ସାଲେପୁର ୦୪/୦୨: ଏକ ବଡ଼ ବ୍ୟାଙ୍କ୍‌ ଡକୟତି ଯୋଜନାକୁ ପୋଲିସ ପଣ୍ଡ କଲା ପୋଲିସ। ଏହି ଅଭିଯୋଗରେ ପୋଲିସ ଜଣେ ଯୁବକକୁ ଅଟକ ରଖି ଅଧିକ ପଚରାଉଚୁରା କରୁଛି। ଏପରି ଅପରାଧିକ ଘଟଣା କଟକ ଜିଲ୍ଲା ସାଲେପୁରରେ ଥିବା ଷ୍ଟେଟବ୍ୟାଙ୍କରୁ ସାମ୍ନାକୁ ଆସିଛି।  

ଖବର ଅନୁସାରେ, ବ୍ୟାଙ୍କ୍ ଭିତରେ ସମ୍ପୃକ୍ତ ଯୁବକଙ୍କ ସନ୍ଦେହଜନକ ଗତିବିଧି ଦେଖି ସାଲେପୁର ଥାନାର ହାବିଲଦାର ତାଙ୍କୁ ପଚରାଉଚୁରା କରିଥିଲେ। ଫଳରେ ଯୁବକ ତାଙ୍କ ପ୍ରଶ୍ନର ସଠିକ ଉତ୍ତର ନପାରି ହଡ଼ବଡ଼େଇ ଯାଇଥିଲା। ଏପରିକି ତାର ନାଁ ମଧ୍ୟ ସେ ଠିକ୍‌ ଭାବେ କହିପାରିନଥିଲା। ପରେ ସେହି ଯୁବକଙ୍କୁ ଥାନାକୁ ଆଣି ଅଧିକ ପଚରାଉଚୁରା କରାଯାଇଥିଲା।

ଅନ୍ୟପଟେ, ଅଟକ ଯୁବକଙ୍କ ପରିଚୟ ଅବିନାଶ ପ୍ରଧାନ। ସେ କେନ୍ଦ୍ରାପଡ଼ାର ବାସିନ୍ଦା ବୋଲି କହୁଥିଲା ବେଳେ ତାର ପ୍ରକୃତ ପରିଚୟକୁ ନେଇ ପୋଲିସର ସନ୍ଦେହ ବଢ଼ିଛି। ସେପଟେ ଅବିନାଶ ସହିତ ଆଉ କାହାର ସମ୍ପୃକ୍ତି ଅଛି ସେନେଇ ପୋଲିସ ଅଧିକ ତନାଘନା କରୁଥିବା କହିଛି।