ଭୁବନେଶ୍ବର ୮।୮: ଏଣିକି ସ୍କୁଲରେ ନାମଲେଖା ପାଇଁ ଆଧାର କାର୍ଡ ବାଧ୍ୟତାମୂଳକ ନୁହେଁ । ଏ ନେଇ ବିଦ୍ୟାଳୟ ଓ ଗଣଶିକ୍ଷା ବିଭାଗ ସଚିବ ସମସ୍ତ ଡିଇଓଙ୍କୁ ଚିଠି ଲେଖିଛନ୍ତି ।

ପୂର୍ବରୁ ସ୍କୁଲ ଗୁଡିକରେ ଆଧାର କାର୍ଡ ବାଧ୍ୟତାମୂଳକ ଥିଲା । ଏହାକୁ ଆଧାର କରି ଉଦଳାରେ ଜଣେ ଛାତ୍ରୀଙ୍କ ନାମଲେଖା ହୋଇପାରିନଥିବା ଜଣାପଡିଛି । ଏହି ଘଟଣାକୁ ଆଧାର କରି ବିଦ୍ୟାଳୟ ଓ ଗଣଶିକ୍ଷା ବିଭାଗ ସଚିବ ସମସ୍ତ ଡିଇଓଙ୍କୁ ଚିଠି ଲେଖିଛନ୍ତି । ନାମଲେଖା ବେଳେ ଆଧାର କାର୍ଡ ବାଧ୍ୟତାମୂଳକ ରଖିପାରିବେ ନାହିଁ ବୋଲି ଚିଠିରେ ଉଲ୍ଲେଖ ରହିଛି । ତେବେ ଯଦି ଏମିତି କୌଣସି ଘଟଣା ସାମ୍ନାକୁ ଆସେ ତେବେ ସେହି ସ୍କୁଲ ବିରୁଦ୍ଧରେ କାର୍ଯ୍ୟାନୁଷ୍ଠାନ ନିଆଯିବ ବୋଲି ଚିଠିରେ ଉଲ୍ଲେଖ ରହିଛି ।

You Can Read :