ସାଲେପୁର ୦୪/୦୨: କନ୍ଧମାଳ ଜିଲ୍ଲାର ପ୍ରାୟ ୭ଟି ପଞ୍ଚାୟତ କାର୍ଯ୍ୟାଳୟରୁ ଇଲୋକଟ୍ରୋନିକ ଜିନିଷ ଚୋରୀ ଘଟଣା ପର୍ଦ୍ଦାଫାସ୍ । ଫିରିଙ୍ଗିଆ ଥାନାର ଥାନା ଅଧିକାରୀଙ୍କ ନେତୃତ୍ବରେ କଟକ ଜିଲ୍ଲା ସାଲେପୁର ଥାନା ସହଯୋଗରେ ଶିଶୁଆ ଅଞ୍ଚଳର ପୁରୁଷୋତ୍ତମପୁର ଗାଁର ଏକ ଯୁବକକୁ ଉଠାଇ ଆଣି ସାଲେପୁର ଥାନାରେ ଅଟକ ରଖି ପଚରାଉଚରା କରୁଛି ।

ଅଟକ ଥିବା ଯୁବକ ଜଣକ ହେଲେ ଶିଶୁଆ ପୁରୁଷୋତ୍ତମପୁର ଗାଁର ସାଗର ବିଶ୍ୱାଳ । ସାଗର ବିଶ୍ୱାଳ ଶିଶୁଆ ବଜାରରେ ଏକ ମୋବାଇଲ ଦୋକାନ କରିଥିବା ବେଳେ ପୋଲିସ ସାଗର ବିଶ୍ୱାଳକୁ ଅଟକ କରିବାସହ ଚୋରିରେ ବ୍ୟବହୃତ ଏକ କାର୍‌କୁ ମଧ୍ୟ ଜବତ କରିଛି । ଏଥିସହ ୩ଟି କଂପ୍ୟୁଟର, ୩ଟି ପିସି, ଗୋଟିଏ ଏଲିଡି ,୩ଟି ପ୍ରିଣ୍ଟର ,ଏକ ଇନଭଟର ବେଟେରୀ,୪ଟି ମୋବାଇଲ ସହ ଅନ୍ୟାନ୍ୟ ଇଲୋକଟ୍ରୋନିକ ଜିନିଷ ମଧ୍ୟ ଜବତ କରିଛି ଫିରିଙ୍ଗିଆ ପୋଲିସ ।

ସାଲେପୁର ପୋଲିସ ସହଯୋଗରେ ଫିରିଙ୍ଗିଆ ପୋଲିସ ଅଧିକ ତଦନ୍ତ ସାଲେପୁର ଅଞ୍ଚଳରେ ଚଳାଇଛି । ଏପଟେ କନ୍ଧମାଳ ପୋଲିସ ୭ ଗୋଟି ଟିମ ରାଜ୍ୟର ବିଭିନ୍ନ ଅଞ୍ଚଳ ମାନଙ୍କରେ ଚଢ଼ାଉ କରୁଥିବା ନେଇ ଫିରିଙ୍ଗିଆ ପୋଲିସ ସୂଚନା ଦେଇଛି । ଏହି ଘଟଣାରେ ଗୋଟିଏ ବଡ଼ ରାକୋଟ କାମ କରୁଛି।