oroinfra
maganna
anutap
FileReOpen
TASTEtheBEST
EVOS_WebBanner_728X90
oroinfra
ChampionMaganna_WebBanner_728X90
Anutap_WebBanner_728X90
FileReOpen_WebBanner_728X90
TASTEtheBEST_WebBanner_728X90
EVOS_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଟକ : ଶାଶୂ ଘର ଛାଡିଲେ ଅଭିନେତ୍ରୀ ବର୍ଷା ପ୍ରିୟଦର୍ଶିନୀ, ୩୦ ସୁଦ୍ଧା ଘର ଛାଡିବାକୁ ନିର୍ଦ୍ଦେଶ ଦେଇଥିଲେ ହାଇକୋର୍ଟ
  • ||
  • ରାଜ୍ୟରେ ଉପର ତଳ ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୧୩୧ କୋଭିଡ୍ ପଜିଟିଭ୍
  • ||
  • ମୁମ୍ଵାଇ : ଠକେଇର ଶିକାର ହେଲେ ଅନ୍ନୁ କପୁର, KYC ଅପଡେଟ୍ ବାହାନାରେ ଲୁଟି ନେଲେ ୪.୩୬ ଲକ୍ଷ ଟଙ୍କା
  • ||
  • ଲମତାପୁଟ : ରାଜ୍ୟ ବାହାରକୁ ହେଉଥିଲା ଚାଲାଣ, ଚେକିଂ ବେଳେ କାର୍‌ରୁ ବାହାରିଲା ୧୦ଲକ୍ଷ ଟଙ୍କାର ଗଞ୍ଜେଇ
  • ||
  • ଭୁବନେଶ୍ୱର : ରାଜଧାନୀର ବିଭିନ୍ନ ବାର୍‌ରେ ରେଡ୍‌, କଟକଣା ପରେ ବି ମାନୁନଥିଲେ ମାଲିକ
  • ||
  • ଇଣ୍ଡୋନେସିଆ : ରକ୍ତ ରଞ୍ଜିତ ହେଲା ଖେଳ ପଡ଼ିଆ; ଫୁଟବଲ ମ୍ୟାଚ୍ ଚାଲିଥିବା ବେଳେ ଦଙ୍ଗା, ୧୨୭ ମୃତ, ଏକାଧିକ ଆହତ
  • ||

ବାସହୀନ ସେବାୟତଙ୍କୁ ମିଳିବ ବାସଗୃହ, ଉପକୃତ ହେବେ ୫୦୦ ସେବାୟତ

29/07/2022 at 6:04 PM

ପୁରୀ: ଗରୀବ ତଥା ବାସହୀନ ସେବାୟତଙ୍କୁ ମିଳିବ ବାସଗୃହ। ବହୁ ପ୍ରତିକ୍ଷୀତ ବାସହୀନ ସେବାୟତଙ୍କ ଆବାସ ଯୋଜନା ପାଇଁ ଆଜିଠାରୁ ଆରମ୍ଭ ହୋଇଛି ଜମି ଚିହ୍ନଟ ପ୍ରକ୍ରିୟା। ହରଚଣ୍ଡୀ ସାହି ମୌଜାରେ ପ୍ରାୟ ୩ ଏକର ଯାଗା ଚିହ୍ନଟ କରାଯାଇ ପାଚେରୀ ଘେରାଇବା ପାଇଁ କାର୍ଯ୍ୟ ଆରମ୍ଭ ହୋଇଛି। ଏହି ପ୍ରକଳ୍ପ ଦ୍ବାରା ୪୦୦ରୁ ୫୦୦ ସେବାୟତ ଉପକୃତ ହେବେ ବୋଲି ସୂଚନା ଦେଇଛନ୍ତି ଶ୍ରୀମନ୍ଦିର ଉନ୍ନୟନ ପ୍ରଶାସକ।

