scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଜୈଶ୍‌ର ଆତଙ୍କୀ କମାଣ୍ଡର ଉପରେ ଆକ୍ସନ, ଜମ୍ମୁ-କାଶ୍ମୀରରେ ଥିବା ଘର ଉପରେ ଚାଲିଲା ବୁଲ୍‌ଡୋଜର

10/12/2022 at 7:49 PM

ଶ୍ରୀନଗର, ୧୦/୧୨: ଆତଙ୍କବାଦୀ ସଂଗଠନ ଜୈଶ-ଏ-ମହମ୍ମଦର ଆତଙ୍କୀ କମାଣ୍ଡର ଆଶିକ ନୈଗରୁ ଉପରେ ଆକ୍ସନ । ଜାମ୍ମୁ-କାଶ୍ମୀର ସ୍ଥିତ ଆଶିକର ଘର ଉପରେ ପୁଲୱାମା ଜିଲ୍ଲା ପ୍ରଶାସନ ଶନିବାର ବୁଲ୍‌ଡୋଜର ଚଢ଼ାଇ ଭାଙ୍ଗିଛି । ଅଧିକାରୀ ଏ ନେଇ ସୂଚନା ଦେଇଛନ୍ତି । ଅଶିକ୍‌ର ଦୁଇ ମହଲା ଘର ରାଜପୁରା ଅନ୍ତର୍ଗତ ନ୍ୟୁ କଲୋନୀରେ ସରକାରୀ ସ୍ଥାନରେ ନିର୍ମାଣ ହୋଇଥିଲା । ଯାହାକୁ ନେଇ କାର୍ଯ୍ୟାନୁଷ୍ଠାନ ନେଇଛି ପ୍ରଶାସନ ।

ପୋଲିସ୍‌ ଉପସ୍ଥିତିରେ ଜିଲ୍ଲା ପ୍ରଶାସନ ଆଶିକ୍‌ର ଘରକୁ ଧ୍ୱଂସ କରିଛି । ଆଶିକ୍‌ ଜୈଶ୍‌ର କମାଣ୍ଡର ଥିବା ପୋଲିସ୍‌କୁ ସୂଚନା ମିଳିଥିଲା । ସେ  ୨୦୧୯ରେ ପୁଲ୍‌ୱାମାରେ କେନ୍ଦ୍ରୀୟ ରିଜର୍ଭ ପୋଲିସ୍‌ ବଳ ଉପରେ ହୋଇଥିବା ଆଟାକ୍‌ରେ ଜଡ଼ିତ ରହିଥିଲା । ଏହି ମାମଲାରେ ୪୦ ଯବାନ୍‌ ସହୀଦ୍‌ ହୋଇଥିଲେ । ସେହି ବର୍ଷ ଏପ୍ରିଲ୍‌ରେ କେନ୍ଦ୍ର ସରକାର ଆଶିକ୍‌କୁ ଆତଙ୍କବାଦୀ ବୋଲି ଘୋଷଣା କରିଥିଲେ ।

ଏକ ଅଧିସୂଚନା ଜାରି କରି କେନ୍ଦ୍ର ଗୃହମନ୍ତ୍ରାଳୟ ଆଶିକ୍‌କୁ ଆତଙ୍କୀ କାର୍ଯ୍ୟକଳାପରେ ସାମିଲ୍‌ ଥିବା ଏବଂ ଜାମ୍ମୁ-କାଶ୍ମୀର ବିଭିନ୍ନ ଅଞ୍ଚଳରେ ଆତଙ୍କବାଦୀଙ୍କୁ ଏକାଠି କରୁଥିବା କହିଥିଲା । ମନ୍ତ୍ରଣାଳୟ ଆହୁରି ମଧ୍ୟ କହିଥିଲା ଯେ ସେ ଏକ ସିଣ୍ଡିକେଟ୍‌ ଚଳାଉଛି । ସେ ପାକିସ୍ତାନରୁ ରିମୋଟ୍‌ କଣ୍ଟ୍ରୋଲ୍‌ ମାଧ୍ୟମରେ ଜାମ୍ମୁ-କାଶ୍ମୀରରେ ଆତଙ୍କୀ କାର୍ଯ୍ୟ କରାଇବା ଅଭିଯାନରେ ଲାଗିପଡ଼ିଛି । ଏହାରି ମଧ୍ୟରେ ଆତଙ୍କବାଦୀ ସଂଗଠନ ଦ ରେଜିଷ୍ଟେନ୍ସ ଫୋର୍ସ ଆଶିକ୍‌ର ଘର ଭାଙ୍ଗିବାକୁ ବିରୋଧ କରିଛି ।  

   Related Posts