ମୁମ୍ବାଇ: ମୁମ୍ବାଇର ଲାଲବାଗ ଅଞ୍ଚଳରେ ପ୍ଲାଷ୍ଟିକ ବ୍ୟାଗ୍‌ରୁ ଜଣେ ମହିଳାଙ୍କ ଗଳିତ ଶବ ପୋଲିସ୍ ଉଦ୍ଧାର କରିଛି। ମହିଳାଙ୍କ ବୟସ  ୫୦ରୁ ୫୫ ବର୍ଷ ମଧ୍ୟରେ ହେବ ବୋଲି ଅନୁମାନ କରାଯାଉଛି। ମୃତଦେହକୁ ପୋଷ୍ଟମର୍ଟମ ପାଇଁ ପଠାଇ ପୋଲିସ୍ ତଦନ୍ତ ଆରମ୍ଭ କରି ଦେଇଛି। ତେବେ ଏହି ଘଟଣାରେ ପୋଲିସ୍ ମୃତ ମହିଳାଙ୍କ ଝିଅକୁ ଗିରଫ  କରିଛି।

ମହିଳା ଗଳିତ ଶବ ଲାଲବାଗ ଅଞ୍ଚଳର ଇବ୍ରାହିମ କାସିମ କୋଠାର ପ୍ରଥମ ମହଲାରେ ଏକ ପ୍ଲାଷ୍ଟିକ ବ୍ୟାଗ୍‌ରୁ ମିଳିଛି। ପୋଲିସ୍ ଘଟଣାରେ ୨୨ ବର୍ଷୀୟ ଝିଅକୁ ନିଜ ହେପାଜତକୁ ନେଇ ପଚରା ଉଚୁରା କରୁଥିବା ଡିସିପି ପ୍ରବୀଣ ମୁଣ୍ଡେ କହିଛନ୍ତି। ମୃତ ମହିଳାଙ୍କ ନାମ ହେଉଛି ବୀଣା ପ୍ରକାଶ ଜୈନ।

Mumbai | The decomposed body of a 53-year-old woman was found in a plastic bag in Lalbhaug area. The 22-year-old daughter of the deceased woman was taken into custody by the police for questioning. Police took the body into custody and sent it for postmortem: DCP Pravin Mundhe pic.twitter.com/2AlVS225XV

— ANI (@ANI) March 15, 2023

ମୁମ୍ବାଇ ପୋଲିସ୍ କହିଛି, ମଙ୍ଗଳବାର ସନ୍ଧ୍ୟାରେ ଘଟଣା ବିଷୟରେ ସେମାନଙ୍କୁ ସୂଚନା ମିଳିଥିଲା। ତଦନ୍ତ ଜାରି ରହିଛି ଏବଂ ହତ୍ୟାର ପ୍ରକୃତ କାରଣ ଜଣା ପଡିବ ବୋଲି ପୋଲିସ୍ ଅଧିକାରୀ କହିଛନ୍ତି। ପୋଲିସ୍ ସୂତ୍ର ଅନୁଯାୟୀ, ପାରିପାର୍ଶ୍ଵିକ ସ୍ଥିତିକୁ ଦେଖିଲେ ଅନେକ ଦିନରୁ ମହିଳାଙ୍କୁ ହତ୍ୟା କରାଯାଇଛି। ତେବେ ମହିଳାଙ୍କ ଭାଇ କଲାଚୌକି ଥାନାରେ ନିଖୋଜ ମାମଲା ରୁଜୁ କରାଇଥିଲେ।

ପଡୋଶୀ ପୋଲିସକୁ  ଜଣାଇଛନ୍ତି ଯେ, ପାଖାପାଖି ଦୁଇ ମାସ ହେବ ସେମାନେ ମହିଳାଙ୍କୁ ଦେଖିନଥିଲେ। କିନ୍ତୁ ଶବ ସଢିଯିବା ସତ୍ତ୍ଵେ ବି ଏତେ ଦିନ ଧରି ପଡୋଶୀ କିମ୍ବା ପୋଲିସ୍ ଏହାର କୌଣସି ସୁରାକ ପାଇନଥିଲେ, ଯାହା ଚକିତ କରୁଛି।

ପୋଲିସ୍ ଅନୁଯାୟୀ, ଧାରୁଆ ଅସ୍ତ୍ରରେ ମହିଳାଙ୍କ ଶବକୁ ଖଣ୍ଡ ଖଣ୍ଡ କରାଯାଇଛି। ମଙ୍ଗଳବାର ସନ୍ଧ୍ୟାରେ ଫରେନ୍ସିକ ଦଳକୁ ଘଟଣାସ୍ଥଳକୁ ପଠାଇ  ପରିବାର ଲୋକଙ୍କ ଉପସ୍ଥିତିରେ ଶବର ଚିହ୍ନଟ କରାଯାଇଥିଲା। ତେବେ ତଦନ୍ତ ପରେ ହତ୍ୟାର ପ୍ରକୃତ କାରଣ ଜଣା ପଡିବ ବୋଲି ପୋଲିସ୍ କହିଛି।