ଚୌଦ୍ୱାର, ୨୯/୧୦: କଟକ ଜିଲ୍ଲା ଟାଙ୍ଗୀ ଥାନା ଅନ୍ତର୍ଗତ ୧୬ ନଂ ଜାତୀୟ ରାଜପଥ ନିକଟରେ ଦୁର୍ଘଟଣା । ବନ୍ଦାଳ ଟୋଲ ଗେଟ ନିକଟରେ ଜଗନ୍ନାଥ ଦର୍ଶନ କରିବାକୁ ଯାଉଥିବା ବେଳେ ବସ୍ଟି ଦୁର୍ଘଟଣା ଘଟିଥିଲା । ଡବ୍ଲୁ ବି ୫୧ ଏ ୪୨୦୯ ଏହି ନଂ ବିଶିଷ୍ଟ ଭଲୋବୋ ବସଟି କୋଲକାତାରୁ ପୁରୀ ଅଭିମୁଖେ ଯାଉଥିଲା । ଟୋଲ ଗେଟ୍ ନିକଟରେ ବ୍ରେକ ଫେଲ ହୋଇଯିବାରୁ ଗେଟ୍ ଲାଇନର ଡିଭାଡରରେ ପିଟିହୋଇଥିଲା । ବସ୍ରେ ଥିବା ଯାତ୍ରୀ ମାନଙ୍କ ମଧ୍ୟରୁ ଚାଳକ ସହ ୧୧ ଜଣ ଆହତ ହୋଇଥିଲେ ।
ତୁରନ୍ତ ରାଜପଥ କର୍ମଚାରୀ ଓ ରାଜପଥ ପୋଲିସ ପହିଁଚି ବସ୍ ଭିତରୁ ଯାତ୍ରୀମାନଙ୍କୁ ସୁରକ୍ଷିତ ସହ ଉଦ୍ଧାର କରିଥିଲେ । ଆହାତ ମାନଙ୍କୁ ତୁରନ୍ତ ଆମ୍ବୁଲାନ୍ସ ଯୋଗେ ଚିକିତ୍ସା ପାଇଁ ମେଡିକାଲ୍ ପଠାଯାଇଥିବା ଜଣାପଡ଼ିଛି । ତେବେ ଅନ୍ୟ ଯାତ୍ରୀମାନେ ସାମାନ୍ୟ ଆହତ ହୋଇଥିବା ବେଳେ ରାଜପଥ କର୍ମଚାରୀ ସେମାନଙ୍କର ପ୍ରାଥମିକ ଚିକିତ୍ସା କରିଥିବା ଦେଖିବାକୁ ମିଳିଛି। ପରେ ଅନ୍ୟ ଯାତ୍ରୀମାନଙ୍କୁ ଆଉ ଏକ ବସ ଯୋଗେ ପଠାଯାଇଥିବା ଦେଖିବାକୁ ମିଳିଛି।