ଶ୍ରୀଜଗନ୍ନାଥ ମନ୍ଦିର ସେବାୟତମାନଙ୍କ ସାମାଜିକ, ଅର୍ଥନୈତିକ ସର୍ବେକ୍ଷଣ ସରିବା ପରେ ସେବାୟତ ବାସଗୃହ ଯୋଜନା ପାଇଁ କାର୍ଯ୍ୟକ୍ରମ ଆରମ୍ଭ ହୋଇଛି। ୨୦୧୪ ଓ ୨୦୧୫ ରେ ସେବାୟତ ଜଣଗଣନା କରାଯାଇଥିଲା। ନବକୃଷ୍ଣ ଚୌଧୁରୀ centre for development studies ତରଫରୁ ସେବାୟତ ମାନଙ୍କର  socio economic status କୁ ନେଇ ପୁନଃ ଗଣନା ହୋଇଥିଲା। ଏହି ସେବାୟତ ବାସଗୃହ ଯୋଜନାରେ ଗରିବ ଓ ଆର୍ଥିକ ସ୍ୱଚ୍ଛଳ ନଥିବା ସେବାୟତ ଉପକୃତ ହେବେ।

ପ୍ରଥମେ ୪୦୦ ସେବାୟତଙ୍କ ପାଇଁ ଚିହ୍ନଟ ହୋଇଥିବା ଜମିରେ G+ 3 ଆପାର୍ଟମେଣ୍ଟ ନିର୍ମାଣ କରାଯିବ। ଚଳିତ ଆର୍ଥିକ ବର୍ଷ ବଜେଟରେ ହରଚଣ୍ଡୀ ଓ ମାଟିମଣ୍ଡପ ସାହି ମୌଜାରେ ସେବାୟତ ବାସଗୃହ ଯୋଜନା ପାଇଁ ମୋହର ବାଜିଥିଲା। ଅନେକ ସେବାୟତଙ୍କ ଆର୍ଥିକ ଅବସ୍ଥା ଦୟନୀୟ ଥିବାବେଳେ ଆର୍ଥିକ ଅଭାବ ଅନାଟନରେ କାଳାତିପାତ କରୁଥିବା କିଛି ସେବାୟତ ଭଙ୍ଗା ଦଦରା ଘରେ ମୁଣ୍ଡ ଗୁଞ୍ଜି ରହୁଛନ୍ତି। ତେଣୁ ଶ୍ରୀମନ୍ଦିର ପରିଚାଳନା କମିଟି ନିଷ୍ପତି ଅନୁଯାଇ ଯଥାଶୀଘ୍ର ସେବାୟତଙ୍କ ପାଇଁ ଉଦିଷ୍ଟ ଆବାସିକ ଯୋଜନା ଶୀଘ୍ର  କାର୍ଯ୍ୟକାରୀ କରିବାକୁ ପଦକ୍ଷେପ ନିଆଯାଇଛି।

୨୦୧୩ ମସିହାରେ ନବକୃଷ୍ଣ ସେଣ୍ଟର ଫର ଡେଭେଲେପମେଣ୍ଟ ଷ୍ଟଡିଜ ପକ୍ଷରୁ ସେବାୟତଙ୍କ ସମାଜିକ ଓ ଅର୍ଥନୈତିକ ସର୍ଭେ କରାଯାଇଥିଲା। ପ୍ରାୟ ୨୨୩୬ ସେବାୟତ ପରିବାର ଥିବା ବେଳେ ୯୫୫୮ଜଣ ସେବାୟତ ରହିଥିବା ଜଣାପଡିଛି। ସେବାୟତଙ୍କ ସଂଖ୍ୟା, ସେମାନଙ୍କ ଶିକ୍ଷାଗତ ଯୋଗ୍ୟତା, ଅନ୍ୟ ବୃତ୍ତି ଓ ଆର୍ଥିକ ସ୍ଥିତି ମାନଦଣ୍ଡକୁ ନେଇ ଭବିଷ୍ୟତରେ ଦୀର୍ଘମିଆଦୀ ଯୋଜନା ପ୍ରସ୍ତୁତ କରାଯିବ। ସେବାୟତଙ୍କ ପାଇଁ ରାଜ୍ୟ ଗୃହ ଓ ନଗର ଉନ୍ନୟନ ବିଭାଗ ଓ ପ୍ରଧାନମନ୍ତ୍ରୀ ଆବାସ ଯୋଜନା ସହଯୋଗରେ ୨୫୦ଟି ହାଉସିଂ ନିର୍ମାଣ ହେବ। ଅନେକ ସେବାୟତ ସାହିରେ ଗୋଟିଏ ଗୋଟିଏ ଘରେ ୧୦-୧୫ ପରିବାର ବହୁ କଷ୍ଟରେ ରହୁଥିବା ନଜିର ରହିଥିବା ବେଳେ ଅନେକ ସେବାୟତ ପରିବାର ମଧ୍ୟ ବାସହୀନ।

