ମୁମ୍ଵାଇ ୧୮।୦୩: ଜଣାଶୁଣା ମରାଠୀ ଅଭିନେତା ଭାଲଚନ୍ଦ୍ର କୁଲକର୍ଣ୍ଣି । ଶନିବାର ସକାଳେ କୋଲହାପୁରସ୍ଥିତ ତାଙ୍କ ଘରେ ଦେହାନ୍ତ ହୋଇଛି। ତାଙ୍କୁ ୮୮ ବର୍ଷ ବୟସ ହୋଇଥିଲା। ସେ ତାଙ୍କ ଅଭିନୟ କ୍ୟାରିୟରରେ ୨୫୦ରୁ ଅଧିକ ଚଳଚ୍ଚିତ୍ର କରିଥିଲେ। ଏଥିମଧ୍ୟରୁ କେତେକ ହିନ୍ଦୀ ଚଳଚ୍ଚିତ୍ର ଏବଂ ଅଧିକାଂଶ ମରାଠୀ ଚଳଚ୍ଚିତ୍ର କରିଥିଲା ।

କୋଲହାପୁର ସ୍ଥିତ ଚଳଚ୍ଚିତ୍ର କାର୍ଯ୍ୟକର୍ତ୍ତା ଅର୍ଜୁନ ନାଲୱାଡେ କହିଛନ୍ତି,ସେ ଦୁଇ ଦିନ ପୂର୍ବରୁ ନିଶ୍ୱାସ ପ୍ରଶ୍ୱାସରେ ସମସ୍ୟା ହେବା ନେଇ ଅଭିଯୋଗ କରିଥିଲେ। ଏହା ପରେ ତାଙ୍କୁ ଏକ ଘରୋଇ ଡାକ୍ତରଖାନାରେ ଭର୍ତ୍ତି କରାଯାଇଥିଲା ଏବଂ ଶୁକ୍ରବାର ଦିନ ଡିସଚାର୍ଜ କରାଯାଇଥିଲା। ଶନିବାର ସକାଳେ ତାଙ୍କ ସ୍ୱାସ୍ଥ୍ୟ ଅବସ୍ଥା ବିଗିଡି ଯାଇଥିବାରୁ ତାଙ୍କର ଦେହାନ୍ତ ହୋଇଥିଲା।”

ଭାଲଚନ୍ଦ୍ର କୁଲକର୍ଣ୍ଣି ନିଜ କ୍ୟାରିୟରରେ ଚାରି ଦଶନ୍ଧି ଧରି କଅନେକ ଥିଏଟର ନାଟକ, ଟେଲିଭିଜନ ସିରିଏଲରେ ଅଭିନୟ କରିଥିଲେ । ସେ ପ୍ରଥମେ ୧୯୬୫ରେ ଲୋକନୃତ୍ୟରେ ଅଭିନୟ ଆରମ୍ଭ କରିଥିଲେ ।  ଭାଲଚନ୍ଦ୍ର କୁଲକର୍ଣ୍ଣି ବହୁ ବର୍ଷ ଧରି ଅଭିନୟ କ୍ଷେତ୍ରରୁ ଦୂରରେ ଥିଲେ। କିଛି ମାସ ପୂର୍ବେ ତାଙ୍କୁ ବ୍ରାଣ୍ଡ କୋଲହାପୁର ଲାଇଫ୍‌ ଟାଇମ୍‌ ଆଚିଭମେଣ୍ଟ ଆୱାର୍ଡରେ ସମ୍ମାନିତ କରାଯାଇଥିଲା ।