ନୂଆଦିଲ୍ଳୀ ୦୮।୦୮: ଆମେରିକାର ଭର୍ଜିନିଆରେ ରହୁଥିବା ଭାରତୀୟ ମୂଳ ଆର୍ଯ୍ୟ ୱାଲଭେକର ଭାରତର ନାମକୁ ଉଜ୍ଵଳ କରିଛନ୍ତି। ଆର୍ଯ୍ୟ ୨୦୨୨ର ମିସ୍ ଇଣ୍ଡିଆ ୟୁଏସ୍ ଟାଇଟଲ୍ ଜିତିଛନ୍ତି । ଏହି ପ୍ରତିଯୋଗିତା ନ୍ୟୁ ଜର୍ସିରେ ଅନୁଷ୍ଠିତ ହୋଇଥିଲା। ୧୮ ବର୍ଷ ବୟସରେ ଆର୍ଯ୍ୟ ତାଙ୍କ ମୁଣ୍ଡରେ ସଜାଇଛନ୍ତି ମୁକୁଟ ।
ମିସ୍ ଇଣ୍ଡିଆ ୟୁଏସ୍ ୨୦୨୨ ଆର୍ଯ୍ୟ ଜଣେ ଅଭିନେତ୍ରୀ ହେବାକୁ ଇଚ୍ଛା କରନ୍ତି । ଆର୍ଯ୍ୟ କହିଛନ୍ତି ଯେ ନିଜକୁ ପରଦାରେ ଦେଖିବା ଏବଂ ଟିଭିରେ ଅଭିନୟ କରିବା ମୋର ପିଲାଦିନର ସ୍ୱପ୍ନ । ଏହି ଇଭେଣ୍ଟରେ ଦ୍ୱିତୀୟ ସ୍ଥାନ ହାସଲ କରିଛନ୍ତି ଭର୍ଜିନିଆ ବିଶ୍ୱବିଦ୍ୟାଳୟର ସୌମ୍ୟା ଶର୍ମା ଏବଂ ନ୍ୟୁ ଜର୍ସିର ସଞ୍ଜନା ଚେକୁରୀ ତୃତୀୟ ସ୍ଥାନ ଅଧିକାର କରିଛନ୍ତି।
