ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଠମଲ୍ଲିକ: ଦନ୍ତା ହାତୀର ମୃତଦେହ ଠାବ, ଶରୀରରେ ରହିଛି ଅନେକ କ୍ଷତଚିହ୍ନ
  • ||
  • ସମ୍ୱଲପୁର: ଜଳିଗଲା ଘରୋଇ ବସ୍ ନାଗରାଜ୍, ଅଳ୍ପକେ ବର୍ତ୍ତିଗଲେ କଣ୍ଡକ୍ଟର
  • ||
  • ବୌଦ୍ଧ: ନାଳରୁ ବ୍ୟାଙ୍କ୍ କର୍ମଚାରୀଙ୍କ ମୃତଦେହ ଉଦ୍ଧାର, ପାଖରେ ପଡିଛି ବାଇକ ଓ ମଦବୋତଲ
  • ||
  • ଭୁବନେଶ୍ୱର: ବରିଷ୍ଠ ଅଭିନେତ୍ରୀଙ୍କ ବିୟୋଗରେ ମୁଖ୍ୟମନ୍ତ୍ରୀଙ୍କ ଶୋକ
  • ||
  • ଭଦ୍ରକ: ଭୟାବହ ଅଗ୍ନିକାଣ୍ଡରେ ଜଳିଗଲା ୧୫ ବଖରା, ୨ ଗୋ-ମାତା ଜୀବନ୍ତ ଦଗ୍ଧ
  • ||
  • କଟକ: ବରିଷ୍ଠ ଅଭିନେତ୍ରୀ ଝରଣା ଦାସଙ୍କ ପରଲୋକ, ୮୨ ବର୍ଷ ବୟସରେ ଦେହାନ୍ତ
  • ||

ସର୍ଜରୀ ପରେ ସୁଟିଂକୁ ଚେନ୍ନାଇ ଫେରିଲେ ଅଭିଷେକ୍ ବଚ୍ଚନ୍ : ପୋଷ୍ଟ କରି କହିଲେ-‘ମର୍ଦ୍ଦ କୋ ଦର୍ଦ୍ଦ ନେହିଁ ହୋତା’…

26/08/2021 at 11:48 AM

ମୁମ୍ବାଇ ୨୬/୦୮  : ବଲିଉଡ୍  ବିଗ୍ ବି ତଥା ଅଭିନେତା ଅମିତାଭ୍ ବଚ୍ଚନଙ୍କ ପୁଅ ଅଭିଷେକ ବଚ୍ଚନ୍ ଫିଲ୍ମ ଇଣ୍ଡଷ୍ଟ୍ରିରେ ସେତେ ହିଟ୍ ହୋଇ ନଥିଲେ ମଧ୍ୟ ସୋସିଆଲ ମିଡିଆରେ ଖୁବ୍ ଆକ୍ଟିଭ୍ ରୁହନ୍ତି । ତେବେ ଅଭିଷେକଙ୍କର ଆଗାମୀ ଦିନରେ ଏକ ଫିଲ୍ମ ଆସୁଛି ଏଥିପାଇଁ ସେ ଖୁବ୍ ବ୍ୟସ୍ତ ଅଛନ୍ତି । ଏହି ସମୟରେ ସେ ଏକ ଦୁର୍ଘଟଣାର ମଧ୍ୟ ଶିକାର ହୋଇଛନ୍ତି । ଯାହାକୁ ନେଇ ଅଭିନେତା ଅଭିଷେକ୍ ବଚ୍ଚନ ନିଜ ଇନଷ୍ଟାଗ୍ରାମ୍ ଆକାଉଣ୍ଟରେ ଏକ ପୋଷ୍ଟ ସେୟାର କରିଛନ୍ତି ।

ତେବେ ଅଭିଷେକ ବଚ୍ଚନ ଇନଷ୍ଟାଗ୍ରାମରେ ସେୟାର କରିଥିବା ଫଟୋରେ ସେ ତାଙ୍କ ଡାହାଣ ହାତରେ ବ୍ୟାଣ୍ଡେଜ୍ ପିନ୍ଧିଥିବା ବେଳେ ମୁହଁରେ ମାସ୍କ ପିନ୍ଧିବାର ନଜର ଆସିଛନ୍ତି । ଏହା ସହ ଅଭିଷେକ୍ କ୍ୟାପସନରେ ଲେଖିଛନ୍ତି କି ତାଙ୍କ ପାଇଁ ପ୍ରାର୍ଥନା କରିଥିବା ଫ୍ୟାନ୍ସମାନଙ୍କୁ ଧନ୍ୟବାଦ । ଏହାକୁ ନେଇ ଅଭିଷେକ୍ କହିଥିଲେ କି ତାଙ୍କର ବିତି ଯାଇଥିବା ଦିନ ମଧ୍ୟରେ ସେ ମୁମ୍ବାଇ ସ୍ଥିତ ଲୀଲାବତୀ ହସ୍ପିଟାଲରେ ଭର୍ତ୍ତି ହେବାକୁ ପଡିଥିଲା । ଚେନ୍ନାଇରେ ହେଉଥିବା ଆଗାମୀ ଫିଲ୍ମର ଶୁଟିଂ ସମୟରେ ଏକ ଅଜବ ଧରଣର ଦୁର୍ଘଟଣା ଘଟିଛି । ଯେଉଁଥିରେ ମୋର ଡାହାଣ ହାତ ଫ୍ୟାକ୍ଚର ହୋଇଛି । ଏହାକୁ ଠିକ୍ କରିବା ପାଇଁ ସର୍ଜରୀର ଆବଶ୍ୟକ ଥିଲା । ଏଥିପାଇଁ ତୁରନ୍ତ ଚେନ୍ନାଇରୁ ମୁମ୍ବାଇକୁ ଆସିଥିଲି

