AKK 2023
Hari omm 2
AKK2023
hari om films
WEB_F-8
HARI-OMM_728X90_B
WEB_F-9
Showcase2022
hari om films
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମୁମ୍ୱାଇ: ଗୁଲମର୍ଗ ସ୍କିଂ ରିସର୍ଟରେ ହିମସ୍ଖଳନ, ଫସିଲେ ଅନେକ ବିଦେଶୀ ଟୁରିଷ୍ଟ
  • ||
  • ନବ ଦାସ ହତ୍ୟା ମାମଲା, ଅବସରପ୍ରାପ୍ତ ବିଚାରପତି ଜଷ୍ଟିସ୍‌ ଜେ.ପି ଦାସ କରିବେ ତଦନ୍ତର ତଦାରଖ
  • ||
  • ଭୁବନେଶ୍ୱର: ଓଡ଼ିଶା ଆସୁଛନ୍ତି ରାଷ୍ଟ୍ରପତି, ଟ୍ୱିନସିଟିର ବିଭିନ୍ନ କାର୍ଯ୍ୟକ୍ରମରେ ଯୋଗଦେବେ
  • ||
  • ବଜେଟ୍: ସୁନା-ରୁପା, ସିଗାରେଟ୍ ମହଙ୍ଗା, ଶସ୍ତା ହେଲା ଟିଭି ଉପକରଣ ଓ ସାଇକେଲ୍, ଖେଳନା
  • ||
  • ବଜେଟ୍‌ ଫୋକସ୍; ୨୦୪୭ ସୁଦ୍ଧା ଦୂର ହେବ ଏମିନିଆ, ଗ୍ରୀନ୍ ହାଇଡ୍ରୋଜେନ୍ ମିଶନ ଲକ୍ଷ୍ୟ
  • ||
  • ବଜେଟ୍‌ ଫୋକସ୍; ୨୦୪୭ ସୁଦ୍ଧା ଦୂର ହେବ ଏମିନିଆ, ଗ୍ରୀନ୍ ହାଇଡ୍ରୋଜେନ୍ ମିଶନ ଲକ୍ଷ୍ୟ
  • ||
  • ଢେଙ୍କାନାଳ: ରାସ୍ତାରେ ଓଲଟିପଡ଼ିଲା ଯାତ୍ରୀବାହୀ ଅଟୋ, ୯ ଆହତ
  • ||

ଏକ୍‌ଜିଟ୍ ପୋଲରେ ଆପ୍‌ Returns ; ବିଜେପି ନମ୍ବର ୨, କଂଗ୍ରେସର ସ୍ଥିତି ନାହିଁ

9/02/2020 at 11:02 AM

ନୂଆଦିଲ୍ଲୀ ୦୮।୦୨: ଆସନ୍ତା ୧୧ତାରିଖ, ମଙ୍ଗଳବାର କାହାର ହେବ ମଙ୍ଗଳ । କିଏ ମାରିବ ଦିଲ୍ଲୀ ବାଜି । ସରିଛି ଦିଲ୍ଲୀ ନିର୍ବାଚନ । ୧୧ରେ ମତଗଣନା । ଜଣା ପଡିବ ଦିଲ୍ଲୀରେ କିଏ ଗଢିବ ସରକାର । ତେବେ ମତଦାନ ପରେ ବିଭିନ୍ନ ସଂସ୍ଥାର ଏକଜିଟ୍ ପୋଲ ରେଜଲ୍ଟ ଅନୁଯାୟୀ ଏଥର ଆମ ଆଦମୀ ପାର୍ଟି ଗଢିପାରେ ସରକାର । ଅରବିନ୍ଦ କେଜ୍ରିୱାଲ ହାଟ୍ରିକ କରିପାରନ୍ତି ଦିଲ୍ଲୀରେ ନୂଆ ସରକାର ଗଠନ ପାଇଁ ଭୋଟର ନିଷ୍ପତ୍ତି ନେଇ ସାରିଛନ୍ତି । ଇ.ଭି.ଏମ୍.ରେ ଭୋଟ୍ ସିଲ୍ ହୋଇଯାଇଛି । ଏବେ ଅପେକ୍ଷା ଭୋଟ୍ ଗଣତିକୁ । ଦିଲ୍ଲୀ ବାସିନ୍ଦା ଆପ୍ ଉପରେ ପୁଣି ଭରସା କରିଛନ୍ତି ନା ଦିଲ୍ଲୀ ସିଂହାସନରେ ନୂଆ ନେତା ଅଭିସିକ୍ତ ହେବେ ,ତାହା ୧୧ ତାରିଖରେ ଜଣାପଡ଼ିବ ।

