ପାଟଣା ୨୮/୧୨: କେନ୍ଦୁଝର ଜିଲ୍ଲା ପାଟଣା ବଜାରରୁ ଦିନ ଦ୍ବିପ୍ରହର ଲୁଟେରା ଲୁଟିନେଲେ ୧ଲକ୍ଷ ୪୦ ହଜାର ଟଙ୍କା। ଏନେଇ ଥାନାରେ ଅଭିଯୋଗ ପରେ ପୋଲିସ ତଦନ୍ତ ଜାରି ରଖିଛି l ଖବର ଅନୁସାରେ ଘଟଗାଁ ଥାନା ଧୋବାପିଟଣା ଗାଁର ଅନିଲ କୁମାର ପଲେଈ ବୁଧବାର  ଅପରାହ୍ଣରେ ଷ୍ଟେଟ ବ୍ୟାଙ୍କରୁ ଏକଲକ୍ଷ ୪୦ ହଜାର ଟଙ୍କା ନେଇ ବାଇକରେ ଦୁର୍ଗାପୁର ଯାଉଥିଲେ।

ସେହି ସମୟେରେ ୨ ଜଣ ଦୁର୍ବୁତ୍ତ ଆପାଚି ବାଇକ୍‌ରେ ଆସି ବାଇକ ପଛରେ ଥିବା ଅନିଲଙ୍କ ହାତରୁ ଟଙ୍କା ଭର୍ତ୍ତି ପଲିଥିନକୁ ଝାମ୍ପି ନେଇଛନ୍ତି। ଏନେଇ ପାଟଣା ଥାନାରେ ଅଭିଯୋଗ ପରେ  ପୋଲିସ ୨୭୦/୨୨ରେ ଗୋଟିଏ ମାମଲା ରୁଜୁ କରି ଲୁଟେରାଙ୍କୁ ଧରିବାକୁ ଛାନଭିନ୍ ଆରମ୍ଭ କରିଛିl