scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଲୋକଙ୍କୁ ୟୁଜ୍ କରନ୍ତି କିଙ୍ଗଖାନ୍, ଯିଏ ବି ତାଙ୍କ ରାସ୍ତାରେ ଆସନ୍ତି ତାଙ୍କୁ ସେ….ବଡ ବୟାନ ରଖିଲେ ସିଙ୍ଗର

28/11/2023 at 11:43 AM

ମୁମ୍ୱାଇ ୨୮/୧୧: ବଲିଉଡର ବାଦଶାହା ଖାନ୍ । ଶାହାରୁଖ୍ ଖାନ୍ । ଚଳଚ୍ଚିତ୍ରରେ ଅନେକ ଭିନ୍ନ ଚରିତ୍ରରେ କରିଛନ୍ତି ଅଭିନୟ । ସୃଷ୍ଟି କରିଛନ୍ତି ନିଜର ସ୍ୱତନ୍ତ୍ର ପରିଚୟ । ତାଙ୍କ କ୍ୟାରିୟରରେ ଏପର୍ଯ୍ୟନ୍ତ ଶାହାରୁଖ ଖାନ ଅନେକ କଳାକାର ଏବଂ ଗାୟକଙ୍କ ସହ କାମ କରିଛନ୍ତି । ସେଥିମଧ୍ୟରୁ ଗାୟକ ଅଭିଜିତ୍ ଭଟ୍ଟାଚାର୍ଯ୍ୟ ଅନ୍ୟତମ ।

ଅଭିଜିତ୍ ଭଟ୍ଟାଚାର୍ଯ୍ୟ ଶାହାରୁଖଙ୍କ ଅନେକ ଚଳଚ୍ଚିତ୍ରରେ ଗାଇଛନ୍ତି ଗୀତ । ଚଳଚ୍ଚିତ୍ର ‘ଅଞ୍ଜାମ’ର’ ବଡି ମୁସ୍କିଲ୍ ହୈ’, ବସ୍ ‘ଚଳଚ୍ଚିତ୍ରର’ ମେ କୋଇ ଏସା ଗୀତ୍ ଗାଉଁ ‘ଏବଂ’ ମେ ହୁନ୍ ନା ‘ଚଳଚ୍ଚିତ୍ରର’ ତୁମେ ଜୋ ମେନେ ଦେଖା ‘ଭଳି ଗୀତଗୁଡ଼ିକ ଗାଇଥିଲେ ଅଭିଜିତ । ଯାହାକି ରାତାରାତି ହୋଇଥିଲା ହିଟ୍ । ଫିଲ୍ମ ‘ବିଲୁ’ ହେଉଛି ଶେଷ ଚଳଚ୍ଚିତ୍ର ଯେଉଁଥିରେ ଗାୟକ ଶାହାରୁଖ ଖାନଙ୍କୁ ସ୍ୱର ଦେଇଥିଲେ ଅଭିଜିତ । ହେଲେ ଏବେ ଅଭିଜିତ ସାକ୍ଷାତକାରରେ ଶାହାରୁଖ ଖାନଙ୍କ ବିଷୟରେ କହିଛନ୍ତି ଏମିତି କିଛି ଯାହାକୁ ନେଇ ଆରମ୍ଭ ହୋଇଛି ଚର୍ଚ୍ଚା ।

