯୋଗ ଆଧାରରେ ମାମଲା ରୁଜୁ କରି ତଦନ୍ତ ଆରମ୍ଭ କରିଛି । ଫିଲ୍ମ ତମନ୍ନା,ଦସ୍ତକ,ତ୍ରିଶକ୍ତି.ଜୋଶ ଭଳି ଫିଲ୍ମରେ ଅଭିନୟ କରି ପ୍ରଶଂସା ସାଉଁଟିଛନ୍ତି ଅଭିନେତା ଶରଦ କପୁର ।