ମତଦାନ ପରେ ପରେ ବିଭିନ୍ନ ସଂସ୍ଥା କରିଥିବା ଏକଜିଟ୍ ପୋଲରେ ପ୍ରାୟ ସମସ୍ତେ ପୂର୍ବାନୁମାନ କରିଛନ୍ତି ଏଥର ପୁଣି ଦିଲ୍ଲୀରେ ଝାଡୁ ଚାଲିବ। ପୁଣି କ୍ଷମତାକୁ ଫେରିବ ଆମ୍ ଆଦମି ପାର୍ଟି  ଏବଂ ଅରବିନ୍ଦ କେଜରିୱାଲଙ୍କ ନେତୃତ୍ବାଧୀନ ଆମ୍  ଆଦମି ପାର୍ଟି । ପୁଣି ସରକାର ଗଠନ କରିବାକୁ ଯାଉଛି ଆପ୍‌। ୨୦୧୫ ଅପେକ୍ଷା ଏଥର ମତଦାନ ହାର କମ ରହିଥିବା ସୂଚନା ମିଳିଛି । ୨୦୧୫ରେ ୬୭ ପ୍ରତିଶତ ମତଦାନ ହୋଇଥିବା ବେଳେ ଏଥର କିନ୍ତୁ ପାଖପାଖି ୫୫ ପ୍ରତିଶତ ମତଦାନ ହୋଇଛି । ଆଉ ମତଦାନ ପରେ ବିଭିନ୍ନ ସଂସ୍ଥା କରିଥିବା ଏକଜିଟ୍ ପୋଲରେ ସଙ୍କେତ ମିଳିଛି ନିର୍ବାଚନରେ ଆଗୁଆ ରହିବ ଆମ୍ ଆଦମୀ ପାର୍ଟି।

ନେତା ନ୍ୟୁଜ୍ ଏକ୍ସ କରିଥିବା ଏକଜିଟ୍ ପୋଲରେ ଆମ୍ ଆଦମୀ ପାର୍ଟି ୫୩ରୁ ୫୭, ବିଜେପି ୧୧ରୁ ୧୭ ଆସନରେ ବିଜୟୀ ହେବେ ଏବଂ କଂଗ୍ରେସ କୌଣସି ଆସନ ନ ପାଇପାରେ। ସେହିପରି ଟାଇମ୍ସ ନାଓ କରିଥିବା ପୂର୍ବାନୁମାନ ଅନୁସାରେ ଆପ୍ ୪୪, ବିଜେପି ୨୬ଟି ଆସନରେ ବିଜୟୀ ହୋଇପାରେ । ତେବେ କଂଗ୍ରେସ ଓ ଅନ୍ୟାନ୍ୟଙ୍କ ପାଇଁ ଟାଇମ୍ସ ନାଓ କିଛି ପୂର୍ବାନୁମାନ କରିନାହିଁ ।

ରିପବ୍ଲିକ୍ ଜନ୍ କି ବାତ୍ କରିଥିବା ଏକଜିଟ୍ ପୋଲ୍ ସରେ ଆମ୍  ଆଦମି ପାର୍ଟି ୪୮ରୁ ୬୧ ବିଜେପି ୯ ରୁ ୨୧, କଂଗ୍ରେସ ଅତିବେଶୀରେ ଗୋଟିଏ ଆସନ ଜିତିପାରେ । ଇଣ୍ଡିଆ ଟିଭି କରିଥିବା ଏକଜିଟ୍ ପୋଲରେ ଆମ ଆଦମି ପାର୍ଟି ୪୪ ଆସନ ଜିତିପାରେ ଏବଂ ବିଜେପି ୨୬ ଆସନ ଜିତିପାରେ ।