ଗଣମାଧ୍ୟମ ସହ କଥାବାର୍ତ୍ତାରେ ଅଭିଜିତ କହିଛନ୍ତି ଯେ ମୋର ଏବଂ ଶାହାରୁଖ ଖାନଙ୍କ ବ୍ୟକ୍ତିତ୍ୱ ପରସ୍ପରଠାରୁ ସମ୍ପୂର୍ଣ୍ଣ ଭିନ୍ନ । ଗାୟକ ସୁପରଷ୍ଟାରଙ୍କୁ ପ୍ରଶଂସା କରି ତାଙ୍କୁ ଜଣେ ଆତ୍ମନିର୍ଭରଶୀଳ ବ୍ୟକ୍ତି ବୋଲି କହିଥିଲେ । ସେ କହିଛନ୍ତି ଯେ ଶାହାରୁଖଙ୍କର ଉଭୟ ଆତ୍ମ ସମ୍ମାନ ଏବଂ ଆତ୍ମବିଶ୍ୱାସ ରହିଛି । ଅଭିଜିତଙ୍କ କହିବା ଅନୁଯାୟୀ ଏହି ଗୁଣ ମଧ୍ୟ ତାଙ୍କ ଭିତରେ ଅଛି । ସେ କହିଥିଲେ, ‘ଆମ ଭିତରେ ଇଗୋ ନାହିଁ, କିନ୍ତୁ ଆମର ଆତ୍ମ ସମ୍ମାନ ଅଛି।’

ଗାୟକ କହିଥିଲେ ଯେ ସେ ଏବଂ ଶାହାରୁଖ ଖାନଙ୍କ ମଧ୍ୟରେ ବ୍ୟକ୍ତିତ୍ୱର ରହିଛି ଅନେକ ପାର୍ଥକ୍ୟ । ସେ ଏହା ମଧ୍ୟ କହିଛନ୍ତି ଯେ ଶାହାରୁଖ ଖାନ ଜଣେ ବ୍ୟବସାୟିକ ବ୍ୟକ୍ତି, ଯିଏ ଅନ୍ୟ ଲୋକଙ୍କୁ ବ୍ୟବହାର କରନ୍ତି ଏବଂ ତାଙ୍କ ସଫଳତାର ପଥରେ କାହାକୁ ଆସିବାକୁ ଦିଅନ୍ତି ନାହିଁ । ଅଭିଜିତ୍ ଆହୁରି କହିଛନ୍ତି ଶାହାରୁଖ ଖାନଙ୍କ ଠାରୁ ବଡ଼ ଜାତୀୟତାବାଦୀ କେହି ନୁହଁନ୍ତି । କାରଣ ତାଙ୍କ ଦ୍ୱାରା ନିର୍ମିତ ଚଳଚ୍ଚିତ୍ରଗୁଡିକ ‘ଫିର ଭି ଦିଲ୍ ହୈ ହିନ୍ଦୁସ୍ତାନୀ,’ ସ୍ୱେଦେଶ’, ଅଶୋକା ଭଳି ଭେଟି ଦେଇଛନ୍ତି ସୁପରହିଟ୍ ଚଳଚ୍ଚିତ୍ର । ତାଙ୍କ ବିରୋଧରେ ଏଭଳି ଅଭିଯୋଗ କିପରି କରାଯାଇପାରିବ?’

୨୦୧୬ ମସିହାରେ ଅଭିଜିତ୍ ଭଟ୍ଟାଚାର୍ଯ୍ୟ ହିଁ ଶାହାରୁଖ ଖାନ, ସଲମାନ ଖାନ ଏବଂ କରଣ ଜୋହରଙ୍କ ସମେତ ଅନ୍ୟ ତାରକାଙ୍କୁ ଗାଳି ଦେଇଥିଲେ । ଏହାର କାରଣ ହେଉଛି ପାକିସ୍ତାନୀ କଳାକାରମାନଙ୍କୁ କାମ ଦେବା । ସେତେବେଳେ ଉରିରେ ହୋଇଥିବା ଆତଙ୍କବାଦୀ ଆକ୍ରମଣକୁ ଦୃଷ୍ଟିରେ ରଖି ଭଟ୍ଟାଚାର୍ଯ୍ୟ କହିଥିଲେ ଯେ ଏହିପରି ଚଳଚ୍ଚିତ୍ର ନିର୍ମାତାମାନେ ଜାତୀୟ ବିରୋଧୀ, ଯେଉଁମାନେ ପାକିସ୍ତାନୀ କଳାକାରମାନଙ୍କୁ କାମ ଦେଉଛନ୍ତି ।

you can also read….

   Related Posts