ଇନ୍ଦୋର ୧୫/୦୯: ଇନଷ୍ଟାଗ୍ରାମରେ ଭିଡିଓ ପୋଷ୍ଟ କରିବାକୁ ପାଗଳ ଯୁବପୀଢ଼ି। ଆଉ ଏହି ପାଗଳାମୀ ପାଇଁ ହରଡ଼ଘଣାରେ ପଡ଼ିଛନ୍ତି ଜଣେ ଯୁବତୀ। ଗହଳିପୂର୍ଣ୍ଣ ରାସ୍ତାରେ ଡ୍ୟାନ୍ସ କରି ଏବେ ଯୁବତୀ ଫସିଛନ୍ତି। ତାଙ୍କ ବିରୋଧରେ ଯାଞ୍ଚ ଆରମ୍ଭ କରିବାକୁ ଗୃହମନ୍ତ୍ରୀ ନିର୍ଦେଶ ଦେଇଥିବା ଜଣାପଡ଼ିଛି। ଇନ୍ଦୋରର ରସୋମା ଛକରେ ଜଣେ ମଡେଲ ନୃତ୍ୟ କରୁଥିବା ନେଇ ଭିଡିଓ ଭାଇରାଲ ହୋଇଥିଲା। ଏପରିକି ସେ ନିଜେ ତାଙ୍କର ସେହି ଭିଡିଓକୁ ଇନଷ୍ଟାରେ ପୋଷ୍ଟ କରିଥିଲେ।
wp:html/wp:html#Indore में ट्रैफिक सिग्नल पर फ्लैश मॉब करने को लेकर मॉडल पर नियमों के अनुसार कार्रवाई करने के लिए अधिकारियों को निर्देशित किया है।
— Dr Narottam Mishra (@drnarottammisra) September 15, 2021
फ्लैश मॉब का भाव भले ही कुछ हो लेकिन तरीका गलत है।@mohdept @DGP_MP @jdjsindore pic.twitter.com/AgLOVKRhvl
ଏହି ଭିଡିଓ ଭାଇରାଲ ହେବା ପରେ ମଧ୍ୟପ୍ରଦେଶର ଗୃହମନ୍ତ୍ରୀ ନରୋତ୍ତମ ମିଶ୍ର ଯୁବତୀଙ୍କ ବିରୋଧରେ ତଦନ୍ତ କରି କାର୍ଯ୍ୟାନୁଷ୍ଠାନ ନେବାକୁ ନିର୍ଦେଶ ଦେଇଛନ୍ତି। ମଙ୍ଗଳବାର ଭାଇରାଲ୍ ହୋଇଥିବା ଏହି ଭିଡିଓରେ, ଟ୍ରାଫିକ୍ ସିଗନାଲ୍ ନାଲି ହୋଇଯିବା କ୍ଷଣି ଯୁବତୀ ଜଣଙ୍କ ରାସ୍ତା ଉପରେ ଡ୍ୟାନ୍ସ କରିଥିଲେ। ପ୍ରଥମେ ଏହାକୁ ଟ୍ରାଫିକ୍ ପୋଲିସଙ୍କ ଏକ ଅଭିଯାନ ବୋଲି ଭାବିଥିଲେ ଲୋକେ। କିନ୍ତୁ ଏହି ଭିଡିଓ ଖୁବଶୀଘ୍ର ସହରରେ ଏବଂ ପରେ ଇଣ୍ଟରନେଟ୍ ଦୁନିଆରେ ଭାଇରାଲ୍ ହୋଇଥିଲା।
wp:html/wp:htmlइंदौर के रसोमा चौराहों पर डांस करती युवती का वीडियो हुआ वायरल,
— कुलदीप नागेश्वर पवार Kuldeep Nageshwar Pawar (@A_Nationalist07) September 14, 2021
ट्रैफिक पुलिस ने दी हिदायत,युवा सेफ्टी का ध्यान रखकर बनाए वीडियो।#Indore #ViralVideo #TrafficSafety #Dance pic.twitter.com/flPwJ2c1OV
ଏହି ଘଟଣାରେ ଟ୍ରାଫିକ୍ ପୋଲିସ ଭିଡିଓ ସୁଟ୍ କରୁଥିବା ଯୁବକ ଏବଂ ଡ୍ୟାନ୍ସ କରୁଥିବା ଯୁବତୀଙ୍କ ସମ୍ପର୍କରେ ସୂଚନା ଏକତ୍ରିତ କରିଥିଲା। ଟ୍ରାଫିକ୍ ନିୟମ ଉଲ୍ଲଂଘନ ନେଇ ଯୁବତୀଙ୍କୁ ନୋଟିସ ଦିଆଯାଇଥିବା କହିଛନ୍ତି ଟ୍ରାଫିକ୍ ଏଏସପି ଅନୀଲ ପଟିଦାର। ଯୁବତୀଙ୍କ ନାଁ ଶ୍ରେୟା କାଲରା ଏବଂ ତାଙ୍କର ଭିଡିଓ ସୁଟ୍ କରୁଥିବା ଯୁବକଙ୍କ ନାଁ କୁଶାଲ ଚୌହାନ ବୋଲି ଜଣାପଡ଼ିଛି।
ଏହା ପୂର୍ବରୁ ଶ୍ରେୟା ଜଞ୍ଜୀରବାଲା ରାସ୍ତାରେ ଏକ କାର ଉପରେ ଛିିଡ଼ା ହୋଇ ଡ୍ୟାନ୍ସ କରୁଥିବା ନଜରକୁ ଆସିଥିଲେ। ସେଥିପାଇଁ ଟ୍ରାଫିକ୍ ମଧ୍ୟ ଜାମ୍ ହୋଇଯାଇଥିଲା। ଶ୍ରେୟା ସେହି ଭିଡିଓକୁ ଇନଷ୍ଟାରେ ମଧ୍ୟ ସେୟାର କରିଥିଲେ। ତେବେ ରାତାରାତି ଷ୍ଟାର ହେବାର ସ୍ବପ୍ନ ଦେଖି ଆଜିର ଯୁବପୀଢ଼ି ନିୟମ କାନୁନ ମାନୁନଥିବା ଦେଖିବାକୁ ମିଳୁଛି ।