ଦୀର୍ଘବର୍ଷ ହେବ ବାସହୀନ ସେବାୟତ ପରିବାରକୁ ଘର ଯୋଗାଇବା ଚର୍ଚ୍ଚା ହୋଇଆସୁଛି। ଯେଉଁ ଗରିବ ସେବାୟତ ମାନେ ରହିଛନ୍ତି ସେମାନଙ୍କୁ ଆର୍ଥିକ ସହାୟତା ଯୋଗାଇ ଦିଆଯିବ ଏବଂ ଯେଉଁ ମାନଂକର ଘର ନାହିଁ ସେମାନଙ୍କୁ ଚିହ୍ନଟ କରାଯାଇ ଗୃହ କେଉଁଭଳି ଭାବେ ମିଳିବ ସେ ସେଇ ବ୍ୟବସ୍ଥା କରାଯାଉଛ। ପ୍ରଥମ ପର୍ଯ୍ୟାୟରେ ହରଚଣ୍ଡୀ ସାହି ମୌଜାରେ ଥିବା ମହିପ୍ରକାଶ ମଠର ୩ ଏକର ଜମି ଅଧିଗ୍ରହଣ ପ୍ରକ୍ରିୟା ଆଜିଠାରୁ ଆରମ୍ଭ ହୋଇଛି। ଶ୍ରୀମନ୍ଦିର ଉନ୍ନୟନ ପ୍ରଶାସକଙ୍କ ସହ ପରିଚାଳନା କମିଟି ସଦସ୍ୟ ଉପସ୍ଥିତ ରହି ଏହି କାର୍ଯ୍ୟ ଅନୁଧ୍ୟାନ କରିଛନ୍ତି।

ଦ୍ଵିତୀୟ ପର୍ଯ୍ୟାୟରେ ମାଟିମଣ୍ଡପ ସାହି ମୌଜାରେ ଥିବା ଏମାର ମଠର ଜମି ଅଧିଗ୍ରହଣ ହେବ। ଏହି ଦୁଇଟି ମୌଜାର ଶ୍ରୀମନ୍ଦିର ପ୍ରଶାସନ ଅଧିନକୁ ଆସିଛି। ସେହି ସ୍ଥାନ ସଫା କରାଯାଇ ପାଚେରୀ ହେବା ପରେ ଅବଢ଼ା ଯୋଜନାରେ  ୬୦୦ ବର୍ଗ ଫୁଟ୍ ବିଶିଷ୍ଟ G + 3 ଆପାର୍ଟମେଣ୍ଟ ନିର୍ମାଣ କରାଯିବ ବୋଲି ସୂଚନା ଦେଇଛନ୍ତି ଶ୍ରୀମନ୍ଦିର ଉନ୍ନୟନ ପ୍ରଶାସକ।  ସେବାୟତ ବାସଗୃହ ଯୋଜନା ପାଇଁ ଶ୍ରୀମନ୍ଦିର ପରିଚାଳନା କମିଟିରେ ବଜେଟ ମଧ୍ୟ ପାରିତ ହୋଇସାରିଛି। ଖୁବଶୀଘ୍ର ଆପାର୍ଟମେଣ୍ଟ ନିର୍ମାଣ କରାଯାଇ ଗରିବ, ଅସହାୟ ଓ ଆର୍ଥିକ ସ୍ୱଚ୍ଛଳ ଠିକ୍ ନଥିବା ସେବାୟତଙ୍କୁ ବାସଗୃହ ଯୋଗାଇ ଦିଆଯିବ।

   Related Posts