ପୋଲ୍‌ଷ୍ଟାର୍ଟ ଆକଳନ ଅନୁସାରେ ଦିଲ୍ଲୀ ବିଧାନସଭାର ମୋଟ ୭୦ ଆସନ ମଧ୍ୟରୁ ଆପ୍‌ ୫୦-୫୬ ଆସନ ପାଇବାକୁ ଥିବା ବେଳେ ବିଜେପି ୧୦ରୁ ୧୪ ଆସନ ପାଇବ । କିନ୍ତୁ କଂଗ୍ରେସ ଖାତା ଖୋଲିପାରିବ ନାହିଁ ବୋଲି ଏହି ସଂସ୍ଥା ଦର୍ଶାଇଛି । ଏବିପି-ସି ଭୋଟର ସର୍ଭେ ଦର୍ଶାଇଛି ଯେ ଆପ୍‌ ୪୯-୬୩ ଆସନ ପାଇବାକୁ ଥିଲା ବେଳେ ବିଜେପି ୫-୯ ଓ କଂଗ୍ରେସ ୦-୪ଟି ଆସନ ପାଇବାର ସମ୍ଭାବନା ରହିଛି ।

ଇଣ୍ଡିଆଟିଭି-ଆଇପିଏସ୍‌ଓଏସ୍‌ ସର୍ଭେ କହିଛି ଯେ ଆପ୍‌ ୪୪ ଓ ବିଜେପି ୨୬ ଆସନ ପାଇବ । କଂଗ୍ରେସକୁ ଗୋଟିଏ ହେଲେ ଆସନ ମିଳିବ ନାହିଁ ବୋଲି ଏହି ସଂସ୍ଥା ଉଲ୍ଲେଖ କରିଛି । ଟିଭି୯-ସିସେରୋ ପକ୍ଷରୁ କରାଯାଇଥିବା ଆକଳନ ଅନୁସାରେ ଆପ୍‌ ୫୪, ବିଜେପି ୧୫ ଓ କଂଗ୍ରେସକୁ ଗୋଟିଏ ଆସନ ମିଳିବ ।

ଇଣ୍ଡିଆ ଟୁଡେ-ଆକ୍ସିସ ମାଇଁ ଇଣ୍ଡିଆର ଆକଳନ ଅନୁସାରେ ଆପକୁ ୫୯-୬୮ ଆସନ ମିଳିବାକୁ ଥିବା ବେଳେ ବିଜେପିକୁ ୨-୧୧ ଆସନ ମିଳିବ । କଂଗ୍ରେସ ଖାତା ଖୋଲିପାରିବ ନାହିଁ ବୋଲି ଏହି ସଂସ୍ଥା ଅନୁମାନ ଲଗାଇଛି । ସେହିଭଳି ସୁଦର୍ଶନ ନ୍ୟୁଜ୍‌ ଦର୍ଶାଇଛି ଯେ ଆପ୍‌କୁ ୪୦-୪୫ ଆସନ ମିଳିବ । ବିଜେପିକୁ ୨୪-୨୮ ଆସନ ମିଳିବାକୁ ଥିଲା ବେଳେ କଂଗ୍ରେସ ୨-୩ଟି ଆସନ ପାଇବ । 

ସମସ୍ତ ଏକଜିଟ୍ ପୋଲକୁ ଅନୁଧ୍ୟାନ କଲେ ଆମ୍ ଆଦମି ପାର୍ଟି ଦିଲ୍ଲୀବାସୀଙ୍କ ବିଶ୍ବାସ ବଳବତ୍ତର ରଖିବାକୁ ଯାଉଛି । ଏବଂ ପୁଣିଥରେ ଦିଲ୍ଲୀରେ ଚାଲିବ କେଜରିୱାଲଙ୍କ ଶାସନ । ତେବେ ଏକଜିଟ୍‌ ପୋଲକୁ ନେଇ ଆପ୍ ନେତା ଖୁସି ଥିବା ବେଳେ , ଯଦି ଇଭିଏମ୍‌ ଖୋଲାହେବା ସମୟରେ ଏହାକୁ ଟ୍ୟାମ୍ପରିଂ କରାଯିବା ନେଇ ଆଶଙ୍କା ବ୍ୟକ୍ତ କରିଛନ୍ତି ଆପ୍‌ର ଦଳୀୟ ନେତା ।

   Related Posts