ମୁମ୍ଵାଇ ୧୨।୦୨: ବଲିଉଡ୍‌ର ସିଙ୍ଘମ୍‌ର ଷ୍ଟାର ଅଜୟ ଦେବଗନ। ତାଙ୍କର ଅପକମିଂ ଫିଲ୍ମ ‘ଭୋଲା’ର ଟିଜର ନିକଟରେ ରିଲିଜ ହୋଇଥିଲା। ଏଥିରେ ଅଜୟ ଦେବଗନଙ୍କୁ ଏକ ଭିନ୍ନ ଅନ୍ଦାଜ ଦେଖିବାକୁ ମିଳିଥିଲା । ହେଲେ ଅଜୟ ଦେବଗନ ବର୍ତ୍ତମାନ ଏହାର ଏକ ପ୍ରୋମୋ ସେୟାର କରିଛନ୍ତି। ଯେଉଁଥିରେ ସେ ଫିଲ୍ମର ସସ୍‌ପେନ୍ସ  ସହ ନଜର ଆସିଛନ୍ତି। ହେଲେ ଏଥିରେ ଭିନ୍ନ ଚରିତ୍ରରେ ବୋଧ ହୁଏ ଅଭିଷେକ ବଚ୍ଚନ ହୋଇପାରନ୍ତି ବୋଲି ଫ୍ୟାନ୍ସ ଅନୁମାନ କରୁଛନ୍ତି । କୁହାଯାଉଛି କି ଫିଲ୍ମରେ ଅଭିଷେକ ବଚ୍ଚନ କେମିଓ ଭାବେ ନଜର ଆସିବେ । ତେଣେ ପ୍ରୋମୋରେ ଅଭିଷେକ ବଚ୍ଚନ ଥାଇପାରନ୍ତି ବୋଲି ଚର୍ଚ୍ଚା ଚାଲିଛି ।

AJAY DEVGN UNVEILS ‘BHOLAA’ ACTION-PACKED TEASER 2… #BholaaTeaser2 is here…The #AjayDevgn directorial arrives on 30 March 2023 in #3D and #IMAX.#Bholaain3D pic.twitter.com/0EMBIzKNav

— taran adarsh (@taran_adarsh) January 24, 2023

ତେବେ ଏହି ୧୮ସେକେଣ୍ଡର ପ୍ରୋମୋରେ ଆଖି , ଲୁକ୍ ଆଉ ଭିନ୍ନ ଷ୍ଟାଇଲରେ ଠିଆ ହେବା ଦେଖି ସମସ୍ତେ ଅଭିଷେକ ବଚ୍ଚନ ବୋଲି ଚର୍ଚ୍ଚା କରାଯାଉଛି । ପୂର୍ବରୁ ଭୋଲାର କିଛି ସୁଟିଂ ସେଟରେ ଫଟୋ ଲିକ୍‌ ହୋଇଥିଲା। ଯେଉଁଥିରେ ଅଭିଷେକ ବଚ୍ଚନ ବାରଣାସୀରେ ଅଜୟଙ୍କ ସହିତ ସୁଟିଂ କରିଥିବାର ଦେଖିବାକୁ ମିଳିଥିଲା । ଏହି ଫିଲ୍ମର ନିର୍ଦ୍ଦେଶନା ଦେଉଛନ୍ତି ଅଜୟ ଦେବଗନ । ଏହି ପ୍ରୋମୋ ଦେଖିବା ପରେ ଫ୍ୟାନ୍ସ ବିଭିନ୍ନ ପ୍ରକାରର କମେଣ୍ଟ ଦେବା ସହ ଉତ୍ସାହିତ ଅଛନ୍ତି।

କହିବାକୁ ଗଲେ ଅଜୟଙ୍କ ଫିଲ୍ମ ‘ଭୋଲା’ ସାଉଥ ଫିଲ୍ମ କୈଥିର ରିମେକ । ଫ୍ୟାନ୍ସମାନେ ଟିଜରକୁ ବେଶ୍‌ ପସନ୍ଦ କରୁଛନ୍ତି ତ ଆଉ କିଏ ଟ୍ରୋଲ କରୁଛି। ଏହାକୁ ଦେଖି ଫ୍ୟାନ୍ସ କହିଛନ୍ତି, ଫିଲ୍ମର ଟିଜରରେ ଅରିଜିନାଲ ଫିଲ୍ମ ଠାରୁ ଖରାପ ହୋଇଛି। ଫିଲ୍ମ ୩୦ ମାର୍ଚ୍ଚରେ ରିଲିଜ ହେବ । ତେବେ ଫିଲ୍ମଟି ବକ୍ସ ଅଫିସରେ କିଭଳି ଆୟ କରିବ, ତାହା ଦେଖିବାକୁ ବାକି ରହିଲା ।