ଏହା ସହ ତାଙ୍କ ହାତରେ ଆଘାତ ଲାଗିବା ସତ୍ତ୍ୱେ ମଧ୍ୟ ଅଭିଷେକ ଶୁଟିଂ ପାଇଁ ଚେନ୍ନାଇକୁ ଫେରିଛନ୍ତି । ଏହାକୁ ନେଇ ଆହୁରି ଲେଖିଛନ୍ତି, କି ସର୍ଜରୀ ହୋଇସାରିଛି , ସମସ୍ତ ପ୍ୟାଚ୍ ଅପ୍ ଓ କାଷ୍ଟ ମଧ୍ୟ ଶେଷ ହୋଇଛି । ବର୍ତ୍ତମାନ  କାମ କରିବାକୁ ଚେନ୍ନାଇ ଫେରିବା ପାଇଁ ପ୍ରସ୍ତୁତ ଅଛି । ଯେମିତି କି ସେମାନେ କୁହନ୍ତି … ଶୋ ’ନିଶ୍ଚୟ ଚାଲିବ! ଏବଂ ଯେପରି ମୋ ବାପା କହିଥିଲେ …ମର୍ଦ କୋ ଦର୍ଦ ନେହିଁ ହୋତା..! ଠିକ ଅଛି, ଠିକ ଅଛି, ଏହା ଟିକିଏ ଯନ୍ତ୍ରଣା ହେଲା । ତାଙ୍କ ପୋଷ୍ଟରେ ତାଙ୍କ ଫ୍ୟାନ୍ସଙ୍କୁ ଧନ୍ୟବାଦ ଜଣାଇ ଅଭିଷେକ ବଚ୍ଚନ ଲେଖିଛନ୍ତି, ଆପଣଙ୍କର ଶୁଭେଚ୍ଛା ଏବଂ ଶୀଘ୍ର ସୁସ୍ଥ ହେବାର ବାର୍ତ୍ତା ଦେବାରୁ ସମସ୍ତଙ୍କୁ ଧନ୍ୟବାଦ।

ରିପୋର୍ଟ ଅନୁଯାୟୀ ଅମିତାଭ ବଚ୍ଚନ ତାଙ୍କ ଝିଅ ଶ୍ୱେତା ନନ୍ଦାଙ୍କ ସହ ଲିଲାବତୀ ହସ୍ପିଟାଲ ବାହାରେ ଦୁଇ ଜଣଙ୍କୁ ସ୍ପଟ୍ କରାଯାଇଥିଲା । ହେଲେ ସେତେବେଳେ କୁହାଯାଇଥିଲା ଯେ ଅଭିଷେକଙ୍କୁ ଆହତ ଅବସ୍ଥାରେ ଏଠାରେ ଭର୍ତ୍ତି କରାଯାଇଥିଲା ବେଳେ ଅମିତାଭଙ୍କ ରୁଟିନ୍ ଚେକଅପ୍ ମଧ୍ୟ ସାମ୍ନାକୁ ଆସିଥିଲା।  ସେତେବେଳେ ଏହାର କାରଣ ବିଷୟରେ କେହି ଜାଣି ନଥିଲେ, କିନ୍ତୁ ଅଭିଷେକଙ୍କ ପୋଷ୍ଟରୁ ଅମିତାଭ-ଶ୍ୱେତାଙ୍କୁ କାହିଁକି ଲିଲାବତୀ ହସ୍ପିଟାଲ ବାହାରେ ଦେଖିବାକୁ ମିଳିଥିଲା ​​ଏବଂ ଅଭିଷେକ କିପରି ଆହତ ହୋଇଥିଲେ ତାହା ସ୍ପଷ୍ଟ ହୋଇଛି।

   Related Posts